लुम्बिनीका प्रदेश प्रमुख घर्तीले गरे पदभार ग्रहण

लुम्बिनी प्रदेशका नवनियुक्त प्रदेश प्रमुख कृष्णबहादुर घर्तीले शुक्रवार पदभार ग्रहण गरेका छन् । 

लुम्बिनीको चौथो प्रदेश प्रमुख बनेका रोल्पाका घर्तीले प्रदेश प्रमुखकाे कार्यालय बुटवलमा आएर पदभार ग्रहण गरेका हुन् । घर्तीले बिहीवार राष्ट्रपति रामचन्द्र पौडेलसमक्ष शपथ लिएका थिए । 

शुक्रबार उनले पदभार ग्रहण गर्ने क्रममा लुम्बिनी प्रदेशका मुख्यमन्त्री चेतनारायण आचार्य, मन्त्री भूमिश्वर ढकाल, प्रदेश प्रमुखको कार्यालयका सचिव बेदप्रसाद खरेल, कार्यालयका कर्मचारीलगायतले स्वागत गरेका थिए । 

पदभार ग्रहणसँगै घर्तीले संविधानले दिएको अधिकार र कानूनलाई अध्ययन गर्दै सबैको सल्लाह र सुझावमा कार्यसम्पादन गर्ने बताए ।

प्रदेश प्रमुखको कार्यकाल ५ वर्ष हुने संविधानमै उल्लेख छ । यद्यपि संघीयता कार्यान्वयनको ७ वर्षे अवधिमा लुम्बिनीमा चारजना प्रदेश प्रमुख बनिसकेका छन् ।