सहकारी ठगीबारे संसदीय छानविन समितिको प्रतिवेदन कार्यान्वयनमा लैजाने निर्णय

 सहकारी ठगीबारे संसदीय छानबिन समितिको प्रतिवेदन मन्त्रिपरिषद्‌मा पेस भएको छ । प्रतिनिधिसभाले कार्यार्थ भनेर पठाएको प्रतिवेदन मन्त्रिपरिषद्को बुधबार बसेको बैठकमा पेस भएको एक मन्त्रीले जानकारी दिए । 

ती मन्त्रीले प्रतिवेदन कार्यान्वयनका लागि सम्बन्धित मन्त्रालयहरूमा पठाउने निर्णय बैठकले गरेको जानकारी दिए । 

नेकपा एमाले सांसद सूर्य थापा संयोजकत्वको समितिले तयार गरेको प्रतिवेदन कार्यान्वयनका लागि सभामुख देवराज घिमिरेले भदौ ३१ गते नै सरकारलाई पठाएका थिए । 

समितिले सहकारी ठगीमा गोरखा मिडियाका तत्कालीन प्रबन्ध निर्देशक रवि लामिछाने सहित ४ जनालाई कारवाही गर्न सिफारिश गरेको छ ।

यस्तै सर्वसाधारणको बचत अपचलन गर्ने सहकारी संचालकको सम्पत्ति रोक्का र जफत गर्न सुझाव दिएको छ ।