×

NMB BANK
NIC ASIA

पौराणिक दर्शनमा ब्रह्मवैवर्त पुराणको छुट्टै विशेषता छ । महापुराणको पंक्तिमा पर्ने यो पुराणले सारा जगतलाई भगवान् कृष्णको विवर्त मानेको छ । यस पुराणका अनुसार जगत् आफैंमा केही पनि होइन । केवल भ्रमका कारण भगवान् कृष्णमा आरोपित हुन पुगेकाले सत्य जस्तो प्रतीत भएको मात्र हो । 

Sagarmatha Cement
Muktinath Bank

अठार पुराणमा गणनाको हिसाबले यो पुराण दशौं स्थानमा पर्छ । खासगरी यो पुराण विष्णुभक्तिपरक पुराण हो । त्यसैले यस पुराणलाई वैष्णव पुराण भन्ने गरिएको छ । यस पुराणमा चार खण्ड छन्, जसमा ब्रह्मखण्ड, प्रकृतिखण्ड, गणपतिखण्ड र कृष्णजन्मखण्ड पर्छन् । यीमध्ये कृष्णजन्मखण्ड दुई भागमा विभाजित छ । यसको पूर्वार्धलाई पूर्वखण्ड र उत्तरार्धलाई उत्तरखण्ड भनिन्छ । 


Advertisment
RMC TANSEN
IME BANK INNEWS
shivam ISLAND

विषयवस्तुको हिसाबले कतिपय प्रसङ्ग श्रीमद्भागवत महापुराणसित मिल्दोजुल्दो देखिन्छ तर भिन्नताबोध गराउने प्रसङ्ग पनि त्यत्तिकै छन् । कुल २७६ अध्यायले युक्त यस पुराणको ब्रह्मखण्डमा ३० अध्याय छन् भने गणपतिखण्डमा ४६ अध्याय छन् । त्यस्तै प्रकृतिखण्डमा ६७ अध्याय र कृष्णजन्मखण्डको पूर्वार्धमा ५४ तथा उत्तरार्धमा ७९ अध्याय  छन् । नारदपुराण र श्रीमद्भागवतमा यस पुराणको श्लोक संख्या १८ हजार उल्लेख छ तर हाल उपलब्ध पुराणमा श्लोकसंख्या केही न्यून रहेको कल्याण पुराण कथाङ्कबाट थाहा हुन्छ । 


Advertisment
Nabil box
Kumari

वस्तुतः ब्रह्मवैवर्त पुराणको प्रमुख प्रतिपाद्य विषय भगवान् कृष्ण र उनको अन्तरङ्ग शक्ति राधा हुन् । कृष्णभक्तिको बेजोड नमूना मानिएको यस पुराणले भगवान् कृष्णलाई पूर्णब्रह्म परमात्माको विशेष रूपमा प्रस्तुत गरेको छ । कात्तिक महिना राधा–दामोदरको महिना हो । यस महिनाका देवता दामोदर हुन् भने मासदेवीको नाम राधा हो । दामोदर भनेको कृष्णकै अर्को नाम हो । त्यसैले यो महिना भगवान् कृष्णसित विशेष सम्बन्धित छ । 

Vianet communication
Laxmi Bank

यसै महिनाको पूर्णिमाको रातमा कृष्णले राधाका साथमा रासलीला रचेका थिए । यसको प्रशंसा स्वर्गमा बस्ने देवताहरूले समेत गरेका छन् । हुन पनि यो रात भनेको त्यस्तो रात हो, जहाँ भक्तले भगवानलाई जितेका छन् भने कामदेवले हारेका छन् । सृष्टिमा अहिलेसम्म कामदेव दु्ईपटक हारेका छन् । सत्ययुगमा देवाधिदेव महादेवसित हारेका छन् भने द्वापरयुगमा भगवान् कृष्णसित । 

