आईपीएलको १९औं सिजनमा एमएस धोनी बिना खेलिरहेको चेन्नई सुपर किंग्सले खराब शुरूआत गरेको छ ।  सोमबार राति गुवाहाटीको बरसापारा स्टेडियममा टोली राजस्थान रोयल्ससँग ८ विकेटले पराजित भएको हो ।

टस जितेर आरआरले बलिङ गर्ने निर्णय गरेको थियो । पहिले ब्याटिङमा आएको सीएसके १९.४ ओभरमा १२७ रनमा अलआउट भयो । आरआरले केवल २ विकेट गुमाउँदै १२.१ ओभरमा लक्ष्य हासिल गर्‍यो।

वैभव सूर्यवंशीले केवल १५ बलमा अर्धशतक बनाए। उनले ४ चौका र ५ छक्का प्रहार गरे। रवीन्द्र जडेजा, जोफ्रा आर्चर र नान्द्रे बर्गरले २-२ विकेट लिए। चेन्नईका लागि जेमी ओभरटनले सर्वाधिक ४३ रन बनाए। अंशुल कम्बोजले २ विकेट लिए।

सीएसकेका पूर्वकप्तान एमएस धोनी चोटका कारण २ हप्ताको लागि बाहिर छन्। दक्षिण अफ्रिकाका डेवाल्ड ब्रेभिस पनि चोटका कारण तीन खेल गुमाउनेछन् । ऋतुराज गायकवाडले टोलीको कप्तानी गरिरहेका छन् भने सञ्जु सामसनले इनिङ्स ओपनिङ गरेका थिए । पहिलो खेलमा दुवैले केवल ६-६ रन मात्र बनाए ।

१५ वर्षीय वैभव सूर्यवंशीले राजस्थान रोयल्सका लागि दोस्रो सबैभन्दा छिटो अर्धशतक बनाए, जसले टोलीलाई जित दिलायो । यो राजस्थान रोयल्सको सबैभन्दा ठूलो जित थियो । राजस्थानले ४७ बल बाँकी रहँदा आईपीएल इतिहासमा सबैभन्दा ठूलो रन चेस पूरा गर्‍यो । यसअघि, उनीहरूले २०१४ मा रोयल च्यालेन्जर्स बैंगलोरविरुद्ध ४२ बल बाँकी रहँदै जितेका थिए। सूर्यवंशीको अर्धशतक राजस्थानको लागि दोस्रो सबैभन्दा छिटो अर्धशतक हो । यो रेकर्ड यशस्वी जयस्वालको नाममा छ, जसले २०२३ मा कोलकाता विरुद्ध १३ बलमा अर्धशतक पूरा गरेका थिए ।