×

NMB BANK
NIC ASIA

काठमाडौं, २४ फागुन – पहिलो संविधानसभाको कार्यकाल चलिरहेको समयमा नेपाली कांग्रेसले काठमाडौंको खुल्लामञ्चमा सभाको आयोजना गरेको थियो । सभामा मुख्य वक्ता तत्कालीन पार्टी सभापति गिरिजाप्रसाद कोइराला बोल्ने समयमा हावाहुरीसहित पानी पर्न थाल्यो । पानी पर्न थालेपछि कोइरालाका सहयोगीहरूले उनलाई छाता ओढाउन  खोजे । कोइरालाले छाता ओढ्न मानेनन् । ‘मेरो शरीर इस्पातले बनेको छ, पानीले भिजाउन सक्दैन,’ भन्दै कोइरालाले पानीमा भिज्दै भाषण गरे । आफ्नो शरीरलाई इस्पातसँग दाँज्ने गिरिजाप्रसाद कोइराला केही समयपछि ढले । 

Sagarmatha Cement
Muktinath Bank

गिरिजाप्रसादपछि कोइराला परिवारका सदस्य सुशील कोइरालाले कांग्रेसको नेतृत्व गरे । सुशील सभापति भएपछि कांग्रेस संविधानसभा चुनावमा पहिलो पार्टी बन्न सफल भयो । उनकै नेतृत्वमा संविधान जारी भयो । पार्टी सभापति रहेकै समयमा सुशीलको निधन भयो । सुशील कांग्रेस सभापति छाडेर राष्ट्रपति बन्न राजी भएनन् । निकटस्थहरूका अनुसार उनी राष्ट्रपति बन्नुभन्दा पनि पार्टी सभापति नै रहिरहन चाहान्थे । ‘कांग्रेसको नेतृत्व शेरबहादुर देउवामा गए प्रजातन्त्र र कांग्रेस दुवै अप्ठेरोमा पर्ने’ सुशीलको चिन्ता रहेको उनको सहयोगीहरूले बताएका थिए । 


Advertisment
RMC TANSEN
IME BANK INNEWS
shivam ISLAND

देउवाले नेतृत्व सम्हालेपछि कांग्रेस इतिहासकै कमजोर बनेको छ । कांग्रेस कमजोर भएपनि देउवाले तीनवटै तहका चुनाव गराएर संविधान कार्यान्वयनका लागि महत्त्वपूर्ण भूमिका खेलेको कुरालाई नजरअन्दाज गर्न सकिँदैन । विगतमा पटकपटक चुनाव गराउन नसकेका कारण देउवामाथि सधैं ‘अक्षम’को आरोप लाग्ने गरेको थियो । देउवा प्रधामनन्त्री भएपछि उनले चुनाव गराउँदैनन् भनेर एमाले अध्यक्ष केपी शर्मा ओलीले आरोप लगाएका थिए । 
त्यसैले त प्रतिनिधिसभाको पहिलो बैठकमा मंगलवार देउवाले ओलीप्रति कटाक्ष गरे, ‘ओलीजीलाई अहिले पनि चुनाव भएको जस्तो लागेको छैन होला’ भन्दै । चुनावमा कांग्रेस पराजित भएपनि लोकतन्त्र विजय भयो । 


Advertisment
Nabil box
Kumari

‘बायाँ रो’ मा कांग्रेस

Vianet communication
Laxmi Bank

लामो समयपछि नेपाली कांग्रेस फेरि प्रतिपक्षी बेञ्चमा पुगेको छ । २०४८ सालको आमनिर्वाचन पछिको अधिकांश समय नेपाली कांग्रेसले सरकारको नेतृत्व गर्ने अवसर पायो । २०५१ सालमा केही समय अनि संविधानसभा निर्वाचनपछि केही समय विपक्षी बेञ्चमा बसेको कांग्रेस अबको पाँच वर्ष संसद्को बायाँतर्फको प्रतिपक्षी रो मा बस्नुपर्नेछ । बेलायती संसदीय व्यबस्थामा प्रतिपक्षी दललाई सभामुखको बायाँतर्फको रो मा राख्ने गरिन्छ । 

आफैंले गराएको चुनावपछि प्रतिपक्षमा पुगेका देउवाले मंगलवार प्रतिनिधिसभाको पहिलो बैठकमा गरेको पहिलो सम्बोधनले कांग्रेस संसदमा रचनात्मक भन्दा पनि लाचार प्रतिपक्षको रूपमा सीमित रहने संकेत देखियो । झण्डै १३ मिनेट लामो सम्बोधनमा उनले कुनै खास कुरा गरेनन् । देउवाको भाषण यति पट्यारलाग्दो थियो कि संसदीय दलको नेताको पहिलो सम्बोधनमा कांग्रेसका सांसदहरूले एकपटक पनि ताली बजाएनन् । प्रमुख प्रतिपक्षी दलका नेताको पहिलो सम्बोधन दमदार हुनुपर्दथ्यो, तर वाक् क्षमतामा दुर्बल देउवाले विपक्षीको झल्को दिने भाषण गरेनन् । 

केपी ओली र माधव नेपालप्रति सामान्य कटाक्षबाहेक देउवाको सम्वोधन उही परम्परागत ढर्राको मात्र थियो । देउवाको भन्दा उपेन्द्र यादव र राजेन्द्र महतोको भाषण रुचिकर थियो । 

