×

NMB BANK
NIC ASIA

विश्व बजारमा तेलको मूल्य घट्दा नेपालमा बढ्यो, निगम भन्छ– अन्तर्राष्ट्रिय बजारको मतलब हुँदैन

जेठ २०, २०७५

NTC
Sarbottam
Premier Steels
Marvel

काठमाडौं, २० जेठ– २०७१ को असोज १२ गतेदेखि पेट्रोलियम पदार्थमा लागू भएको स्वचालित मूल्य प्रणालीको कारणले १५/१५ दिनमा नेपालमा डिजेल पेट्रोलको मूल्य घटबढ भइरहेको देखिन्छ । 

Sagarmatha Cement
Muktinath Bank

पछिल्लो पटक जेठ १८ गते राति १२ बजेदेखि लागू हुने गरी पेट्रोलको मूल्य रू ११० बाट रू ११३ बनाइएको छ भने, डिजेल र मट्टीतेलको मूल्य रू ९२ बाट रू ९५ पुर्याइएको छ ।


Advertisment
RMC TANSEN
IME BANK INNEWS
shivam ISLAND

प्रमुख प्रतिपक्षी दल नेपाली कांग्रेसले तेलको मूल्य नघटाए संसद अवरुद्ध गर्ने चेतावनी दिएको छ भने सामाजिक संजालमा पेट्रोलियम पदार्थको मूल्य बढेकोमा तीव्र असन्तुष्टि पोखिएको छ ।


Advertisment
Nabil box
Kumari

तेलको मूल्य बढेको सम्बन्धमा नेपाल आयल निगमले आफ्नो वेबसाइटमार्फत एक विज्ञप्ती जारी गर्दै मूल्यवृद्धिपछि पनि नेपाल आयल निगमको अर्धमासिक घाटा १८ करोड ६२ लाख हुने देखिएको बताएको छ । 
मूल्यवृद्धि नगरेको भए उक्त घाटा बढेर ५५ करोड १७ लाख हुने आयल निगमको हिसाब किताब छ ।

Vianet communication
Laxmi Bank

इन्डियन आयल कर्पोरेसनले हरेक १५ दिनमा दिने मूल्य सूची अनुसार नेपालमा पेट्रोलियम पदार्थको मूल्य घटबढ हुने गर्दछ । स्वचालित प्रणाली लागू हुनु भन्दा अगाडि पेट्रोलियम पदार्थको मूल्य बढेको बढ्यै गद्थ्यो । 

‘राजनीतिक मुद्दा र व्यक्तिगत सनकका आधारमा घटबढ हुने मूल्य ०७१ सालदेखि स्वचालित प्रणालीमा आएसँगै आफै घटबढ हुने भएको छ, यो सकारात्मक कुरा हो’, नेपाल आयल निगमका कार्यकारी निर्देशक शुशील भट्टराईको भनाइ छ ।

कार्यकारी निर्देशक भट्टराईले पछिल्ला दिनमा भइरहेको पेट्रोलियम पदार्थको मूल्य वृद्धि कुनै अनियमितता गर्ने नियतले नभएको प्रष्ट पारे । तर पछिल्लो तीन महिनामा अन्तर्राष्ट्रिय बजारमा कच्चा तेलको मूल्य बढेको छैन । 
तरपनि नेपालमा भने तेलको मूल्य बढेको बढ्यै छ । 

निगमका कार्यकारी निर्देशक भट्टराई तेलको अन्तर्राष्ट्रिय मूल्यसँग नेपालमा आउने तेलको मूल्यको कुनै सम्बन्ध नरहेको तर्क गर्छन् । 

उनले नेपालमा तेलको मूल्य दुई तरिकाले निर्धारण हुने जानकारी दिए । पहिलो, डलरको मूल्यमा घटबढ हुँदा पेट्रोलियम पदार्थको मूल्य घटबढ हुन सक्ने  । 

दोस्रो, भारतमा तेलको मूल्य घटबढ हुँदा त्यसको प्रत्यक्ष प्रभाव नेपालमा पर्ने गर्दछ । नेपाल आयल निगमले डलरमा पेट्रोलियम पदार्थको कारोवार गर्ने भएकोले डलरको भाउले पनि निगमको नाफा घाटामा प्रत्यक्ष प्रभाव पर्ने गर्दछ ।

भट्टराई भन्छन्, ‘अहिले डलरको भाउ पनि बढेको र इन्डियन आयल कर्पोरेसनले नेपाल निर्यात गर्ने तेलको मूल्य बढाएको कारणले नेपाल आयल निगम दोहोरो मारमा परेको हो ।’ 
कार्यकारी निर्देशक भट्टराई एक दुई रुपैयाँ घटबढ हुँदैमा ठूलो राजनीतिक या आर्थिक मुद्दा बनाउन नहुने बताउँछन् ।

