चैत ७, २०८०
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
बुटवल-अवैध रुपमा भारतीय बाटो हुँदै वैदेशिक रोजगारीमा जाने र दुःख पाउने महिलाको संख्या बढ्दै गएपछि रुपन्देहीमा त्यसलाई रोक्न अभियान चलेको छ । उक्त अभियानका क्रममा देवदह, बुटवल, तिलोत्तमा, सैनामैना, सियारी लगायतका स्थानीय तहमा भने घरदैलो नै गरिएको छ । वडास्तरमा सुचना डेस्क पनि राखिएको छ ।
अभियानका क्रममा पछिल्लो सात महिनामा विदेश जान चाहने ७ हजार ९ सय ३९ जनालाई वैदेशिक रोजगारीका चुनौतिबारे सिकाइएको छ । यसका लागि वैदेशिक रोजगारीमा गएर फर्केका महिलाहरु खटेका छन् । उनीहरुलाई आप्रवासी कानुन र वैदेशिक रोजगारको अधिकारका बारेमा प्रशिक्षण दिएको हो ।
अभियन्ताहरूले विदेश जान चाहने महिलालाई भेट्ने, कहाँ, किन जाने र कोसँग जाने पत्ता लगाउने गरेका छन् । यदि उनीहरू वैध तरिकाले जान लागेको हो भने जान सिफारिस गर्छन् ।
वैध तरिकाले वैदेशिक रोजगारमा जान चाहनेहरूमा चेतना जगाउनका लागि अभियन्ताहरूले कहिले सडक नाटक त कहिले छलफल चलाउने गरेका छन् । गाउँबाट कुनै युवती वैदेशिक रोजगारीमा जाँदै छन् भन्ने थाहा पाएपछि अभियन्ताहरूको एउटा समूह उक्त घरमा पुग्ने गरेको छ ।
उनीहरूले ती युवती र उनका अभिभावक तथा घरपरिवारका सदस्यहरुलाई विदेश जानुका कारण सोध्ने गर्छन् । कारण पत्ता लागेपछि कुन देशमा जाने, किन जाने र कसरी कोसँग भनेर सोधपुछ गर्ने गर्छन् । यदि दलाल मार्फत अवैधरुपमा जान लागेको भए रोक्ने प्रयास गर्दछन् ।
हामीले अवैध रूपमा विदेश जान लागेको थाहा पाए रोक्ने प्रयास गर्छौं,' बुटवल मोतीपुरकी अभियन्ता जानकी घिमिरेले भनिन्, 'यदि रोक्न सकिएन भने गाउँका अगुवाहरुलाई भनेर उनीहरुलाई सम्झाउने, दलाललाई पक्राउ गर्ने र सचेत पार्ने गरेका छौं ।’ उनका अनुसार ईलाका प्रशासन कार्यालयमा पासपोर्ट बनाउन आउनेका लागि समेत सुरक्षित वैदेशिक रोजगारीबारे सिकाउने गरिएको छ ।
अन्तराष्ट्रिय श्रम संगठनको सहयोगमा एबिसी नेपालले उक्त अभियान चलाएको हो । अभियान अन्तर्गत वैध तरिकाले जानेलाई पनि रोजगारीमा जाँदाका चुनौती र समस्याबारे सिकाउने र भरसक स्वदेशमै बस्न प्रेरित गर्ने गरिएको छ । महिलाहरुलाई वैदेशिक रोजगारीमा जानुपूर्व नै सम्भावित चुनौती र सम्भावनाबारे सिकाएपछि कतिपयले वैदेशिक रोजगारीको सपना त्यागेर स्वदेशमै श्रम गर्ने गरेका छन् ।
‘भरसक स्वदेशमै काम गरेर जीविको पार्जन गर, जानैपर्ने भएपनि विदेश जाँदा चाहिने न्यूनतम सीप र ज्ञान सिकेर मात्र जाऊ भनेर सिकाउँछौं,’ अर्की अभियन्ता ज्ञानीसरा रानाले भनिन् । यसो गर्दा लहलहैमा जान खोज्ने रोकिन थालेको रानाको भनाइ छ ।
रोजगारीमा गएर पनि दुख मात्र पाएर घर फर्कने महिलाहरू पुनः घरपरिवार र समाजबाट अपहेलनामा पर्ने गरेका उदाहरणहरू धेरै छन् । अभियन्ताहरूले विदेशबाट विचल्लीमा परेर आएकालाई घर समाजमा पुनःस्थापित गर्न पनि सहयोग गरेका छन् ।
रुपन्देहीका कति महिला खाडी मुलुकमा छन् ? यसको तथ्यांक कतै छैन । कम पढाइ भएपनि पुग्ने, धेरै रकम नलाग्ने घरयासी कामकाजका लागि सीप नचाहिने भन्दै कुनै सीप र प्रशिक्षणबिना नै रुपन्देहीका कतिपय महिलाहरु खाडी मुलुकमा रोजगारीका लागि जाने गरेका छन् । वैध तरिकाले जाँदा धेरै रकम खर्च हुने भन्दै खाडी मुलुकमा जाने धेरै महिला भारतीय बाटो हुँदै दलालमार्फत जाने गरेका छन् ।
विदेशको भाषा र संस्कृतिको बारेमा जानकारी नहुँदा महिला कामदारहरु हिंसामा पर्ने गरेको वैदेशिक रोजगारीबाट फर्केका महिलाहरुको अनुभव छ । उनीहरुका अनुसार मुस्लिम देशमा अनुहार देखाउन नपाउने, पुरुषसँग बोल्न नपाउने, आधुनिक प्रविधिका मेसिनहरूसँग काम गर्नुपर्ने जस्ता कुराहरूमा नेपाली महिलाहरू अभ्यस्त नभएको हुनाले बढी समस्या निम्तिने गरेको छ ।
अवैध तरिकाले विदेश जाने महिला जतिसुकै अन्यायमा परेपनि न्याय पाउन गाह्रो हुने भएकाले अन्यायलाई चुपचाप सहन बाध्य हुन्छन् । एबीसी नेपालका कार्यक्रम संयोजक मनोज लामिछानेले अन्जानमा विदेश जाँदा कुनै पनि महिला बेचबिखन, अवैध ओसारपसार वा श्रम बेच्न बाध्य नहुन् भनेर अभियान चलाएको बताए । अभियानले स्वदेशमै काम गर्नका लागि रोजगारदाता भेटाइदिने, परामर्श गर्ने काम समेत गरेको लामिछानेको भनाइ छ ।
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...