×

बीवाईडीको आक्रामक उत्पादन रणनीति : एक सातामै ७० हजार युनिट बिक्री गरेर नयाँ रेकर्ड कायम

काठमाडाैं | जेठ २९, २०८१

एक सातामै करिब ७० हजार युनिट बिक्री गरेर बीवाईडी (बिल्ड योर ड्रिम्स)ले नयाँ रेकर्ड कायम गरेको छ ।

चिनियाँ विद्युतीय सवारी (ईभी) कम्पनीले घरेलु बजारमै यस्तो रेकर्ड कायम गरेको हो । साप्ताहिक वृद्धि ३० प्रतिशत भन्दा बढी रहेको कम्पनीले दाबी गरेको छ ।


Advertisment

पछिल्लो समय बीवाईडी (विल्ड योर ड्रीम्स) कम्पनीले विद्युतीय सवारी साधन बजारमा उल्लेखनीय प्रगति गरेको छ ।


Advertisment

 घरेलु बजारमा मात्र नभएर बीवाईडीले विश्वभर आफ्नो उपस्थिति बढाउँदै गइरहेको छ । हालसालैका विभिन्न तथ्यांकअनुसार बीवाईडीले मे २०२४ मा नयाँ साप्ताहिक बिक्री रेकर्ड तोडेको हो ।

एक सातामा ६९ हजार ५०० युनिट बीवाईडीको ईभी बिक्री भएको छ ।

यसले घरेलु ईभी बजारमा कम्पनीले थप प्रभुत्व जमाउँदै लगेको पुष्टि हुन्छ । मे महिनाको मध्यसम्ममा १ लाख १ हजार ३०० युनिट बिक्री भएको कम्पनीले जनाएको छ ।

जुन २०२४ मा बीवाईडीले अर्को उपलब्धि हासिल गर्दै २ लाख ५० हजार भन्दा बढी सवारी साधन बिक्री गरेको छ । यो मे महिनाको तुलनामा ५ दशमलव ३ प्रतिशतको वृद्धि हो ।

मूल्यमा कडा प्रतिस्पर्धा हुँदाहुँदै यस्तो उपलब्धी हासिल गर्नु निकै ठूलो सफलता रहेको बीवाईडीको भनाइ छ । बीवाईडीको बिक्री २०२३ को पहिलो आधा वर्षमा १२ लाख ६ हजार युनिट पुगेको छ, जुन अघिल्लो वर्षको तुलनामा लगभग दोब्बर हो ।

यद्यपि प्रभावकारी रूपमा बजारमा हस्तक्षेप हुँदाहुँदै पनि ईभी बजारमा बीवाईडीको मुनाफा प्रभावित बनेको छ । मूल्यमा कडा प्रतिस्पर्धा भएकाले मुनाफा कम भएको कम्पनीले दाबी गरेको छ ।

सन् २०२४ को पहिलो त्रैमासिकमा कम्पनीको मुनाफा लगभग आधा घटेको साउथ चाइना मर्निङ पोस्टले लेखेको छ । यसले टेस्ला जस्ता अन्य निर्माताहरूसँग तीव्र प्रतिस्पर्धा गर्नुपरेको छ ।

तथापि बीवाईडीको नयाँ अन्तर्राष्ट्रिय बजारमा विस्तार गर्ने रणनीति र निरन्तर नयाँ मोडेल उत्पादन गर्ने कार्यले यसको बजार स्थिति बलियो बनाएको छ ।​

बीवाईडीको नयाँ मोडेलहरू र प्रतिस्पर्धी मूल्य निर्धारणले यसको सफलतामा उल्लेखनीय योगदान पुर्‍याएको छ । उदाहरणका लागि सी लायन-७ लाई  जसले टेस्लाको मोडेल वाईसँग प्रतिस्पर्धा गर्न सक्ने गरी डिजाइन गरिएको छ ।

यो टेस्लाको मूल्यलाई प्रतिस्थापन गर्दै उपभोक्ताहरूका लागि आकर्षक विकल्प बन्न सफल भएको हो । साथै बीवाईडी ईभी निर्यातमा केन्द्रित छ, जुन प्रयास अत्यधिक सफल भएको छ ।

अप्रिल २०२४ मा ४१ हजार ११ युनिट बीवाईडीका ईभी निर्यात गरिएको थियो, जुन अघिल्लो वर्षको तुलनामा १ सय ७६ प्रतिशतको वृद्धि हो ।

कम्पनीले २०२४ को अन्तसम्म ४० लाख युनिट बिक्री गर्ने लक्ष्य राखेको छ । जसअन्तर्गत धेरै नयाँ मोडेलहरू अन्तर्राष्ट्रिय बजारहरूमा पठाउने रणनीति कम्पनीले लिएको छ । यस लक्ष्यलाई साकार पार्न कम्पनीले आफ्नो डिलरलाई ३५ बाट ७० भन्दा बढी स्थान बिस्तार गर्ने योजना बनाएको छ ।

८ हजार डलरसम्मको मूल्य कटौतीका कारण बीवाईडीको इलेक्ट्रिक एसयूभी एटटो ३ को बिक्रीमा पनि कमी आएको छैन । कम्पनीले मे २०२४ को पहिलो चार महिनामा ९ लाख ३९ हजार ५०८ सवारी साधन बिक्री गरेको छ, यो अघिल्लो वर्षको तुलनामा यो २३ प्रतिशतको वृद्धि हो ।

विश्लेषकका अनुसार बीवाईडीको बिक्रीमा देखिएको वृद्धिले चिनियाँ बजारमा पेट्रोल कारहरूको संख्या घट्दै गएको पुष्टि हुन्छ ।​​

