वैशाख ७ गते राष्ट्रिय याक दिवस मनाउने सरकारको निर्णय

सरकारले हरेक वर्ष वैशाख ७ गतेलाई  राष्ट्रिय याक दिवसका रूपमा मनाउने निर्णय गरेको छ । बुधवार  बसेको मन्त्रिपरिषद् बैठकले वैशाख ७ गतेलाई याक दिवसको रूपमा मनाउने निर्णय गरेको हो ।

याक तथा चौरीको संरक्षण सम्वर्द्धन एंव राष्ट्रिय तथा अन्तर्राष्ट्रिय क्षेत्रमा यसको प्रवर्द्धन  गर्ने उद्देश्यले राष्ट्रिय याक दिवस घोषणा गरी मनाउने  निर्णय  गरिएको  कृषि तथा पशुपन्छी विकासमन्त्री रामनाथ अधिकारीले  बताए ।

 याक दिवसको घोषणाले याक जन्य वस्तुहरूको गुणस्तरीयतामा वृद्धि भई राष्ट्रिय आय वृद्धिमा योगदान दिन सक्ने र याक तथा चौरीको विकास र प्रवर्द्धनमा सहयोग पुग्ने र यसको  संरक्षण, प्रवर्द्धन र विकासमा  सघाउ पुग्ने विश्वास मन्त्रालयले लिएको छ ।