×

NMB BANK
NIC ASIA

सेवामा समर्पण

‘भूतबङ्गला’ बन्यो परोपकारी घर : बेसहारालाई स्याहार्दै कल्पना

जेठ २५, २०७६

NTC
Sarbottam
Premier Steels
Marvel

धनगढी – परिवारबाट बिछोडिएर सडक पेटीमा रहेका, बेवारिसे महिलालाई आश्रय दिन थालेपछि परिचर्चामा रहेको नाम हो कल्पना भट्ट र उनको संस्था दृष्टि फाउन्डेसन ।

Sagarmatha Cement
Muktinath Bank

सडक मानवरहित समाज बनाउने अभियानमा जुटेकी उनै भट्टको परोपकारी कर्मबारे बुझ्न धनगढी उपमहानगरपालिका–७ छात्राबास टोलस्थित २ तले घरमा पुगियो । घरको च्यानल गेटभित्र कारागारको बन्दीगृहको झल्को दिनेझै अनुशासित र व्यवस्थित परिदृष्य । महिलामैत्री लेखिएको भित्ता, आफ्नै शिष्टाचार सहितको नीति नियम ... ... ।


Advertisment
RMC TANSEN
IME BANK INNEWS
shivam ISLAND

शोफामा बस्ने अनुमति दिँदै भट्टले प्रश्न तेस्र्याइन्, ‘तपाईलाई यो घरको हिस्ट्री (इतिहास) थाहा छ ?’ ‘छैन’ जवाफ पाएपछि उनले पुनः प्रश्न तेस्र्याइन्, ‘पत्रकारलाई त यो घरको बारेमा थाहा हुनुपर्ने ?


Advertisment
Nabil box
Kumari

उनले रहश्योद्घाटन गर्दै भनिन्, ‘यो घर त्यही घर हो, २ वर्ष अगाडि ठूलै घटना भएको थियो । २ वृद्ध दम्पतीलाई धारिलो हतियारले काटेर विभत्स हत्या गरियो । त्यसयता घर भूतबङ्गलामा परिणत थियो ।’
२०७४ जेठ ७ गते राति घरका ७२ वर्षीय बद्रीप्रसाद जोशी र उनकी ६५ वर्षीया पत्नी कुन्तादेवी जोशीको निर्मम हत्या भएको थियो ।

Vianet communication
Laxmi Bank

डर लाग्दैन भन्ने जिज्ञासामा उनले निडरता प्रस्तुत गरिन् । ‘के को डर हुनु ? यहाँ त भूतभन्दा समाजका महाभूतहरू छन् त !’ 

घटनापछि घर भूतबङ्गलाको बिम्बमा परिणत भएको थियो । वरिपरि झाँडी उम्रिए तर हाल सो घरको स्वरुप पुरानै अवस्थामा फर्किएको छ । अहिले परोकारी घर बनेको छ त्यो ।

घरबाट समाजमा परोपकारी कर्मको सञ्चार गरिरहेको छ । जो कोही जान डराउने घरमा निकै चहलपहल बढेको छ । आपतकालीन सुरक्षित घरको नामले परिचित हुन थालेको छ त्यो ।

दृष्टि फाउन्डेसनमा पाइला

डडेल्धुरा जिल्लाको अमरगढी नगरपालिका–६ दमडा घर भएकी भट्टको नेतृत्वमा ११ जनाले फाउन्डेसन सञ्चालनमा ल्याएका हुन् । जनही १०/१० हजार उठाएको रकमले १ वर्षदेखि फाउन्डेसन सञ्चालनमा आएको हो । सडक मानवरहित समाज बनाउने परिकल्पनाका साथ अभियानकर्मी लागेका छन् ।

फाउन्डेसनको अध्यक्ष समेत रहेकी भट्टले अभियानबारे प्रकाश पार्दै भनिन्, ‘हाम्रो गाउँ शहरको गल्लीमा बेवारिसे अनगिन्ती सडक मानव छन् । हामी घर परिवारमा बस्नेको दुःखको अगाडि उहाँहरूको पीडा केही पनि होइन । एउटी महिला मानसिक सन्तुलन गुमाएर घरबाट निस्किसकेपछि उसको घर परिवार कोही हुन्न । रोगी हुन्छ । बेसहारा हुन्छ । उ समाजको नरपिपासुहरूबाट पटक–पटक बलात्कृत हुन्छ । अस्मिता पलपलमा लुटिएको हुन्छ । उहाँहरूको लागि धेरै गर्न नसकिएपनि कम्तिमा पनि सानो छानोभित्र मिठो निन्द्रा । एक गाँस खाना र अस्मिता लुटिनबाट जोगाउनका लागि पनि लागेका छौं ।’

