पुस ६, २०८०
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
नेपाली राजनीतिमा नेपाली कांग्रेस चिरपरिचित र पुरानो पार्टी हो । २००७ सालको प्रजातान्त्रिक आन्दोलन, २०४६ सालको बहुदल पुनःस्थापनाका लागि गरिएको संघर्षपूर्ण आन्दोलन र २०६२–०६३ सालको जनआन्दोलनमा नेपाली कांग्रेसको भूमिका महत्त्वपुर्ण छ । विगतका हरेक आन्दोलनमा कांग्रेसको अधिकांश अवस्थामा निर्णायक भूमिका थियो ।
जनयुद्धको जगमा भएको १२ बुँदे सहमतिपछि २०६२–०६३ सालमा भएको तेस्रो जनआन्दोलनपछि मुलुकको शासन व्यवस्थामा आमूल परिवर्तन आयो । राजसंस्थाको ठाउँमा गणतन्त्र आयो । धर्मसापेक्षताको ठाउँमा निरपेक्षता आयो । राज्यका हरेक क्षेत्रमा समावेशी र समानुपातिक व्यवस्थामा रूपान्तरण भयो । जनताका छोरारछोरी राष्ट्रप्रमुख हुने व्यवस्थाको शुरूआत भयो । यसप्रकारको परिवर्तनले जनतामा बेग्लै किसिमको उत्साह सिर्जना गरेको छ । यी उल्लिखित परिवर्तनमा कांग्रेसको महत्त्वपूर्ण सहभागिता रहेको छ ।
संविधानसभाबाट २०७२ असोज ३ गते नेपालको संविधान विधिवत रूपमा घोषणा भएपछि परिवर्तनका एजेन्डा संस्थागत भएका छन । वर्तमान नेपाली राजनीति तत्कालीन नेकपा माओवादी अध्यक्ष पुष्पकमल दाहाल प्रचण्ड र नेपाली कांग्रेसका तत्कालीन सभापति गिरिजा प्रसाद कोइरालाले अगाडि बढाएको राजनीतिक कोर्समा निर्भर छ । अहिलेका उपलब्धि शान्ति सम्झौताकै उपज हुन् ।
नेपाली कांग्रेसले सामन्तवादको अन्त्यका लागि गरेका परिवर्तनका आन्दोलनमा पाकाभन्दा युवा नेताहरूको सहभागिता सडकमा धेरै थियो । विश्वप्रकाश शर्मा, गगन थापा र प्रदीप पौडेल लगायत अन्य थुप्रै युवा नेताहरूको उपस्थिति सडकमा बाक्लै हुने गर्दथ्यो । कांग्रेसभित्र परिवर्तन ल्याउन सक्ने नेताका रूपमा तत्कालीन समयमा यिनै युवाहरूलाई चित्रित गरिन्थ्यो । नेपाली कांग्रेस हाँक्ने भावी नेताको रूपमा व्याख्या गर्दा शर्मा, थापा र पौडेलका लागि पनि यो सुखद क्षण थियो ।
कुनै बेला परिवर्तनका एजेन्डाका पक्षधरलाई आतंककारी घोषणा गर्न लगाउने वर्तमान नेपाली कांग्रेस सभापति शेरबहादुर देउवा गणतन्त्र, संघीयता, धर्मनिरपेक्षता, समावेशी र समानुपातिक व्यवस्थाको पक्षमा सशक्त छन् । देउवा कार्यसमितिका महामन्त्री तथा बीपीपुत्र शशांक कोइराला चाहिँ धर्मनिरपेक्षताको ठाउँमा सापेक्ष बनाउने भन्दै जनमतसंग्रहको आवश्यकता महसूस गर्नुहुन्छ ।
अहिले पूर्वराजा ज्ञानेन्द्र शाह सक्रियताका साथ तराई क्षेत्रका मठमन्दिर दर्शनको नाममा राजावादीहरूसँग भेटघाट गरिरहेका छन् । यहीबेला काठमाडौंमा फागु पूर्णिमाका दिन शशांक कोइरालाले गणतन्त्र र संघीयताका विषयमा पनि जनमत गर्न आफू तयार रहेको बताए । कोइरालाको यस भनाइले अहिले शंका उत्पन्न भएको छ । आलोचना भएपछि यसबारे क्षमा मागे पनि कोइरालाले परिवर्तनलाई पूर्ण आत्मसात नगरेको प्रस्ट बुझ्न सकिन्छ ।
