रास्वपा बन्द कार्यशालाको सुझावः असोजमा राष्ट्रिय भेला, अर्को वर्ष महाधिवेशन

राष्ट्रिय स्वतन्त्र पार्टी (रास्वपा)को बन्द कार्यशाला (क्लोज क्याम्प)ले आगामी वर्ष राष्ट्रिय महाधिवेशन गर्न सुझाव दिएको छ ।

शुक्रवार र शनिवार भएको बन्द कार्यशालाले यसै वर्षको असोज ३ र ४ गते राष्ट्रिय भेला आयोजना गरी राष्ट्रिय महाधिवेशन २०८२ को तेस्रो साताभित्र गर्न केन्द्रीय समितिलाई सुझाव दिएको हो ।

बन्द कार्यशालाले केन्द्रीय समितिलाई विभिन्न १५ विषयमा सुझाव दिएको पार्टीका कार्यबाहक प्रवक्ता मनीष झाले जानकारी दिए ।

शासकीय स्वरुपका विषयमा पार्टीभित्र व्यापक छलफल गरेर संविधान संशोधनसमेतको कुरालाई मध्यनजर राखी पार्टीको अवधारणा तयार गर्न सुझाव दिइएको छ ।

यस्तै चरणबद्ध रुपमा स्थानीय छाँया सरकार गठनको अभ्यास थालनी गर्नुपर्ने पनि बन्द कार्यशालाको सुझाव छ ।