विशेषमा निवर्तमान मुख्यसचिव अर्यालको बयान सकियो, थुनछेक बहस हुँदै

अन्तःशुल्क स्टिकर छपाइ प्रकरणमा भ्रष्टाचार मुद्दा लागेका निवर्तमान मुख्यसचिव डा. बैकुण्ठ अर्यालले विशेष अदालतमा उपस्थित भएर बयान दिएका छन् ।

विशेष अदालतका अध्यक्ष न्यायाधीश टेकनारायण कुँवरको इजलासमा आइतबार अर्यालको बयान भएको हो । 

६ करोड ८४ लाख भ्रष्टाचार गरेको भन्दै अर्यालविरुद्ध अख्तियार दुरुपयोग अनुसन्धान आयोगले गत असार ९ गते भ्रष्टाचार मुद्दा दायर गरेको थियो ।

अर्यालले अदालतमा उपस्थित भएर बयान दिएको विशेष अदालत स्रोतले लोकान्तरलाई जानकारी दियो । 

उनलाई धरौटीमा छाड्ने कि थुनामा पठाउने भन्नेबारे विशेष अदालतमा बहस हुँदैछ ।

भ्रष्टाचार मुद्दा लागेपछि राष्ट्रिय योजना आयोगमा विशेष पद सिर्जना गरेर उनलाई सरुवा गरिएको थियो ।