राजाको सक्रिय शासनमा बीपीका ज्येष्ठ पुत्र प्रकाश कोइराला मन्त्री भए । यी प्रकाश कोइराला अहिले पनि राजावादी हुन् । दाजु राजावादी भए पनि भाइहरू शशांक र शेखर कोइराला परिवर्तनलाई आत्मसात गर्दछन् भन्ने धेरैको अनुमान अब फेल भएको छ । कोइराला परिवारका सदस्यबाटै परिवर्तनका एजेन्डामाथि प्रहार हुनु कांग्रेसजनका लागि दुर्भाग्य हो ।
कोइराला परिवारमा शशांक कोइरालाले मात्र परिवर्तनलाई पूर्ण आत्मसात नगरेका भने होइनन् । केही दिनअघि एउटा टीभी शो कार्यक्रममा अन्तर्वार्ता दिँदै कांग्रेस केन्द्रीय सदस्य शेखर कोइरालाले धर्मनिरपेक्षतामाथि घुमाउरो पाराले हमला गरे । धर्मनिरपेक्षतामाथिको हमलाले शेखर कोइरालाको बौद्धिकतामा पनि प्रश्न उठ्यो ।
सस्थापक नेता बीपी कोइराला गतिशील हुनुहुन्थ्यो । बीपी सधैं परिवर्तनको पक्षमा लागेको तत्कालीन नेताहरूको भनाइबाट पनि प्रस्ट हुन्छ । धर्मनिरपेक्षतामा बीपी सधैं अडिग हुनुहन्थ्यो । उहाँ आर्थिक समानताको पक्षधर हुनुहुन्थ्यो । तर अहिले तिनै बीपीका सन्तानहरू मुलुकको परिवर्तनलाई सहजै स्वीकार गरिरहेका छैनन् । यो मुलुकको निम्ति राम्रो संकेत होइन ।
अहिले देउवाका विरूद्ध ५२ जिल्लाका सभापतिले छुट्टै बैठक बसेर तिनै कोइराला परिवारलाई कांग्रेसको ताल्चा (एजेन्डा) सुम्पने चर्चा छ । अब कोइराला परिवारलाई कांग्रेसको नेतृत्व दिनु भनेको बिरालोलाई दूधको जिम्मा लगाएजस्तै हो ।
कांग्रेसका वरिष्ठ नेता रामचन्द्र पौडेलको स्वभाव ‘जता पाक्यो काफल गेडी, उतै नाच्छ चरी’ जस्तो छ । यस अवस्थामा कांग्रेसका पूर्व महामन्त्री कृष्ण प्रसाद सिटौला आगामी दिनहरूमा अझ सशक्त भूमिकामा देखिने देखिन्छ । परिवर्तनको पक्षमा पार्टीका नेता र कार्यकर्तालाई उभ्याउन पृष्ठभागमा कांग्रेस नेता सिटौला, नरहरि आचार्य र प्रदीप गिरीको भूमिका सम्झनयोग्य छ ।
अहिले कमजोर अवस्थामा रहेको कांग्रेसलाई पुनर्गठन गर्दै सशक्त बनाउने जिम्मेवारी पनि युवा नेताहरूको काँधमा धेरै छ । यसो गर्न नसके कांग्रेस भड्खालोमा पुग्छ । काँग्रेस नेताहरूको वर्तमान गतिविधि यथास्थितिवाद हुँदै पुरातनवाद तर्फको उल्टो यात्रामा देखिन्छ । कांग्रेसका अझै पनि केही नेताहरूको अभिव्यक्ति मृत राजसंस्थाप्रति उदार देखिन्छन् । कांग्रेसभित्र नै कांग्रेसजनको दुश्मन बसेका छन् । यसकारण सत्तरी सालको संविधानसभाको चुनावमा पहिलो पार्टी बनेको कांग्रेस प्रदेश र प्रतिनिधिसभा चुनावमा कमजोर प्रतिपक्षको रूपमा खुम्चिएको छ ।
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...