नेपाली टोलीका कप्तान रोहितकुमार पौडेल आफ्नो २१औँ अन्तर्राष्ट्रिय अर्धशतक बनाउनबाट केवल चार रनले चुकेका छन् ।

आईसीसी क्रिकेट विश्वकप लिग–२ शृंखलाअन्तर्गत शुक्रबार जारी अमेरिकाविरुद्धको खेलमा रोहित ४६ रन बनाउँदै आउट भए ।

कीर्तिपुरस्थित अन्तर्राष्ट्रिय क्रिकेट मैदानमा २३ वर्षीय रोहितले ५९ बलमा एक छक्का र दुई चौका हिर्काए । उनले जारी लिग–२ शृंखलामा यसअघि स्कटल्यान्डविरुद्ध अविजित ७४ रन बनाएका थिए ।

एकदिवसीय अन्तर्राष्ट्रिय क्रिकेटमा रोहितले हालसम्म १२ अर्धशतक बनाएका छन् । यो ढाँचाको क्रिकेटमा उनले दुई वटा शतक पनि बनाएका छन् ।

अन्तर्राष्ट्रिय क्रिकेटमा भने उनले हालसम्म २० वटा अर्धशतक बनाएका छन् । टी–२० अन्तर्राष्ट्रिय क्रिकेटमा पनि उनले आठ वटा अर्धशतक प्रहार गरेका छन् ।