अहिले लगभग सबै डिपोमा तेलको आपूर्ति नियमित भइरहेको छ । आपूर्ति ठप्प हुने अवस्था आउन नदिन निगम लागिरहेको भट्टराईको दाबी थियो ।

आयल निगमका अनुसार गत आर्थिक वर्षको मे २०१८ सम्म नेपालमा रू १ खर्ब १७ अर्ब बराबरको पेट्रोलियम पदार्थको आयात भएको देखिन्छ । यो अघिल्लो वर्षको तुलनामा करिब ३४ प्रतिशत बढी हुन आउँछ । नेपालमा तेलको खपत बर्सेनि बढिरहेको छ । तेलको आयात बढेसँगै आपूर्ति व्यवस्थामा दिनानुदिन चुनौती थपिइरहेको छ ।

उसो त नेपालमा तेलको मूल्य पनि ठाउँ अनुसार फरक फरक छ । पछिल्लो मूल्य वृद्धिपछि चारआली, विराटनगर, महेन्द्रनगर, धनुषा, अमलेखगंज, भलवारी, नेपालगञ्ज र धनगढी डिपोबाट बिक्री हुने पेट्रोलको मूल्य जम्मा १११ रुपैया ५० पैसा छ । त्यस्तै पोखरा र दाङ डिपोबाट बिक्री हुने पेट्रोलको मूल्य ११२ रुपैया ५० पैसा र थानकोट, सुर्खेत र दिपायल डिपोबाट बिक्री हुने पेट्रोलको मूल्य रू ११३ पुगेको छ । डिजेल र मट्टीतेलको मूल्य पनि त्यही अनुसार कमबेसी तोकिएको छ । ढुवानी खर्चका कारण नेपालभित्रै पनि फरक फरक मूल्य हुने आयल निगम बताउँछ ।

विगतमा पटक पटक विवादमा आउने नेपाल आयल निगमले स्वचालित मूल्य प्रणाली लागू भएपछि कम विवादमा परेको कार्यकारी निर्देशक भट्टराई बताउँछन्।

आयल निगमले स्वचालित मूल्य प्रणाली लागू गरेको चार वर्ष भइसकेको भए पनि प्रभावकारी कार्यान्वयन हुन नसकेको भट्टराई स्विकार्छन् । उनका अनुसार निगमकै केही उच्च तहका कर्मचारीहरू र केही राजनीतिक शक्तिहरु पनि स्वचालित मूल्य प्रणलीमा बेखुस देखिएका छन् । 

hAMROPATRO BELOW NEWS
TATA Below
मंसिर १४, २०८०

नेपाल आयल निगमले पेट्रोलियम पदार्थको मूल्य घटाउने निर्णय गरेको छ । निगम सञ्चालक समितिको बैठकले शुक्रबार मध्यराति १२ बजेर १ मिनेटदेखि लागू हुनेगरी पेट्रोलको मूल्य प्रतिलिटर २ तथा डिजेल तथा मट्टितेलको मूल्य ४ रु...

मंसिर १९, २०८०

कालीमाटी फलफूल तथा तरकारी बजार विकास समितिले मंगलबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा सानो (टनेल)को अधिकतम थोक मूल्य प्रतिकिलो ३० रुपैयाँ रहेको छ भने गोलभेँडा सानो (भारती...

कात्तिक २४, २०८०

कालीमाटी फलफूल तथा तरकारी बजार विकास समितिले शुक्रबारका लागि कृषि उपजहरुको मूल्य निर्धारण गरेको छ ।  जसअनुसार गोलभेँडा ठुला नेपालीको अधिकतम थोक मूल्य प्रतिकिलो ७० तथा भारतीयको ५० रुपैयाँ कायम रहेक...

कात्तिक २८, २०८०

कालीमाटी फलफूल तथा तरकारी बजार विकास समितिले मंगलबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा ठुला (नेपाली) को अधिकतम थोकमूल्य प्रतिकिलो ७०, गोलभेँडा ठुलो (भारतीय) को ७०, गोलभ...

माघ १८, २०८०

नेपाल आयल निगमले पेट्रोलियम पदार्थको मूल्य बढाएको छ । निगम सञ्चालक समितिको बैठकले आज बिहीबारदेखि लागू हुने गरी पेट्रोलियम पदार्थको मूल्य बढाएको हो । जसअनुसार पेट्रोलको मूल्य प्रतिलिटर ४ रुपैयाँ बढेको छ भने ड...

कात्तिक २०, २०८०

काठमाडौँको कालीमाटी फलफूल तथा तरकारी बजार विकास समितिले सोमबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा ठुलो (नेपाली) को अधिकतम थोक मूल्य प्रतिकिलो ७० रुपैयाँ रहेको छ ।  ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x