काठमाडौँ उपत्यकामा अविरल वर्षापछि विभिन्न स्थानमा पानी जम्दा सवारी आवागमन प्रभावित भएको छ । 
ट्राफिक प्रहरीका अनुसार बिहीबार राति माईतीघर, जमल, टुकुचा, जयनेपाल र हिटीपोखरी सडक खण्डमा पानी जमेकाले यातायात सञ्चालनमा समस्या भएको हो ।

ट्राफिक प्रहरीले सवारी चालकलाई सुरक्षित दूरी कायम गरी सावधानीपूर्वक सवारी चलाउन आग्रह गरेको छ । साथै अनावश्यक हतार, ओभरटेक नगर्न तथा पानी जमेको क्षेत्रमा विशेष सतर्कता अपनाउन अनुरोध गरिएको छ ।

प्रहरीले ट्राफिक नियमको पालना गर्दै ट्राफिक प्रहरीको निर्देशनअनुसार सहकार्य गर्न सर्वसाधारणलाई अपिल गरेको छ ।