मंसिर ३, २०८०
आईसिसी एकदिवसीय क्रिकेट विश्वकप फेरि एक पटक अष्ट्रेलियाले जितेको छ । यससँगै घरेली मैदानमा उपाधि जित्ने भारतको सपना चकनाचुर बनेको छ । अष्ट्रेलियाले आज अहमदाबादमा भएको फाइनलमा भारतलाई छ विकेटले पर...
काठमाडौं – गुणराज रुचाल (२६) नेपाली सेनाका जवान हुन् । तर उनी खेलाडीका रुपमा परिचित छन् ।
उनी मुवाथाईका राष्ट्रिय खेलाडी हुन्, बक्सिङ, तेक्वान्दो, कराँतेमा पनि उत्तिकै अभ्यस्त छन् । आइकिडो र कराँतेमा ‘ब्ल्याक वेल्ट’ हुन् । रेस्लिङको रेफ्रीको रूपमा पनि सक्रिय छन् उनी ।
मार्सल आर्ट खेलमा आफूलाई फिजाएका गुणराज भन्छन्, ‘मानिसमा ईच्छाशक्ति हुनुपर्छ । हरेश नखाइकन निरन्तर मेहनत गर्ने हो भने एकदिन अवश्य सफल भइन्छ ।’
गुणराजको सपना छ, विश्व च्याम्पियन बनेर देशको नाम अझ उँचो बनाउने ।
ओखलढुंगाको सुनकोशी गाउँपालिका देवीटारमा जन्मिएका गुणराजमा एसएलसीपश्चात् डाक्टर बन्ने सोच पलाएको थियो । डाक्टर बनेर स्वास्थ्य सेवामा लाग्ने सोचले उनले जिल्लामै सीएमए अध्ययन गरे ।
सीएमए पास गरेर गाउँमै स्वास्थ्य संस्थामा केही महिना काम पनि गरे । अनि सीएमए भएर सरकारी जागिर खाने उद्देश्यका साथ लोकसेवा आयोगको तयारीमा लागे । तर अचानक उनको मन मोडियो । डाक्टर बन्ने सोच हराउँदै कराँते खेलाडी बन्ने सोच पलायो ।
गुणराज सम्झन्छन्, ‘एक दिन रेडियोको विज्ञापनमा छिमेकी गाउँमा कराँते तालिम हुन लागेको सुनेपछि सोच खेलाडी बन्नेतर्फ मोडियो ।’ लोकसेवा आयोगको तयारीलाई बीचमै छाडेर कराँते तालिम लिन छिमेकी गाउँ पुग्न थाले ।
‘कराँते सिक्न जान २ घण्टा लाग्थ्यो,’ स्मरण गर्दै थप्छन्, ‘पढाइ छोडेर खेलतर्फ लाग्दा गाउँमा मलाई सबैले खिसी गर्थे । तर म विचलिन नभइ कराँतेमा राम्रो गर्दै गएँ ।’ कराँतेमा आफ्नो राम्रो प्रस्तुतीले छोटो समयमै प्रशिक्षकको मन जित्न सफल भएको उनी बताउँछन् ।
त्यसपछि २०६९ सालमा उनी नेपाली सेनामा भर्ना भए । राम्रो खेलाडी बन्ने सोच उनको पहिलो प्राथमिकतामा थियो भने स्वास्थ्य क्षेत्रमा काम गर्ने सोच मरेको थिएन ।
उनले खेललाई निरन्तरता दिँदै गए । २०७० सालमा ‘आईकिडो’ खेलको तालिम शुरू गरेर २०७१ सालमा धन गुरुङबाट ‘ब्ल्याक वेल्ट’ पाएको उनी बताउँछन् ।
त्यसपश्चात् उनको प्राथमिकताको खेलमा प¥यो मुवाथाई । उनले नेपाल राष्ट्रिय मुवाथाई संघका अध्यक्ष गणेश कक्षपतिसँग मुवाथाई तालिम शुरू गरे । उनले ३ वर्षअघि खेलमा एउटा सुनौलो अवसर पाए । त्यो थियो – थाईल्यान्डमा वर्ल्ड च्याम्पियनशिपमा भाग लिने अवसर । उनले थाइल्याण्डमा आफ्नो खेल कौशल देखाउने मौका पाए ।
