भारतमा पेट्रोल र डिजेलको मूल्य फेरि बढेको छ । पेट्रोल ८७ पैसा र डिजेल ९१ पैसा प्रति लिटरले बढाइएको भारतीय सञ्चार माध्यमहरूले जनाएका छन् । 

समाचार एजेन्सी पीटीआईका अनुसार, दिल्लीमा पेट्रोलको मूल्य ८७ पैसाले बढेर प्रति लिटर ९९.५१ पुगेको छ। डिजेलको मूल्य ९१ पैसाले बढेर प्रति लिटर ९२.४९ पुगेको छ।

मे १५ पछि यो तेस्रो मूल्य वृद्धि हो । यो निरन्तर वृद्धि मध्य पूर्वमा जारी तनावका कारण पनि भएको हो, जसले तेल आपूर्तिलाई अवरुद्ध बनाएको छ।

पेट्रोल र डिजेलको मूल्य पहिलो पटक मे १५ मा प्रति लिटर ३ ले बढाइएको थियो । त्यसपछि मे १९ मा लगभग ९० पैसाको दोस्रो वृद्धि भएको थियो ।