×

प्रदेशको बजेटमा पनि मनोमानी

कोशीमा भौतिक पूर्वाधारको अधिकांश बजेट मन्त्री र प्रचण्डका ज्वाइँको क्षेत्रमा सीमित

संसदीय दलका नेतालाई बजेट हालिदिएपछि प्रमुख प्रतिपक्षी पनि चुपचाप

विराटनगर | असार ७, २०८१

संघमा जस्तै प्रदेशमा पनि भौतिक पूर्वाधार मन्त्रालयबाट विनियोजित बजेटमा मन्त्री र प्रभावशाली नेताको हालिमुहाली चलेको छ ।

भौतिक पूर्वधारको बजेटमा मन्त्री गणेश उप्रेती र प्रधानमन्त्री पुष्पकमल दाहाल ‘प्रचण्ड’का कान्छा ज्वाइँ जीवन आचार्यको हालीमुहाली चलेको हो । 


Advertisment

क्षेत्र नम्बर ६ (१)बाट निर्वाचित सांसद आचार्यको निर्वाचन क्षेत्रमा मात्रै ९७ वटा योजना परेका छन् ।


Advertisment

आचार्यको क्षेत्रमा मोरङ क्षेत्र नम्बर ६ मा (१) सुन्दरहरैँचाका २, ३, ४, ५, ६, ७ नम्बर वडा पर्छन् । यस्तै, बूढीगंगाका ७ वटा र विराटनगर महानगरपालिकाको एउटा (४ नम्बर) वडा यसअन्तर्गत पर्छ ।

पछिल्लो समय मुख्यमन्त्री हिक्मत कार्कीले पनि माओवादी संसदीय दलका नेता इन्द्रबहादुर आङ्बोभन्दा बढी आचार्यसँग छलफल गर्ने गरेको नेताहरू बताउँछन् ।

आचार्यको क्षेत्रमा लगिएका अधिकांश योजना टुक्रे प्रकृतिका छन् । उनको क्षेत्रमा मात्र प्रदेशबाट १६ करोड बजेट पर्दा ५ लाखदेखि १ करोडसम्मका योजना समेटिएका छन् ।

यस्तै, माओवादी केन्द्रकै कोशी प्रदेश कमिटी सचिव समेत रहेका भौतिक पूर्वाधार विकास मन्त्री गणेश उप्रेतीको क्षेत्रमा पनि बजेटको बाढी छ ।

उप्रेतीले २७ करोडको हाराहारीमा योजना आफ्नो क्षेत्रमा पारेका छन् ।

उनको निर्वाचन क्षेत्रमा रतुवामाई नगरपालिकाका सबै वडा र सुनवर्षी नगरपालिकाका ५, ६, ७, ८ र ९ वडा पर्छन् । उनले आफ्ना क्षेत्रमा २७ करोड बराबरको योजना लगेका छन् । 

‘भौतिक पूर्वाधार मन्त्रीज्यूले अब फेरि मन्त्री भइन्छ कि भइँदैन जसरी आफ्नो क्षेत्रमा बजेट खन्याउनुभएको छ,’ एक मन्त्रीले भने, ‘यो अस्वाभाविक हो । भौतिक पूर्वाधार कार्यालय मोरङमार्फत विनियोजन भएको बजेट हेर्ने हो भने उहाँका योजना मात्रै भेटिन्छन् ।’

तर, मन्त्री उप्रेती भने आफूले मनोमानी नगरेको जिकिर गर्छन् । एमाले र कांग्रेसका प्रभावशाली नेता सांसदका समेत आयोजना थपिँदा धेरै देखिन गएको दाबी उनले गरे ।

‘एमालेबाट प्रतिनिधिसभा सदस्य ऋषिकेश पोखरेल लगायत प्रभावशाली नेता यही क्षेत्रको हुनुहुन्छ । कांग्रेसमा पनि डा. मीनेन्द्र रिजाल, सुजाता कोइराला लगायतको क्षेत्र हो,’ मन्त्री उप्रेतीले लोकान्तरसँग भने, ‘यी सबै कुरा हेर्नुपर्छ, मन्त्रीले अस्वाभाविक रूपमा बजेट लग्यो भन्न मिल्दैन ।’

null

बजेटको केही अंश

उनले यस्तो दाबी गरे पनि माओवादीकै सांसदहरूले समेत बजेटको विरोध गरेका छन् ।

प्रदेशसभा बैठकमा बोल्दै माओवादी केन्द्रीय सदस्य समेत रहेकी सांसद गीता तिम्सिनाले मन्त्रीहरूको क्षेत्रमा अस्वाभाविक ढंगले बजेट लगिएको दाबी गरिन् ।

आफूहरू समानुपातिकबाट आएकाले विभेद भएको भन्दै उनले सांसदको लोगो समेत अलग गर्न चुनौती दिइन् ।

‘प्रत्यक्ष निर्वाचित सांसदको लोगो परिवर्तन गरौं । बस्ने सीट पनि सुविधासम्पन्न सांसदका लागि अगाडि तोकौं,’ व्यंग्य गर्दै उनले भनिन् ।

