शारडा ग्रुप अन्तर्गतको आधिकारिक बिक्रेता एसपीजी अटोमोबाइल्स प्रालिले आफ्नो नयाँ लाइफस्टाइल इलेक्ट्रिक SUV iCAUR V23 सार्वजनिक गरेको छ।​

नेपाली अटोमोबाइल इतिहासमा एक ऐतिहासिक उपलब्धि हासिल गर्दै कम्पनीले बिहीबार आफ्नो नयाँ लाइफस्टाइल इलेक्ट्रिक SUV iCAUR V23 लाई देशका आठ प्रमुख शहरमा एकैसाथ सार्वजनिक गरेको हो ।

बिर्तामोड, विराटनगर (ओमोडा एन्ड जेइको शोरुम), वीरगञ्ज, बुटवल, दाङ, सुर्खेत, नेपालगञ्ज, धनगढी एकैसाथ SUV iCAUR V23 सार्वजनिक गरिएको कम्पनीले जनाएको छ ।

क्लासिक डिजाइन र आधुनिक प्रविधिको संगम iCAUR V23 एक रेट्रो-प्रेरित, पूर्ण-इलेक्ट्रिक अफ-रोड SUV हो । जसले क्लासिक रफ डिजाइन र अत्याधुनिक प्रविधिलाई सन्तुलित रूपमा प्रस्तुत गर्दछ।

यसमा ५९.९३ kWh को LFP ब्याट्री र १०० kW को मोटर रहेको छ । जसले ४०१ किमी (CLTC) सम्मको रेन्ज प्रदान गर्दछ।

यसको आकर्षक 'बक्सी' लुक्स, क्लासिक गोलो हेडलाइट र २१०mm को उत्कृष्ट ग्राउन्ड क्लियरेन्सले यसलाई शहर र अफ-रोड दुवैका लागि उपयुक्त बनाएको छ ।

गाडीमा १३.२ इन्चको प्रिमियम इन्फोटेनमेन्ट डिस्प्ले र सुरक्षाका लागि लेभल २ को एड्भान्स्ड ड्राइभर असिस्टेन्स सिस्टम (ADAS) जडान गरिएको छ।​

iCAUR V23 को मूल्य ४९.९९ लाख तोकिएको छ। हाल नेपालभर १८ भन्दा बढी नेटवर्क टचपोइन्ट र २१ भन्दा बढी चार्जिङ स्टेशनहरू स्थापना गरिसकेको एसपीजी अटोमोबाइल्सले नेपालमा 'ग्रीन इनर्जी' सवारी साधनको प्रयोगलाई प्रोत्साहन गरिरहेको छ।​

प्रि-बूकिङ गरेका ग्राहकका लागि देशभरका शोरुम र आधिकारिक डिलरमार्फत गाडीको डेलिभरी गरिने कम्पनीले जनाएको छ ।