×

बुद्ध एयरको 'रोयल क्लब' : टिकटमा छुट, लगेजमा सहुलियतदेखि बोर्डिङ पासको लाइनमा प्राथमिकतासम्म

काठमाडाैं | जेठ २३, २०८१

निजी क्षेत्रबाट सञ्चालित नेपालको अग्रणी वायु सेवा कम्पनी बुद्ध एयरले आफ्ना नियमित ग्राहकलाई लक्षित गरेर ‘रोयल क्लब’ सञ्चालनमा ल्याएको छ ।

क्लबको सदस्य बनेपछि यात्रुले विभिन्न अतिरिक्त सुविधा पाउने बुद्ध एयरको भनाइ छ ।


Advertisment

यात्रुले जति धेरै यात्रा गर्छन् उनीहरूले उति अंक जम्मा गर्न सक्ने र पर्याप्त अंक भएपछि अतिरिक्त ब्यागेज सुविधादेखि उडान शुल्कमा छुट, निःशुल्क उडान, विभिन्न स्टोर र रेस्टुरेन्टमा छुट जस्ता फाइदाहरू प्राप्त गर्न सक्नेछन् ।


Advertisment

रोयल क्लब सदस्य बन्न सदस्यता फारम भर्नुपर्ने हुन्छ । बुद्ध एयरको पहिलो उडानबाटै अस्थायी कार्ड प्रयोग गरेर अंक कमाउन शुरू गर्न सक्नेछन् । आवेदन फारम बुझाएपछि चार हप्ताभित्र यात्रुले स्थायी कार्ड प्राप्त गर्न सक्नेछन् । 

रोयल क्लब सदस्य बन्दा हुने फाइदाहरू

रोयल क्लब सदस्यता लिँदा सदस्यले मात्र होइन, उनको परिवारले पनि यसको फाइदा लिन सक्ने यस क्लबका कार्यक्रम प्रमुख उद्धव कायस्थले बताए । 

'यसमा निःशुल्क टिकट र यात्रुको श्रीमान/श्रीमती बच्चाको नाममा समेत भौचर जारी हुन्छ । त्यसैले फारम भर्दा सबैको नाम उल्लेख गर्नुपर्ने हुन्छ,' उनले लोकान्तरसँग भने । 

रोयल क्लब कार्डमा अंक जम्मा गरेर यात्रुले उडान टिकटमा छुट र निःशुल्क उडानजस्ता फाइदाहरू प्राप्त गर्न सक्ने कायस्थको भनाइ छ । 

अंक दाबी गर्न बुद्ध एयरका अफिसमा उपलब्ध रिडेम्सन फारम भर्न सकिन्छ । फारम बुझाएपछि यात्रुले आफ्नो रोजाइको पुरस्कार प्राप्त गर्न सक्नेछन् ।

कार्डमा उपलब्ध अंकले विभिन्न ठाउँमा भुक्तानी गर्न मिल्छ । यात्रुले टिकट किन्दा अंकको ५० प्रतिशत र बाँकी ५० प्रतिशत नगदमा तिर्न सक्ने व्यवस्था मिलाइएको छ ।

यात्रुले प्राप्त गरेको अंकको आधारमा उनीहरूलाई विभिन्न स्टोरहरूमा छुट दिने व्यवस्था बुद्ध एयरले ल्याएको छ । काठमाडौंका केही स्टोर जस्तै रीबोक, एडिडास, ली जस्ता स्टोरमा खरिद गर्दा छुट उपलब्ध हुने कायस्थको भनाइ छ ।

रोयल क्लबले दुईथरी कार्ड उपलब्ध गराउँछ, पहिलो गोल्ड अनि दोस्रो प्लाटिनम । 

गोल्ड सदस्यले १२ सय ५० अंक प्राप्त गर्दा टिकटमा रू १ हजार बराबरको छुट या स्टोरमा खरिद गर्दा सोही बराबरको छुट प्राप्त गर्न सक्नेछन् । त्यस्तै प्लाटिनम सदस्यले ११ सय १० अंकले सोही छुट पाउन सक्ने व्यवस्था गरिएको छ ।

कति अंकमा कति छुट ?