चालु आवको बजेटमा भौतिक पूर्वाधार विकास मन्त्री उप्रेती, सामाजिक विकास मन्त्री पाँच कर्ण राई, आर्थिक मामिला तथा योजना मन्त्री रामबहादुर रानालगायतको क्षेत्रमा अस्वाभाविक ढंगले बजेट विनियोजन गरिएको सांसदहरूको आरोप छ ।

नेकपा एकीकृत समाजवादीकी एक सांसदले बजेटको किताब नै च्यात्न मन लागेको बताएकी छन् । बिहीबारको प्रदेशसभा बैठकमा बोल्दै उनले पक्षपातपूर्ण बजेटको किताब नै च्यात्न मन लागेको बताएकी हुन् ।

प्रमुख प्रतिपक्ष कमजोर 

बजेटप्रति प्रमुख प्रतिपक्षीको विरोध कमजोर देखिएको छ । एउटा बैठक बहिष्कार गरे पनि प्रमुख प्रतिपक्षी कांग्रेस खासै सशक्त ढंगले प्रस्तुत हुन सकेको छैन ।

आफूहरूको विरोधको आवाज प्रदेश सरकारले सुनेका कारण सदन बहिष्कार गर्ने निर्णयबाट पछाडि हटेको प्रमुख प्रतिपक्षी दल नेपाली कांग्रेसका प्रमुख सचेतक गोपाल तामाङले बताए । 

यस्तै, संसदीय दलका नेताहरूको क्षेत्रमा मागे जति बजेट दिएपछि नेताहरू चुपचाप जस्तै देखिएका छन् ।

‘बजेटको क्षेत्रमा कडारूपमा प्रस्तुत हुने भनेको पूर्व मुख्यमन्त्री समेत रहनुभएका एकीकृत समाजवादी संसदीय दलका नेता राजेन्द्र राई हो,’ एक सांसदले भने, ‘उहाँले नै यसपटकको छलफलमा कडा बोल्नु भएन । उहाँको क्षेत्रमा पनि बजेट राम्रै गएको छ ।’

राईका अलावा माओवादी संसदीय दलका नेता इन्द्र आङ्वो र कांग्रेसका उद्धव थापाले पनि मागे जति बजेट पाएको सांसदहरू बताउँछन् ।

 

जेठ १५, २०८१

सरकारले आर्थिक वर्ष २०८१–८२ को बजेटका ५ विषयलाई प्राथमिकतामा राखेको छ ।  अर्थमन्त्री वर्षमान पुनले आज (मंगलवार) संघीय संसदमा बजेट आव २०८१–८२ को बजेट प्रस्तुत गर्दै ५ प्राथमिकता सार्वजनिक गर...

बैशाख २०, २०८१

काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...

फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

जेठ ४, २०८१

बैंकमा निक्षेप थुप्रिएको भए पनि कर्जा विस्तार हुन नसकेको अवस्थालाई सम्बोधन गर्ने गरी राष्ट्र बैंकले मौद्रिक नीतिको तेस्रो त्रैमासिक समीक्षा गरेको छ । शुक्रबार तेस्रो समीक्षा सार्वजनिक गर्दै राष्ट्र बैंकले ब्याजदर कर...

बैशाख १६, २०८१

महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...

जेठ १५, २०८१

सरकारले आगामी वर्षका लागि १८ खर्ब ६० अर्ब रुपैयाँको बजेट विनियोजन गरेको छ । मंगलबार संसदमा आर्थिक वर्ष २०८१–८२ को बजेट प्रस्तुत गर्दै अर्थमन्त्री वर्षमान पुनले बजेटको आकार १८ खर्ब ६० अर्ब ३० करोड रहेको ...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

देश पहिले, अनि मात्र सत्ता

देश पहिले, अनि मात्र सत्ता

असार २७, २०८१

बेलायतमा भर्खरै सम्पन्न संसदीय निर्वाचनमा १४ वर्षपछि लेबर पार्टीले तल्लो सदन अर्थात्  'हाउस अफ कमन्स्'मा प्रचण्ड बहुमत हासिल गर्‍यो । ६५० सदस्यीय तल्लो सदनमा लेबर पार्टीले करिब ६३ प्रतिशत अर्थात् ४१२ ...

प्रतिपक्षमा हुत्तिने भएपछि माओवादीमा देखिएको छटपटी र आत्मरति

प्रतिपक्षमा हुत्तिने भएपछि माओवादीमा देखिएको छटपटी र आत्मरति

असार २६, २०८१

प्रमुख सत्ता साझेदार नेकपा (एमाले)ले साथ छोडेपछि प्रधानमन्त्री पुष्पकमल दाहाल ‘प्रचण्ड’ले दुई दिनपछि (असार २८) प्रतिनिधि सभामा विश्वासको मतको सामना गर्दैछन् । ‘विश्वासको मत नपाउने जान्दाजा...

x