भारतका विदेश सचिव नेपाल भ्रमणमा आउँदै

भारतकाे विदेश मन्त्रालयका सचिव विक्रम मिस्री नेपाल भ्रमणमा आउने भएका छन् ।

उनी दुई दिने भ्रमणका लागि नेपाल आउन लागेको भारतीय विदेश मन्त्रालयले शुक्रवार जनाएको छ ।

विदेश सचिव मिस्री आइतवार काठमाडौं आउने छन् । उनको भ्रमण तालिका सोमवारसम्मको रहने छ । 

उनी परराष्ट्र मन्त्रालयकी सचिव सेवा लम्सालको निमन्त्रणमा नेपाल भ्रमणमा आउन लागेका हुन् । 

विदेश सचिव मिस्री छिमेकी मुलुकहरूलाई प्राथमिकता राख्दै शिष्टाचार भ्रमणमा आउन लागेको बताइएको छ । 

विनयमोहन क्वात्राले अवकास पाएपछि गत जुलाई १५ मा मिस्री विदेश सचिव बनेका थिए ।