लेबनान घटनाबारे अमेरिकी विदेशमन्त्रीले के भने ?

मङ्गलबार लेबनानमा पेजरहरूमार्फत भएको श्रृंखलाबद्ध विस्फोटमा १२ जनाको मृत्यु भएको छ भने २८०० भन्दा बढी व्यक्ति घाइते भएका छन् ।

अमेरिकी विदेशमन्त्री एन्टोनी ब्लिन्केनले विस्फोटको उत्त घटनाप्रति प्रतिक्रिया दिएका छन् । 

एन्टोनी ब्लिन्केनले भनेका छन्, "मंगलबार लेबनान र सिरियामा जे भयो, अमेरिकालाई त्यसको कुनै जानकारी छैन, न त अमेरिका यसमा संलग्न छ।"

उनले भने, "संयुक्त राज्य अमेरिका मध्य पूर्वमा यसले द्वन्द्व बढाउन सक्ने कुराहरूमा सचेत छ।"

विदेशमन्त्री ब्लिन्केनले युद्धविराम सम्झौताप्रति अमेरिका प्रतिबद्ध रहेको दोहोर्‍याएका छन्।

ब्लिन्केन हाल इजिप्टमा छन्, जहाँ उनले गाजा युद्धविरामको बारेमा कुरा गर्न इजिप्टका विदेशमन्त्रीसँग भेट गर्दैछन्। लेबनानले यो घटनामा अमेरिकाको सहयोगी इजरायलको हात रहेको आरोप लगाएको छ ।