त्यस्तै गोल्ड र प्लाटिनम सदस्यले क्रमश: १८ सय ७५ र १६ सय ६५ अंकमा १५ सय बराबरको छुट पाउन सक्नेछन् भने ३१ सय २५ र २७ सय ७५ अंकमा २५ सय बराबरको छुट पाउन सक्ने व्यवस्था मिलाइएको छ ।

रोयल क्लब सदस्यता कार्यक्रमले यात्रुले आफ्नो अंक रिडीम नगरी पनि चयन गरिएका स्टोरहरूमा छुट पाउन सक्ने व्यवस्था गरिएको कायस्थको भनाइ छ ।

रोयल क्लब सदस्यहरूले आफ्नो उडानमा ५ किलोसम्म अतिरिक्त ब्यागेज सुविधा पाउँछन् ।

त्यस्तै तपाईं रोयल क्लब गोल्ड सदस्यता प्राप्त व्यक्तिले प्लाटिनम र डायमन्ड फ्रिक्वेन्ट फ्लायर प्रोग्रामहरूमा सदस्यता अपग्रेड प्राप्त गर्न सक्छन् ।

'रोयल क्लब प्लाटिनम' एक विशेष समूहको सदस्यता योजना हो जसमा सदस्यहरूले नियमित रोयल क्लब सदस्य भन्दा बढी फाइदाहरू पाउँछन् ।

आफ्नो कार्डमा ७ हजार ५ सय अंक भएमा जो कोही पनि प्लाटिनम सदस्य बन्न सक्छ । 

प्लाटिनम सदस्यहरूले आफ्नो प्लाटिनम सदस्यता समाप्त भएपछि सामान्य गोल्ड सदस्यता कार्ड प्रयोग गरेर उडान गर्न सक्नेछन् । कार्ड हराएको वा बिग्रिएको अवस्थामा उनीहरूले सानो शुल्कमा नयाँ कार्ड प्राप्त गर्न रोयल क्लब अफिसलाई जानकारी दिनुपर्छ ।

'रोयल क्लब डायमन्ड फ्रिक्वेन्ट फ्लायर प्रोग्राम'

रोयल क्लब डायमन्ड सदस्यता रोयल क्लब फ्रिक्वेन्ट फ्लायर प्रोग्रामको सबैभन्दा उच्चस्तर हो । यो सबैभन्दा मूल्यवान फ्लायर सदस्यता हो जसले गोल्ड र प्लाटिनम सदस्यहरूको भन्दा बढी सुविधाहरू प्रदान गर्दछ ।

डायमन्ड सदस्यहरूले बुद्ध एयरसँग अझ रमाइलो तरिकाले यात्रा गर्न सक्नेछन् । कुनै पनि रोयल क्लब सदस्यले १ लाख भन्दा बढी अंक आर्जन गरेका छन् भने उनीहरू डायमन्ड अपग्रेडको लागि आवेदन दिन सक्छन् ।

डायमन्ड सदस्यहरूले नयाँ (कालो रंगको) कार्ड प्राप्त गर्नेछन् यसलाई योग्य सदस्यले मात्र दाबी गर्न सक्छन् । 

डायमन्ड कार्डको कुनै समाप्ति मिति हुँदैन । यद्यपि, सदस्यहरूले आफ्नो सदस्यता सक्रिय राख्न हरेक २४ महिनामा कम्तीमा एकपटक अंक आर्जन गर्ने वा रिडिम गर्ने क्रियाकलाप गर्नुपर्छ । 

यदि खातामा २४ महिनाको अवधिमा कुनै गतिविधि हुँदैन भने डायमन्ड स्थिति समाप्त हुनेछ । समाप्तिपछि सदस्यहरूले आफ्नो उडान माइलेज स्टोर गर्न पुनः गोल्ड वा प्लाटिनमको दाबी गर्न सक्छन् ।

रोयल क्लब डायमन्ड सदस्यताको फाइदाहरू

डायमन्ड क्लब सदस्यको लागि कुनै पनि उडानको लागि विमानस्थलमा स्ट्यान्डबाई प्राथमिकता दिइनेछ । 

यसका लागि सदस्यहरूले यात्रा गर्दा सदैव आफ्नो डायमन्ड कार्ड उपलब्ध गराउनु पर्छ । यसका साथै उनीहरूले प्लाटिनम र गोल्ड सदस्यताको फाइदाहरू सहित अतिरिक्त फाइदाहरू पनि प्राप्त गर्दछन् ।