राष्ट्रिय मुवाथाई संघबाट ‘मुवाथाई वेस्ट प्लेयर अफ द इयर २०१६’को अवार्ड प्राप्त गरे । सोही वर्ष उनले खेलका दायरालाई फराकिलो बनाउँदै रेस्लिङ खेल तालिममा पनि सहभागी भए ।
‘नेपालको पहिलो रेस्लर हिमालयन टाइगरसँग रेस्लिङको रेफ्री तालिम सिकेर रेस्लिङ खेलमा पनि सहभागी भए,’ उनी भन्छन्, ‘यता कराँते खेललाई पनि जारी राखे ।’
खेलमा गुणराजले एकपछि अर्को सफलता प्राप्त गर्दै गए । २ वर्षअघि कराँतेको ‘ब्ल्याक वेल्ट’ पास गरे । उनको अर्को सफलता थियो – गत वर्ष चितवनमा आयोजित भारत र नेपाल बीचको खेलमा भारतीय खेलाडीलाई हराउँदै गोल्ड मेडल जित्नु ।
‘चितवनमा पूर्वप्रधानमन्त्री पुष्पकमल दाहाल ‘प्रचण्ड’मार्फत मेडल ग्रहण गर्दै सम्मानित भए । सोही वर्ष नै नेपाली सेनाका प्रधानसेनापतिबाट पनि प्रधानसेनापति प्रशंसा निशानबाट सम्मानित भए,’ उनी खेलमा पाएको सफलता सुनाउँछन् ।
गत वर्ष नै नेपालमा आयोजित ‘प्रथम केब्याग इन्टरनेसनल मुवाथाई च्याम्पियनशिप २०१८’मा भारतीय खेलाडीलाई हराएर गोल्ड मेडल जितेको उनी बताउँछन् । गत वर्ष नै उनी नेपाल राष्ट्रिय मुवाथाई संघबाट दोस्रो पटक मुवाथाई वर्ष खेलाडीबाट सम्मानित भए । उनी बक्सिङ खेलाडी पनि हुन् ।
उनमा अर्को कला पनि छ ‘फायर स्टिक शो’ । जुन रातिको समयमा मनोरञ्जनका लागि लठ्ठीमा आगो बालेर नाच्ने कला हो । उनी भन्छन्, ‘यो मैले यू–टयुबबाट सिकेको हुँ । यो धेरै जोखिम कला हो ।’
गुणराज सबै मार्सल आर्ट खेललाई उत्तिकै सम्मान गर्छन् । उनी भन्छन्, ‘सबै मार्सल आर्ट खेलमा डिग्री हासिल गर्ने सोच छ । त्यस्तै विश्व च्याम्पियन बन्ने लक्ष्य लिएर अगाडि बढिरहेको छु ।’
आईसिसी एकदिवसीय क्रिकेट विश्वकप फेरि एक पटक अष्ट्रेलियाले जितेको छ । यससँगै घरेली मैदानमा उपाधि जित्ने भारतको सपना चकनाचुर बनेको छ । अष्ट्रेलियाले आज अहमदाबादमा भएको फाइनलमा भारतलाई छ विकेटले पर...
अष्ट्रेलियाले छैटौँ पटक आईसीसी एक दिवसीय विश्वकप क्रिकेटको उपाधि जितेको छ । आइतबार घरेलु टोली भारतलाई ६ विकेटले पराजित गर्दै अष्ट्रेलियाले उपाधिमाथि कब्जा जमाएको हो । हमादाबादस्थित नरेन्द्र मोदी स्टे...
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
फाइनलअघि १० खेलमा १० जीत, व्यक्तिगततर्फ सर्वाधिक रन (विराट कोहली- ७६५), अनि सर्वाधिक विकेट (मोहम्मद शमी- २४) को बलमा तेस्रोपटक विश्वकप विजेता बन्ने भारतको सपना सपनामै सीमित रहन पुगेको छ । अहमदावादस्थित नर...
इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...