रहेनन् ‘इटालियन आइकन’ सिलाचीः जसले जिते म्याराडोना र म्याथ्युजलाई पछि पार्दै गोल्डेन बल

सन् १९९० को विश्वकप फूटबलमा सर्वाधिक गोलकर्ताका रूपमा चर्चित इटालीका पूर्वस्ट्राइकर साल्भाटोर ‘टोटो’ सिलाचीको बुधवार ५९ वर्षको उमेरमा निधन भएको छ । 

आफ्नो मुलुकमा भएको विश्वकपमा अप्रत्याशित गोलकर्ताका लागि प्रतीक बनेका सिलाचीलाई श्रद्धाञ्जलि अर्पण गर्ने जुभेन्टस इटालीका फूटबल क्लबमध्ये एक थियो । क्लबले जुभे शर्टसहित उनको तस्वीरका साथ सामाजिक सञ्जालमा ‘सियाओ टोटो’ भनेको छ । 

आन्द्राको क्यान्सरबाट पीडित सिलाचीको पलेर्मोको ‘सिभिको’ अस्पतालमा निधन भएको इटालेली सञ्चारमाध्यमले जनाएका छन् । 

मुलुकको फूटबल महासङ्घ (एफआईजीसी)ले इटालीमा अहिलेदेखि आगामी सप्ताहन्तसम्म खेलिने सबै खेलमा किक–अफअघि ‘प्रतिबिम्बित मिनेट’ हुने जनाएको छ । 

‘उनको अनुहार सामूहिक खुशीको प्रतीक बनेको छ  । उनको गोल उत्सव सधैँ इटालेली फूटबल विरासतको हिस्सा रहनेछ,’ एफआईजीसीका प्रमुख ग्याब्रिउल ग्रेभिनाले विज्ञप्तिमा भनेका छन् ।

सन् १९८० को दशकको प्रारम्भमा मेसिनामा आफ्नो करियर शुरू गरेपछि सिलाचीले जुभेन्टस र इन्टर मिलानका लागि खेले र उनलाई क्लब खेलमा सामान्य सफलता प्राप्त भयो । 

उनको सर्वश्रेष्ठ क्लब सिजन सन् १९९० विश्वकपभन्दा ठीक अघि रह्यो । त्यतिबेला उनले सबै प्रतियोगितामा २१ पटक गोल गरे र जुभेन्टसले युईएफए कप र इटालियन कप जित्यो । 

तर इटाली इटालिया ९० को सेमिफाइनलमा पुग्दा ६ गोल गरेर उनी त्यो समर हट क्लब स्ट्राइकरबाट राष्ट्रिय नायक बनेका थिए ।

‘जुभेन्टसमा सन् १९९० को उक्त अविश्वसनीय गर्मीमा सम्पूर्ण इटालीका साथ यस्तो गर्नुअघि उनीबाट उत्साहित हुन पाउँदा हामी भाग्यशाली थियौँ,’ जुभेन्टसले भनेको छ, ‘अलबिदा, टोटो । धन्यवाद ।’

सिलाचीले सो विश्वकपको शीर्ष गोलकर्ता भएर गोल्डेन बुट जितेका थिए । साथै उनले डिएगो म्याराडोना र लोथर माथ्युजजस्ता खेलाडीहरूभन्दा अघि रहेर प्रतियोगिताको सर्वोत्कृष्ट खेलाडीका रूपमा गोल्डेन बलसमेत जिते । 

इटाली नेपोलीका लिजेन्डसमेत रहेका म्याराडोनाको टोली अर्जेन्टिनासँग पराजित भएको थियो । म्याराडोना नेपल्समा आफ्ना प्रशंसकहरूसामु आयोजक मुलुक इटालीलाई अन्तिम चारको खेलमा पेनाल्टी सूटआउटमा हराउन सफल रहेका थिए ।

सिलाचीले आफ्नो मुलुकका लागि १६ क्याप जितेका थिए । उनले आफ्नो करियरमा इटालीका लागि विश्वकपमा ६ गोल गरे । राष्ट्रिय टोलीका लागि अर्को एक थपेर उनले सात गोल पुर्याएका थिए । सिलाचीले सन् १९९० विश्वकपको चार वर्षपछि जापानमा जुबिलो इवाताका लागि इन्टर मिलान छोडे । जुबिलो इवातामबाटै उनले आफ्नो करियर अन्त्य पनि गरे ।