भागवतमा कृष्ण परमेश्वरको पूर्णावतार मानिएका छन् । भगवानका अन्य अवतार छन् १२ कलाभन्दा तलकै छन् । उनीहरूमध्ये कतिलाई अंशावतार, कतिलाई कलावतार र कतिलाई आवेशावतार भनिन्छ तर कृष्ण भने १६ कलाले  युक्त छन् । त्यसैले उनी पूर्णावतार मानिएका हुन् । अझ व्यासजीले भागवतमा कतिसम्म भनेका छन् भने कृष्ण भगवानको अवतार होइनन्, स्वयं भगवान् नै हुन् । ब्रह्मवैर्वर्त पुराणले तिनै भगवान् कृष्ण र उनको अन्तरङ्ग शक्ति राधाको विशेष गुणगान गरेको छ । यसको करीब दुईतिहाइ भाग राधा–कृष्णसितै सम्बन्धित छ । बाँकी एक भागमा मात्र पुराणका पञ्चलक्षण सम्बन्धी अन्य विषयवस्तुले स्थान पाएका छन् । 

परब्रह्म, परमात्मा तथा भगवान् एउटै अद्वैत परमसत्ताका विविध नाम हुन् । तिनै परब्रह्म वा परमात्मा नै भगवान् कृष्ण हुन् भन्ने ब्रह्मवैवर्त पुराणले निष्कर्ष छ । यसअनुसार भगवान् कृष्ण कर्तुम् अकर्तुम् अन्यथा कर्तुम् समर्थ छन् । उनी टाढाभन्दा टाढा पनि छन् । नजिकभन्दा नजिक पनि छन् । ठूलाभन्दा ठूला पनि छन् सानाभन्दा साना पनि छन् । उनी जगत् कल्याणका लागि आवश्यकता अनुसार जतिबेला जस्तो पर्छ त्यस्तै रूप धारण गर्छन् । कहिले ब्रह्मा बन्छन् कहिले विष्णु बन्छन् । कहिले शिव, शङ्कर वा महादेव र गणेश, सूर्य आदि विभिन्न रूपमा प्रकट भइरहेका हुन्छन् । 

ब्रह्म भनेका पनि उनै हुन् परब्रह्म भनेका पनि उनै हुन् । विष्णु भनेका पनि उनै हुन् महाविष्णु भनेका पनि उनै हुन् । ईश्वर भनेका पनि उनै हुन् परमेश्वर वा महेश्वर भनेका पनि उनै हुन् । सत्व, रज, तम भनेका पनि उनै हुन् । आधुनिक विज्ञानको भाषामा न्यूट्रोन, प्रोटोन, इलेक्ट्रोन भनेका पनि उनै हुन् । पदार्थका ठोस, तरल र ग्यास तीन रूप भनेका पनि उनै हुन् जाग्रत, स्वप्न, सुषुप्ति भनेका र विश्व, तैजस, प्राज्ञ भनेका पनि उनै हुन् । महाकाली, महालक्ष्मी, महासरस्वती, दुर्गा, सावित्री आदि जति पनि नारी शक्ति छन् ती भनेका पनि उनै कृष्णका अन्तरङ्ग शक्ति राधाका विविध रूप हुन् । एउटै परमतत्त्व र उनका शक्ति नै विविध रूपमा प्रकट भई चराचर जगतलाई धारण गर्दै आएका छन्  । 

यस पुराणका अनुसार, सृष्टिपूर्व उनै कृष्णरूप परब्रह्म परमात्मा बाहेक केही पनि थिएन । उनी पनि परमाणु रूपले घोर अन्धकारको गर्तमा निदाइरहेका थिए । जब सृष्टिको बेला आयो उनले आफ्नो शरीर विस्फोट गरी दुई भागमा विभक्त गरे, जसलाई प्रकृति र पुरुष भनिन्छ । उनको दाहिने अङ्गलाई पुरुष भनिएको छ भने बाँया अङ्गलाई प्रकृति भनिएको छ । मूल प्रकृतिको रूपमा प्रतिष्ठित सोही वाम अङ्ग नै राधा हुन् । तिनै ब्रह्मरूपा सनातनी शक्ति राधाले नै पाँचभागमा विभाजित भई माहेश्वरी मर्यादा पालन गर्दै आएकी छन् । शिवस्वरूपा नारायणी तथा पूर्णब्रह्मस्वरूपिणी भगवती दुर्गा वा महाकाली भनेका पनि उनै हुन्, समग्र सम्पत्तिकी अधिष्ठात्री देवी महालक्ष्मी भनेका पनि उनै हुन् । 