बीवाईडीले आफ्नो मुनाफा सुधार गर्न र प्रतिस्पर्धात्मक लाभ प्राप्त गर्न विभिन्न रणनीतिक उपायहरू अवलम्बन गरेको छ ।

विशेष गरी कम्पनीले आफ्नो उत्पादन क्षमतालाई वृद्धि गरिरहेको छ र नवीन प्रविधिहरूको प्रयोग गरिरहेको छ । जसमा डीएम-आई  हाइब्रिड प्रणाली र ब्लेड ब्याट्री प्रविधि समावेश छन् । यसले कम्पनीलाई नयाँ विद्युतीय सवारी साधनहरूको उत्पादन र बिक्रीमा सुधार गर्न मद्दत पुर्‍याइरहेको छ ।

कम्पनीले विश्वभर आफ्नो उत्पादन क्षमतालाई वृद्धि गर्दै विभिन्न बजारमा प्रवेश गरिरहेको छ । बीवाईडीले यूरोप, उत्तर अमेरिका, र एशिया प्रशान्त क्षेत्रमा आफ्ना उत्पादनहरू बेचिरहेको छ ।​​

बीवाईडीको दाबीअनुसार कम्पनी शून्य कार्बन उत्सर्जन हुने पारिस्थितिकी तन्त्र निर्माणमा केन्द्रित छ । यसमा सस्तो सौर्य ऊर्जा उत्पादन, विश्वसनीय ऊर्जा भण्डारण, र अत्याधुनिक विद्युतीय यातायात समावेश छन् । यसले बीवाईडीलाई ऊर्जा र यातायात क्षेत्रहरूको उद्योगमा नेतृत्वदायी रूपमा स्थापित गरेको छ ।

बैशाख २९, २०८१

कालीमाटी फलफूल तथा तरकारी बजार विकास समितिले शनिबारका लागि कृषि उपजहरुको थोक मूल्य निर्धारण गरेको छ ।  जसअनुसार गोलभेँडा ठुलो नेपालीको अधिकतम मूल्य प्रतिकिलो ८० रुपैयाँ कायम भएको छ भने गोलभेँडा...

जेठ ५, २०८१

कालीमाटी फलफूल तथा तरकारी बजार विकास समितिले शनिबारका लागि कृषि उपजहरुको थोक मूल्य निर्धारण गरेको छ ।  जसअनुसार गोलभेँडा ठुलो भारतीयको अधिकतम मूल्य ७०, गोलभेँडा सानो टनेलको ६०, गोलभेँडा सानो त...

जेठ ३, २०८१

काठमाडौँको कालीमाटी फलफूल तथा तरकारी बजार विकास समितिले बिहीबारका लागि कृषि उपजहरुको थोक मूल्य निर्धारण गरेको छ ।  समितिका अनुसार गोलभेँडा ठुलो नेपालीको अधिकतम मूल्य प्रतिकिलो ४० र गोलभेँडा सान...

बैशाख ३०, २०८१

काठमाडौँको कालीमाटी फलफूल तथा तरकारी बजार विकास समितिले आइतबारका लागि कृषि उपजहरुको थोक मूल्य निर्धारण गरेको छ ।  जसअनुसार गोलभेँडा ठुलो भारतीयको अधिकतम मूल्य प्रतिकिलो ८० रुपैयाँ कायम भएको छ भने...

जेठ १०, २०८१

काठमाडौँको कालीमाटी फलफूल तथा तरकारी बजार विकास समितिले बिहीबारका लागि कृषि उपजहरुको थोक मूल्य सार्वजनिक गरेको छ ।  जसअनुसार गोलभेँडा सानो लोकलको अधिकतम मूल्य प्रतिकिलो ४०, गोलभेँडा सानो टनेलको...

जेठ १८, २०८१

विद्युतीय गाडीहरूको द्रुत परिवर्तन हुने परिदृश्यमा, टाटा टियागो.ev उत्कृष्ट मूल्य प्रस्तावको रूपमा अगाडि आउँछ, जसले सुलभता, सुरक्षा र दक्षतालाई जोड दिन्छ। यो कम्प्याक्ट ह्याचब्याक आधुनिक पेशेवरहरूको आवश्यकताहरू पूरा...

समाज सुधारका १२ सूत्र

समाज सुधारका १२ सूत्र

असार ११, २०८१

समाजमा बसेपछि सबैसँग सद्भाव, मित्रता, सहनशीलता, क्षमायाचना, त्याग, शालीनता, भद्रता आदि कुराको आवश्यकता पर्दछ । हरेक मानिस र उसको पारिवारिक अवस्था फरक–फरक हुन्छ। सानातिना कुरामा विवाद गर्ने, निहुँ खोज्ने...

किन बनेन हाम्रो देश ?

किन बनेन हाम्रो देश ?

असार १०, २०८१

'नेपाल अर्थात् यो हाम्रो देश बनेन, अहँ अब बन्दैन' भन्नेहरू देशभित्र मात्र होइन, विदेशमा पनि पाइला–पाइलामा भेटिन्छन् । यसो भन्नेहरूमा देश र यहाँका जनताप्रति चिन्ता र चासो स्वाभाविक रूपमा भेटिन्छ । ...

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

नेपाली राजनीतिका मूल प्रवृत्ति : सामन्ती सोच, छद्मभेषी चरित्रदेखि आदर्शको विस्थापनसम्म

असार ९, २०८१

'राजनीतिज्ञको काम आफ्नो जीवनलाई सहज र सुखद् बनाउनु होइन, आफू जन्मेर हुर्केको र अवसर पाएको समाजका लागि राम्रो काम गर्नु र उन्नत बनाउनु हो'- अमेरिकी पूर्वराष्ट्रपति अब्राहम लिङ्कन । नेपालमा यस्तो सोच्ने ...

x