सामसङ नेपालले ग्यालेक्सी ए५७ फाइभजी र ग्यालेक्सी ए३७ फाइभजी सार्वजनिक गरेको घोषणा गरेको छ ।

जसले ग्यालेक्सी एक सिरिजलाई थप विस्तार गर्दै उन्नत क्यामेरा प्रदर्शन, स्मार्ट फिचर र आकर्षक डिजाइनमार्फत् दैनिक प्रयोगलाई सहज बनाउने उद्देश्य राखेको छ ।

सामसङले पहिलेको १२ महिनाको ईएमआई योजनालाई अपग्रेड गर्दै २४ महिनासम्मको ईएमआई सुविधा उपलब्ध गराएको छ, जसले प्रिमियम प्रविधिलाई अझ सजिलो र पहुँचयोग्य बनाएको छ । 

यो सुविधा Samsung Insta Finance सेवा अन्तर्गत Hulas Fin Serve Hire Purchase Ltd. मार्फत उपलब्ध छ। प्रक्रिया झन्झटररहित छ र केवल नागरिकता भए पुग्छ ।

नयाँ Galaxy A series मा Samsung को नवीनतम प्रविधि समावेश गरिएको छ, जसमा Enhanced Awesome Intelligence रहेको छ, जसले स्मार्ट अन्तरक्रिया, Productivity र Content सिर्जनालाई सजिलो बनाउँछ । 

क्यामेरा, प्रदर्शन, डिस्प्ले र सुरक्षा क्षेत्रमा सुधारसहित Galaxy A57 5G र Galaxy A37 5G दैनिक प्रयोगका लागि भरपर्दो प्रदर्शन दिन सक्षम छन् ।

Awesome Intelligence सँग स्मार्ट अनुभव

Voice Transcription फिचरले रेकर्डिङ, कल र भ्वाइस मेललाई टेक्स्टमा रूपान्तरण गर्न मद्दत गर्छ ।

AI Select ले स्क्रिनमा रहेका सामग्रीलाई छिटो चयन गर्ने, निकाल्ने र एपहरूबीच सजिलै सार्ने सुविधा दिन्छ ।

Object Eraser, Filters र Edit Suggestions जस्ता क्रिएटिभ टुलहरूले फोटो एडिटिङ सजिलो बनाउँछन् ।

Galaxy A57 5G मा Best Face र Auto Trim जस्ता थप फिचरहरू पनि समावेश छन् ।

स्पष्ट फोटो र भिडियोका लागि उन्नत क्यामेरा

दुवै डिभाइसमा 50MP मुख्य क्यामेरा सहितको ट्रिपल क्यामेरा सेटअप छ, जसले विभिन्न प्रकाश अवस्थाहरूमा स्पष्ट र डिटेल फोटो खिच्न मद्दत गर्छ ।

Enhanced ISP र Nightography का कारण कम प्रकाशमा पनि उज्यालो र Natural फोटो तथा भिडियो लिन सकिन्छ ।

AI आधारित subject recognition ले राम्रो पोर्ट्रेट, प्राकृतिक स्किन टोन र राम्रो ब्याकग्राउन्ड सेपरेसन सुनिश्चित गर्छ ।

शक्तिशाली प्रदर्शनसहित आकर्षक डिजाइन

अपग्रेड गरिएको CPU, GPU र NPU ले स्मूथ मल्टिटास्किङ, स्ट्रिमिङ र कन्टेन्ट क्रिएसनलाई सहयोग गर्छ ।

5,000mAh ब्याट्रीले २ दिनसम्म प्रयोग गर्न सकिन्छ, र Galaxy A57 5G मा Super Fast Charging 2.0 पनि उपलब्ध छ ।

ठूलो vapor chamber का कारण Galaxy A57 5G लामो समयसम्म स्थिर प्रदर्शन दिन सक्षम छ ।

Vision Booster सहितको डिस्प्लेले भित्र र बाहिर दुवै अवस्थामा स्पष्ट दृश्य दिन्छ ।

दुवै डिभाइस IP68 rating सहित पानी र धुलो प्रतिरोधी छन् ।

Samsung ले ६ पुस्तासम्म OS अपडेट र ६ वर्षसम्म सुरक्षा अपडेट उपलब्ध गराउँदै दीर्घकालीन भरोसा प्रदान गरेको छ।