संयुक्त पत्रकार सम्मेलनमा ओलीले भने–भारतसँग नमूना सम्बन्ध बनाउन चाहन्छौं

दिलिप भुसाल
दिलिप भुसाल

भुसाल लोकान्तर डटकमका दिल्ली प्रतिनिधि हुन् ।

नयाँ दिल्ली, २४ चैत– प्रधानमन्त्री केपी शर्मा ओलीले भारतसँगको सम्बन्धको नयाँ उचाइका लागि आफू भारत भ्रमणमा आएको बताएका छन् । 

भारतीय प्रधानमन्त्री नरेन्द्र मोदीसँगको संयुक्त पत्रकार सम्मेलनमा प्रधानमन्त्री केपी शर्मा ओलीले भारतसँग एक्काइसौं शताब्दिको आधारमा नयाँ नमूना सम्बन्ध बनाउन चाहेको बताए । 


Advertisement

प्रधानमन्त्री ओलीले दुइ बर्ष अघि प्रधानमन्त्री मोदी आएपछि हामीले धेरै कुराहरुमा प्रगति गरेका गरेको बताए । उनले सामाजिक आर्थिक विकास मा खुड्किलो पार गरेको बताए । 

नेपालको र भारतको द्विपक्षीय सम्बन्धको बारेमा मोदीले गरेको सम्बोधनको लागि धन्यवाद दिँदै ओलीले मोदीसँग धेरै विषयहरुमा कुरा गरेको बताए । 


Advertisement

प्रधानमन्त्री ओलीले नेपालले संवेदनशील समय पार गरि नयाँ युगमा प्रवेश गरेको भन्दै यो समयमा चाहिएको समर्थन भारतबाट पाएको भन्दै खुसी व्यक्त गरे । 

संवृद्धि दुवै देशको नारा भएको ओलीले बताए । ‘नेपालले भारतसँगको सम्बन्धलाई ठूलो महत्वको साथ हेरेको छ ’ उनले भने,‘दुईवटै देशहरुसँग एक आपसमा बाड्नलाई धेरै कुराहरु रहेका छन् ।’

नेपाल र भारत दुबै पुराना सम्बन्धलाई पुनरावलोकन गर्न सहमत भएको भन्दै ओलीले यसले सम्बन्धलाई नयाँ उचाइमा पुग्न सहयोग पुग्ने बताए । 

भारतले गरेको पछिलो दुई दशक को विकासलाई आफूहरुले नजिकबाट हेरिरहेका बताउँदै ओलीले जलविद्युत योजना र अरु मेगा प्रोजेक्टहरुमा सहयोगको अपेक्षा गरेको बताए । 

‘कनेक्टिभिटी को बारेमा कुरा गर्दा नदी जोड्ने कुरा पनि भएको छ,’ ओलीले भने,‘मोदीजी ले नेपाललाई ल्याण्ड लक्ड होइन रिभर लिंक बनाउने कुरा गर्नुभएको छ, जुन सह्रानीय छ ।’

काठमाडौंबाट भारतसम्म रेलवे बनाउने मोदीजी को कुरालाई सह्राहना गर्न चाहेको ओलीले बताए । 

भूकम्प पछिको पुनर्निर्माण को लागि भारतले गरेको सहयोगका लागि ओलीले मोदीलाई धन्यवाद दिए । 

अन्त्यमा मोदीको नेपाल भ्रमण छिट्टै हुने आशा गरेको ओलीले बताए । 
 

दिलिप भुसाल
दिलिप भुसाल

लेखकबाट थप...

कमेन्ट गर्नुहोस्