काठमाडौं– कथित बौद्धिक भेलाको रुपमा प्रचार गरिएको पोखरामा जारी लिटरेचर फेस्टिभलमा आयोजकले घृणित काम गरेको पाइएको छ । 

आयोजक मध्येको एक बुक ओर्म फाउन्डेसनले नियमविपरित फेवाताल आसपासको रुख काटेको पाइएको छ ।  

फेवातावरको पर्यावरण जोगाउन महानगरपालिका र सरोकारवालाले निरन्तर रुपमा काम गरिरहेको बेला फेस्टिभललाई नै भनेर आयोजकले रुख काटेको पाइएको हो । 

यसरी रुख काटिएकोमा भहानगरबासीले समेत कडा विरोध जनाइरहेको बेला पोखरा महानगरपालिकाले एक्सन लिएको छ । 

महानगरपालिकाले रुख काट्ने संस्थालाई १० हजार रुपैयाँ जरिवाना तिराएको हो । 

पोखरा महानगरपालिका वडा नम्बर ६ को बैदामको ताल किनारमा रहेको नेपाल ट्रस्टको अधिनमा रहेको ग्राउठका रुख काटिएको पाइएकाले बुक वर्म फाउन्डेसनलाई जरिवाना तिराईको वडा नम्बर ६ का वडाअध्यक्ष जगत बहादुर पहारीले जानकारी दिए । 

जरिवाना तिरेको फाउन्डेसनले ताल खुल्ला देखाउने क्रममा रुट काटिएको स्वीकार गरेको छ ।