काठमाडौं। गायक शिव परियार नयाँ सांगीतिक कोसेली ‘सुनको माया’ बोलको गीतमार्फत दर्शक तथा स्रोतामाझ आएका छन् ।

श्वेता मैनालीको शब्द रहेको गीतमा गायक शिवको संगीत तथा स्वर रहेको छ । बुधबार आफ्नै युट्युब च्यानलबाट सार्वजनिक गीत ʻडान्सिङ जनराʼको छ । आफ्ना स्रोता तथा दर्शकहरुका लागि दशैं उपहारस्वरुप यो गीत सार्वजनिक गरेको शिव बताउँछन् ।

विकास सुवेदीको निर्देशनमा तयार भएको गीतको  भिडियोमा मोडल तथा अभिनेत्री एलिसा राई र अनुराग ठकुरीको अभिनय रहेको छ । अनिल कुमार मानन्धरको छायांकन रहेको भिडियोलाई सुप्रिम पराजुलीले सम्पादन गरेका हुन ।