त्यस्तै वाणी, विद्या, बुद्धि र ज्ञानकी अधिष्ठात्री देवी महासरस्वती भनेका पनि उनै हुन्, ब्रह्मतेजसम्पन्न शुद्ध सत्त्वमयी ब्रह्मी शक्ति सावित्री तथा प्राण र प्रेमका अधिष्ठात्री देवी राधा भनेका पनि उनै हुन् । संसारमा जति पनि स्त्रीत्व शक्ति छन् ती सबै यिनै मूल प्रकृति राधाकै विविध अङ्ग हुन् राधा र भगवान् कृष्ण एक अर्कोमा अनुस्युत हुन पुगेका छन् । ब्रह्मवैवर्त पुराणको विशेषता भनेकै सरल तरिकाले यी र यस्तै यस्तै उनै भगवान् कृष्णको विशेषता बताउनु हो ।     

प्रायः पुराणहरूको नाम कि वक्ताको नामबाट राखिएको छ कि श्रोताको नामबाट तर यस पुराणको नाम भने वक्ता र श्रोताको नामबाट नभई उसको प्रतिपाद्य विषयवस्तुको आधारमा चयन भएको छ । यस पुराणले संसारमा सर्वत्र ब्रह्म नै व्यापक रूपले रहेका छन् भन्ने सन्देश दिएकाले त्यसैको आधारमा पुराणको नाम ब्रह्मवैर्वर्त राखिएको हो भन्ने विद्वानहरूको कथन छ । 

यस पुराणको वक्ता सूतपुत्र सौति रहेका छन् भने श्रोता शौनकजी । प्रायः पुराणका वक्ता सूत नै रहेका छन् । उनी अग्निकुण्डबाट निस्केका अयोनिज हुन् । यज्ञमा दिइएको देवगुरु बृहस्पतिको भाग व्यतिक्रम भई देवराज इन्द्रलाई पर्न जाँदा उनको उत्पत्ति भएको थियो । यसैकारण लक्षणाको आधारमा उनलाई सूत भनिएको हो । उनलाई पुराणको विशेष ज्ञाता मानिन्छ । व्यासजीले सर्वप्रथम पुराणहरूको अध्यायन उनैलाई गराएका थिए । 

नैमिषारण्य क्षेत्रमा पुराणवाचन गरिरहेका बेला परिबन्दवश देवकी पुत्र बलरामको हातबाट उनको मृत्यु भएकाले  बाँकी पुराण उनका पुत्र सौतिले सुनाएका थिए । प्रस्तुत ब्रह्मवैवर्त पुराण पनि यसैभित्र पर्छ । यस पुराणको उठान पनि नैमिषारण्य क्षेत्रबाटै भएको छ र समापन पनि नैमिषारण्यमै भएको छ ।  यस पुराणको हाल व्यावहारिक प्रचनल त्यति बढी नदेखिएपनि महत्त्व भने अन्य पुराणका भन्दा कत्ति कम छैन । बरू कतिपय प्रसङ्गमा बढी नै रहेको देखिन्छ ।

hAMROPATRO BELOW NEWS
TATA Below
फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

पुस ११, २०८०

नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...

कात्तिक ३०, २०८०

कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...

मंसिर ३, २०८०

मखमली फुल्दा, मार्सी धान झुल्दा बहिनी आउने छिन्,​ दैलाको तस्वीर छातीमा टाँसी आँसु बगाउने छिन् .....।  हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...

कात्तिक २४, २०८०

राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...

कात्तिक ३०, २०८०

केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x