सरकारक‍ो साझा संकल्प तथा नीतिगत प्रतिबद्धता कार्यान्वयन गर्ने मन्त्रिपरिषद्को निर्णय

मन्त्रिपरिषद्ले सरकारको साझा संकल्प तथा नीतिगत प्रतिबद्धता कार्यान्वयन गर्ने निर्णय गरेको छ । बुधबार बसेको मन्त्रिपरिषद् बैठकले सो निर्णय गरेको सरकारको प्रवक्ता समेत रहेका सूचना तथा सञ्चार प्रविधिमन्त्री पृथ्वीसुब्बा गुरुङले जानकारी दिए । 

‘वर्तमान सरकारको साझा संकल्प तथा नितिगत प्रतिबद्धता कार्यान्वयन गर्ने निर्णय बैठकले गरेको छ’, उनले भने । 

 सत्तारुढ दलको बैठकको निर्णयअनुसार सरकारको साझा संकल्प तयार गर्न कांग्रेसबाट महामन्त्री गगन थापा र प्रवक्ता प्रकाशशरण महत तथा एमालेबाट उपमहासचिवद्वय प्रदीप ज्ञवाली र विष्णु रिमाल संलग्न थिए ।

चार जनाको कार्यदलले बुधबार नै प्रधानमन्त्री र कांग्रेस सभापति शेरबहादुर देउवालाई  मस्यौदा हस्तान्तरण गरेको थियो । मस्यौदा पाएलगत्तै मन्त्रिपरिषद्ले त्यसलाई पारित गरेको हो । 

सरकारको साझा संकल्पमा संविधान संशोधन, अर्थतन्त्र चलायमान बनाउने र युवा साझेदारीको कार्यक्रम अघि बढाउनेलगायतका विषय समेटिएका छन् । 

यस्तै सहकारी ठगी छानबिन समितिको प्रतिवेदन कार्यान्वयनका लागि सम्बन्धित मन्त्रालयमा पठाउने निर्णयसमेत बैठकले गरेको गुरुङले जानकारी दिए ।