संसदीय दलको नेता चुनिएपछि देउवाले सरकारको मधुमास अवधि नकुर्ने बताएका थिए, तर कस्ता एजेन्डामा भन्ने बताएनन् । संसदीय व्यवस्थामा सरकारलाई सय दिनसम्म शंकाको लाभ दिने र विरोध नगर्ने परम्परा छ । तर त्यो अवधि कुर्न सकिँदैन भनेर देउवाले संसद्को बैठक अवरुद्ध गर्ने कुरा गरेका हुन् भने त्यो कांग्रेसका लागि महंगो साबित हुनेछ । प्रतिनिधिसभाको पहिलो बैठकमा देउवाले सत्तापक्ष कसरी अगाडि बढ्छ त्यसैका आधारमा आफूहरूको भूमिका निर्धारण हुने बताए । तर देउवाले अबको दिनमा कांग्रेसले उठाउने राष्ट्रिय एजेण्डाहरूको विषयमा खासै बोलेनन् । प्रतिपक्षमा रहँदा कांग्रेसले के गर्नेछ भन्ने कुरा देउवाले केही बताएनन् । 

विगतमा यति वर्ष जेल बसेको र त्याग गरेको भन्ने राजनीतिक मापनले अब मुलुक चल्दैन । अहिले मुलुकले खोजेको पार्टी र नेतृत्व भनेको फराकिलो दृष्टिकोणसहित देशलाई ‘ड्राइभ गर्न’ सक्ने दूरदर्शी र क्षमतावान नेतृत्व हो ।

संसदमा प्रतिपक्षको रचनात्मक भूमिका केवल संसद्को बैठक अवरुद्ध गर्नु होइन । अझ संसदीय व्यवस्थालाई आदर्श मान्ने कांग्रेसले त्यो गर्न सुहाउने कुरा पनि होइन । संसदीय व्यवस्थामा संसद्लाई विपक्षको थलो पनि भनिन्छ । उठाउनुपर्ने बिषय धेरै छन्, तर कांग्रेसका लागि ती विषय सामान्य लाग्छन् । भ्रष्टाचार, अनियमितता र जनजीविकाका कुरालाई लिएर संसदमा आवाज उठाउन सकिन्छ । कांग्रेस आफैंले उत्पादन गरेका ‘बाईप्रडक्ट’ भएकोले ती विषय कांग्रेसले उठाउँदैन ।

पहिलो सम्बोधनका क्रममा देउवाले २००७ सालदेखि २०६४ र २०६२/६३ सालको आन्दोलनको नेतृत्व गरेको, शान्ति प्रक्रिया शुरू गरेको, संविधान जारी गरेको र संविधान कार्यान्वयन समेत कांग्रेसको नेतृत्वमा भएको कुरा गरे । यो थाहा नभएर जनताले रुखमा भोट नहालेका होइनन् । त्यही गरेबापत कांग्रेसले लामो समयसम्म सत्तामा बसेर ब्याज खाइरहेको थियो । परिवर्तित सन्दर्भमा त्यस्ता आदर्शवादी कुराले जनताको विश्वास जित्न सकिँदैन भन्ने कुरा बुझ्न सकेन भने कांग्रेस पछि झन् खस्किनेछ । 

विगतमा यति वर्ष जेल बसेको र त्याग गरेको भन्ने राजनीतिक मापनले अब मुलुक चल्दैन । अहिले मुलुकले खोजेको पार्टी र नेतृत्व भनेको फराकिलो दृष्टिकोणसहित देशलाई ‘ड्राइभ गर्न’ सक्ने दूरदर्शी र क्षमतावान नेतृत्व हो । त्याग नै नेतृत्वका लागि मापदण्ड हुन्थ्यो भने समकालीन नेताभन्दा स्वर्गद्वारी आश्रमका सन्तहरूले धेरै त्याग गरेका छन् । 

चुनावमा पराजित भएर रन्थनिएको कांग्रेस अहिले विचारशून्य भएको टिप्पणी सुनिन्छ । यतिबेला कांग्रेससँग राष्ट्रिय एजेन्डा छैनन्, न त ती एजेन्डा बेच्नसक्ने नेतृत्व नै छ । चुनावको नतिजा आएको शुरुवाती दिनमा नेतृत्व परिवर्तनको बहस गरेका युवा नेताहरूका स्वर सुकेका छन् । संसदीय दलको चुनावमा प्रकाशमान सिंहले पाएको भोट हेर्दापनि कांग्रेसीजन नेतृत्व परिवर्तन गर्ने पक्षमा छैन ।

पाँच वर्ष प्रतिपक्षी बेञ्चमा बसेको समयमा कांग्रेसले विगतका कमजोरी सुधार्नु उसका लागि श्रेयष्कर हुनेछ । विगतमा आफूले लिएको गलत नीतिका कारण देशमा धनी र गरीबबीचको खाडल फराकिलो भएको, निजीकरणका नाममा सीमित व्यक्तिलाई पोस्न सरकारी उद्योग कलकारखाना कौडीको भरमा बेचिएका जस्ता गलत नीतिको समीक्षा नगर्ने हो भने कांग्रेस भविष्यमा पनि झन् कमजोर हुँदै जानेछ । इतिहासमा राम्रो काम त प्रजापरिषद्ले पनि गरेको थियो, त्यो पार्टी आज किन लोप भयो ? हुन त यसबारे समीक्षा गर्न कांग्रेसमा ‘पीएचडी’धारी बुद्धिजीवीको कमी पनि छैन !
 

hAMROPATRO BELOW NEWS
TATA Below
मंसिर १०, २०८०

सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...

माघ १८, २०८०

सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

चैत १, २०८०

सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...

माघ १५, २०८०

अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x