पूर्वमन्त्री गुप्ताविरुद्ध काठमाडौं जिल्ला अदालतमा मुद्दा दायर

सम्पत्ति शुद्धीकरण अनुसन्धान विभागले पूर्वमन्त्री श्यामसुन्दर गुप्ताविरुद्ध मुद्दा दायर गरेको छ ।

उनीविरुद्ध ८५ लाख रुपैयाँ बिगो कायम गरी सोमबार काठमाडौं जिल्ला अदालतमा मुद्दा दायर गरिएको हो ।

अपहरण तथा शरीर बन्धक मुद्दाका प्रतिवादी गुप्ताले फिरौती रकमसहित गैरकानूनी रूपमा ८५ लाख रुपैयाँ आर्जन गरेको पाइएपछि मुद्दा दायर गरिएको विभागद्वारा जारी विज्ञप्तिमा उल्लेख छ ।

विभागका अनुसार अनुसन्धानका क्रममा उनले फिरौती रकम लिएर १७ लाख ३० हजार रुपैयाँ बराबरको सुन खरिद गरेको पाइएको थियो ।​

फिरौती रकम लिएर अन्य मानिसलाई समेत रकम दिएको विभागको दाबी छ ।