रोयल क्लब सदस्यता कार्डको दुरुपयोग भएमा वा बुद्ध एयरले कुनै पनि समयमा वा बिना कुनै सूचना कार्यक्रम नियम र नियमावली, यात्रा पुरस्कार र विशेष प्रस्तावहरू परिवर्तन गर्न सक्छ ।

बुद्ध एयरले डायमन्ड कार्यक्रमलाई ६ महिनाको सूचनाभित्र समाप्त गर्ने अधिकार पनि राख्छ ।

जेठ १८, २०८१

विद्युतीय सवारी साधनहरूको क्षेत्रमा ग्लोबल लिडर बीवाईडी (विल्ड योर ड्रीम्स) ले नेपाली बजारमा पनि उल्लेखनीय सफलता प्राप्त गरेको छ । कम्पनीले आफ्नो कोर टेक्नोलोजी, ब्लेड ब्याट्री र ई-प्ल्याटफर्म ३.० मार्फत उत्कृष्ट प्रद...

बैशाख १९, २०८१

काठमाडौँको कालीमाटी फलफूल तथा तरकारी बजार विकास समितिले बुधबारका लागि कृषि उपजहरुको थोक मूल्य निर्धारण गरेको छ ।  समितिका अनुसार गोलभेँडा ठुलो नेपालीको अधिकतम मूल्य प्रतिकिलो ५० रुपैयाँ तोकेको ...

जेठ १८, २०८१

विद्युतीय गाडीहरूको द्रुत परिवर्तन हुने परिदृश्यमा, टाटा टियागो.ev उत्कृष्ट मूल्य प्रस्तावको रूपमा अगाडि आउँछ, जसले सुलभता, सुरक्षा र दक्षतालाई जोड दिन्छ। यो कम्प्याक्ट ह्याचब्याक आधुनिक पेशेवरहरूको आवश्यकताहरू पूरा...

बैशाख ३०, २०८१

काठमाडौँको कालीमाटी फलफूल तथा तरकारी बजार विकास समितिले आइतबारका लागि कृषि उपजहरुको थोक मूल्य निर्धारण गरेको छ ।  जसअनुसार गोलभेँडा ठुलो भारतीयको अधिकतम मूल्य प्रतिकिलो ८० रुपैयाँ कायम भएको छ भने...

जेठ ३, २०८१

काठमाडौँको कालीमाटी फलफूल तथा तरकारी बजार विकास समितिले बिहीबारका लागि कृषि उपजहरुको थोक मूल्य निर्धारण गरेको छ ।  समितिका अनुसार गोलभेँडा ठुलो नेपालीको अधिकतम मूल्य प्रतिकिलो ४० र गोलभेँडा सान...

जेठ १०, २०८१

काठमाडौँको कालीमाटी फलफूल तथा तरकारी बजार विकास समितिले बिहीबारका लागि कृषि उपजहरुको थोक मूल्य सार्वजनिक गरेको छ ।  जसअनुसार गोलभेँडा सानो लोकलको अधिकतम मूल्य प्रतिकिलो ४०, गोलभेँडा सानो टनेलको...

समाज सुधारका १२ सूत्र

समाज सुधारका १२ सूत्र

असार ११, २०८१

समाजमा बसेपछि सबैसँग सद्भाव, मित्रता, सहनशीलता, क्षमायाचना, त्याग, शालीनता, भद्रता आदि कुराको आवश्यकता पर्दछ । हरेक मानिस र उसको पारिवारिक अवस्था फरक–फरक हुन्छ। सानातिना कुरामा विवाद गर्ने, निहुँ खोज्ने...

किन बनेन हाम्रो देश ?

किन बनेन हाम्रो देश ?

असार १०, २०८१

'नेपाल अर्थात् यो हाम्रो देश बनेन, अहँ अब बन्दैन' भन्नेहरू देशभित्र मात्र होइन, विदेशमा पनि पाइला–पाइलामा भेटिन्छन् । यसो भन्नेहरूमा देश र यहाँका जनताप्रति चिन्ता र चासो स्वाभाविक रूपमा भेटिन्छ । ...

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

असार ९, २०८१

'राजनीतिज्ञको काम आफ्नो जीवनलाई सहज र सुखद् बनाउनु होइन, आफू जन्मेर हुर्केको र अवसर पाएको समाजका लागि राम्रो काम गर्नु र उन्नत बनाउनु हो'- अमेरिकी पूर्वराष्ट्रपति अब्राहम लिङ्कन । नेपालमा यस्तो सोच्ने ...

x