एमालेका नयाँ उपाध्यक्ष बरालको वरीयता आठौँमा, कसको कति ? [सूचीसहित]

सत्तारुढ दल नेकपा (एमाले)ले पदाधिकारी र केन्द्रीय सदस्यहरूको जिम्मेवारी हेरफेर गरेको छ ।

बिहीवार काठमाडौंमा बसेको सचिवालय बैठकले रिक्त एक उपाध्यक्षमा गुरुप्रसाद बराललाई नियुक्त गर्दै प्रदेश इन्चार्जहरू समेत हेरफेर गरेको हो ।

सुवास नेम्वाङको निधन भएपछि एमालेको एउटा उपाध्यक्ष पद रिक्त थियो । सो ठाउँमा बराललाई ल्याइएको हो ।  

यस्तै एमालेले मुकुन्द न्यौपाने र लीलानाथ श्रेष्ठलाई स्थायी कमिटीमा नियुक्त गरेको छ । न्यौपाने नेकपा (एकीकृत समाजवादी) छाडेर एमाले प्रवेश गरेका थिए ।

यसैगरी एमालेले पार्टीका सचिव योगेश भट्टराईलाई संसदीय विभाग प्रमुखको जिम्मेवारी तोकेको छ ।

त्यस्तै एमालेले केन्द्रीय कमिटीमा १६ जनालाई मनोनयन गरेको छ । 

मनोनीत गरिएका केन्द्रीय सदस्यमा नेपाली कांग्रेसबाट आएका जीतेन्द्र देव, एकीकृत समाजवादी त्यागेका सुवास कमाचार्यलगायत छन् । चितवनका कृष्णभक्त पोखरेल, अछामका कमल तिमिल्सिना र मकवानपुरका महेश बर्तौला केन्द्रीय सदस्य मनोनीत भएका छन् ।

एमालेले कोशी प्रदेशको इन्चार्जमा शेरधन राई, मधेशमा लीलानाथ श्रेष्ठ र बागमतीमा डा राजन भट्टराईलाई तोकेको छ । 

यस्तै गण्डकीमा किरण गुरुङ, लुम्बिनीमा पद्मा अर्याल, कर्णालीमा गोरखबहादुर बोगटी र सुदूरपश्चिममा लेखराज भट्टलाई इन्चार्ज तोकिएको छ ।

उपाध्यक्षमा बिहीवार मनोनीत बरालले समग्र पार्टीमा आठौँ वरीयता पाएका छन् । उनी उपाध्यक्षको वरीयतामा भने छैटौँ तथा अन्तिम स्थानमा छन् । उनलाई संसदीय मामला संयोजन तथा सुशासन र सेवाप्रवाह सम्बद्ध विभागहरूको जिम्मेवारी तोकिएको छ ।

प्रधानमन्त्रीसमेत रहेका अध्यक्ष केपी शर्मा ओली स्वाभाविक रुपमा वरीयताको पहिलो नम्बरमा छन् । त्यसपछि वरिष्ठ उपाध्यक्ष ईश्वर पोखरेल छन् ।

पोखरेलपछि उपाध्यक्षहरू क्रमशः युवराज ज्ञवाली, अष्टलक्ष्मी शाक्य, रामबहादुर थापा बादल, विष्णुप्रसाद पौडेल, सुरेन्द्रराज पाण्डे र बिहीवार मनोनीत गुरुप्रसाद बरालको वरीयता छ ।

वरीयताको नवौं नम्बरमा महासचिव शंकर पोखरेलको नाम छ । 

हेरौं वरीयता र जिम्मेवारीसहितको सूचीः

​