फागुन २६, २०८०
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
काठमाडौं–साडीमाथि कालो गाउन । टाउँकोमा कालो टोपी र घाँटीमा पहेलो रंगको घेरा रहेको सेतो स्कार्फ । काखमा थियो दुई महिनाको शिशू ।
ललितपुरको पुलचोकोस्थित इन्जीनियरिङ क्याम्पसको खेल मैदानतर्फ जाँदै थिइन्, वनस्थलिकी मनमाया श्रेष्ठ । चिकित्सा अध्ययन संस्थानबाट स्नातकोत्तर गरेकी श्रेष्ठ सोमबार त्रिभुवन विश्व विद्यालयको ४४ औं दीक्षन्त समारोहमा दीक्षित हुन दुई महिनाको छोरो काखी च्यापेर पुल्चोक पुगेकी थिइन् ।
उनी उदयपुर जिल्ला अस्पतालमा नर्सिङ अफिसरको रुपमा कार्यरत पनि छिन् । तर अहिले सुत्केरी बिदामा छिन् । श्रेष्ठले आफ्नो पढाइ, जागिर र घर परिवारको जिम्मेवारीलाई एकैसाथ पूरा गरिरहेकी छन् ।
‘पढ्ने समयमा बाबु पेटमै थियो, आज दीक्षित हुन आउँदा काखमा छ, खुसी लागेको छ,’ श्रेष्ठले भनिन्, ‘अहिले नर्सिङ अफिसरको रुपमा कार्यरत छु, यही क्षेत्रमा अझै माथि पुग्ने चाहना छ, सुत्केरी बिदापछि फेरी नर्सिङ पेसामै रहन्छु ।’
सोमवार त्रिविको ४४ औं दीक्षान्त समारोहमा त्रिविका विभिन्न अध्ययन संस्थान तथा संकाय अन्तर्गतका ६० वटा आंगिक र १ हजार ८५ वटा सम्बन्धन प्राप्त क्याम्पसहरुबाट स्नातक, स्नातकोत्तर, एमफिएल र विद्यावारिधि तह उत्तीर्ण गरेका करिव ९ हजार ५ सय ५ जनाले नाम दर्ता गराई दीक्षित हुन आएका थिए । दीक्षित हुन आउनेहरुमा विभिन्न विषयका फरक प्रतिभा र क्षमता भएका विद्यार्थी उपस्थित थिए ।
ह्वीलचियरकै सहारामा दीक्षान्त समारोहमा
तिनै ९ हजारको भिडमा थिइन्, काभ्रे पाँचखालकी सरीता कोइराला । दीक्षान्त समारोहको मञ्चमा पहिलो लाइनमा सबै कुर्सीमा थिए । कोइराला भने अगाडिको लाइनमा ह्वीलचियरमा थिइन् । दीक्षान्त समारोहमा त्रिविका कुलपति एवं प्रधानमन्त्री केपी शर्मा ओलीले दीक्षित हुने उम्मेदवारहरुलाई ४ वटा प्रश्न गरे । सबै दीक्षित हुने उम्मेरवारहरुलाई उभिएर प्रतिज्ञा पूरा गर्न भनियो । सबैले उठेर कुलपति एवम् प्रम ओलीको प्रश्न र प्रतिज्ञालाई पूरा गर्ने सामूहिक प्रतिज्ञा गरे ।
मञ्चको पहिलो लाइनमा रहेकी कोइरालाले ह्वीलचियरमै बसेर कुलपतिको प्रतिज्ञालाई पूरा गर्ने ‘कसम’ खाइन् ।
मानविकि संकायको नेपालीतर्फ स्नातकोत्तर उत्तीर्ण गरेकी कोइराला पहिलो पटक दीक्षित हुन यस्तो समारोहमा पुगेकी थिइन् । उनी आफ्नो शारीरिक कमजोरीलाई आत्मबल र शिक्षाले पछि पार्न सफल भएकी छन् ।
कक्षा ९ मा पढ्दै गर्दा घर पोत्नका लागि माटो खन्न जाँदा माटोको ढिस्कोले पुरिँदा उनको खुट्टा नचल्ने भएको थियो । माटोले पुरिएर स्पाइनल इञ्जुरी भएपछि उनले ह्वीलचियरकै साहरामा स्नातकोत्तर सम्मको अध्ययन पूरा गरिन् । ह्वीलचियरकै साहरामा दीक्षित हुन पुगेकी कोइराला आफ्नो शैक्षिक सफलतामा खुसी छिन् ।
‘माटो खन्ने क्रममा ढिस्कोले पुरिएर स्पाइनल इञ्जुरी भयो, तर मैले पढ्न छाडिन्, प्रयास ग¥यो भने सफत भइने रहेछ, आज महसुस गर्दैछु,’ सापकोटाले भनिन्, ‘मेरो शारीरिक अपांगतालाई मैले अवसरको रुपमा लिएको छु । म मेरो शैक्षिक सफलतामा एकदमै खुसी छु ।’
आफ्नो शैक्षिक यात्रामा परिवारको साथ र सहयोगले यो स्थानसम्म आइपुगेको सापकोटाको भनाइ छ । उनी विगत ४ वर्षदेखि नागरिक उड्यान प्राधिकरणमा कम्युटर अपरेटरको रुपमा समेत कार्यरत छिन् ।
५० वर्षमा डबल मास्टर्स, पढाइको भोक अझै बाँकी छ
गुल्मीका ५० वर्षिया भीम थापा पनि सोमवार दीक्षित हुन पुल्चोक पुगेका थिए । थापाले यसवर्ष ग्रामिण विकासमा स्नातकोत्तर तहको पढाइ पूरा गरेका हुन् । छोरा र पत्नीलाई साथमै लिएर दीक्षित हुन आएका थापा आफूले दोस्रो पटक स्नातकोत्तर गरेको बताउँछन् ।
‘मैले अहिले ग्रामिण विकासमा मास्टर्स गरेको हो, पढिरहँदा समाजमा पनि सकारात्मक म्यासेज जाने भएर पढिरहेको छु, यो मेरो दोस्रो मास्टर्स हो, म ५० वर्षमा छु, यो दीक्षान्त समारोहमा आउँदा उत्साहित छु,’ थापाले भने, ‘मैले मेरो छोरालाई पनि सँगै लिएर आएको छु, बाबु बुढो हुँदा पनि पढेर दीक्षित भएका थिए भनेर उसले पनि पढोस् भनेर सँगै ल्याएको छु ।’
पत्नी पनि शिक्षित भहेकाले आफ्नो पढाइमा उनको साथ र सहयोग रहेको थापाले बताए । प्रविधिको विकाससँगै नयाँ नयाँ विषयहरु आएकाले अझै पढ्ने चाहना बाँकी रहेको उनको भनाइ थियो । ‘म अझै अर्को विषयमा मास्टर्स गर्ने सोचमा छु, पढाइलाई उमेरले छेक्न सक्दैन । मेरो पढाइको भोक अझै बाँकी नै छ,’ थापाले भने ।
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...