फाउन्डेसनकी अध्यक्ष भट्टले शुरूवाती अवस्थाबारे बताउँदै भनिन्, ‘पहिलो दिन ८ जनालाई विभिन्न स्थानबाट रेस्क्यू गर्‍यौ । एउटा घरमा रेस्क्यू गरेर राख्यौं । अनि टोल–टोलमा माग्न गयौं । १ कट्टा चामल, ५ किलो पिठो, ७ जोडी कपडा मागेर कामको शुरूवात गरेका हौं ।’

हाल फाउन्डेसनमा १ जना नाबालिकासहित २३ जना मानसिक तथा बेसहारा महिला छन् । हालै डडेल्धुरा जिल्लाको परशुराम नगरपालिका–६ जोगबुढाबाट आमासहित डेढ वर्षको बच्चालाई उद्धार गरी ल्याएइको छ । सडकमै जन्मेको बच्चा रहेको बताउँदै फाउन्डेसनकी अध्यक्ष भट्टले बच्चाकी आमा बलात्कृत भई गर्भधारण भएको हुन सक्ने बताइन् ।

फाउन्डेसनले उद्धार गरेकामध्ये १४ जना औषधोपचारसँगै मनोपरामर्शकर्ताको मनोपरामर्शबाट सुधार भई घर फर्केका छन् । फाउन्डेसनले उद्धारपछि सुधार भएका धनगढी उपमहानगरपालिका–८ धनगढी गाउँका जनक चौधरी घरायसी जीवनमा फर्किएका छन् । ५ वर्ष सडकमा रहेका उनी ७ महिना फाउन्डेसनमा बसेका थिए ।

तुलसी नगरपालिका–६ दाङकी गौथली विक पनि घर फर्केर स्थानीय नगरपालिकाको १० हजार आर्थिक सहयोगबाट मकै पोल्ने व्यवसाय थालेको जनाइएको छ । उनले ३ वर्ष सडकमै बिताइन् । भट्टले भनिन्, ‘७ वर्ष सडकमै गुजारेकी घोडाघोडी नगरपालिका–५ कैलालीकी सुन्तली बिष्ट पनि घर फर्केर बाख्रापालन व्यवसायमा लागेकी छिन् ।’

बेवारिसे महिलाको उद्धारपछि फाउन्डेसनले उनीहरूको औषधोपचारको व्यवस्था गर्दै आएको छ । तत्पश्चात मनोविमर्शकर्ताको परामर्शपछि घर परिवारसँग पुनर्मिलनको वातावरण समेत फाउन्डेसनले मिलाउँदै आएको जनाएको छ ।

औषधोपचारको व्यवस्था शुरूवाती चरणमा सेती अञ्चल अस्पतालबाट भएपनि अस्पतालले अनावश्यक अल्झ्याउने, ढिलासुस्ती गर्न थालेपछि हाल धनगढीस्थित कैलाली अस्पतालसँगको सहकार्यमा निःशुल्क औषधोपचार हुँदै आएको फाउन्डेसनले जनाएको छ ।

'दागबत्ती दिएँ'

फाउन्डेसनको आश्रयमा पुगेकी एक जना महिलाको दागबन्दी फाउन्डेसनकै महिला अभियानकर्मीले नै दिएका छन् । समयमा उपचार नपाएपछि मृत्यु भएकी उनको दागबत्ती आफूले नै दिएको फाउन्डेसनकी अध्यक्ष भट्टले बताइन् ।

उनले भनिन्, ‘१ जना दिदी २१ दिनसम्म सेती अञ्चल अस्पतालको गेटमा बिरामी भइ पल्टिनुभएको थियो । उहाँ क्यान्सरलगायत विभिन्न रोगबाट ग्रसित भएर बिरामी हुनुन्थ्यो । पछि हामीले सेल्टरमा ल्याइसकेपछि मृत्यु भयो । हामी आफैले उहाँको दागबत्ती दियौैं ।’

मुठी दान अभियान

निश्चित आर्थिक स्रोत केही नभएको बताउने उनी मागेर नै फाउन्डेसनको व्यवस्थापन गर्दै आएको अनुभव सुनाइन् । आर्थिक संकलनको क्रममा उनले आफ्ना ३ जना सहयोगीसहित संस्थाको उद्देश्यबारे विभिन्न स्थानमा कार्यक्रम सञ्चालन गर्दै आएकी छिन् । कार्यक्रपछि प्राप्त हुने दान र मुठी दानबाट नै अभियानलाई अगाडि बढाउँदै आएको उनले सुनाइन् ।

पछिल्लो समय उनी विद्यालय केन्द्रीत कार्यक्रम गर्दै आएकी छिन् । विद्यार्थीले आफ्नो खाजा रकमबाट केही कटौती गरी दिएको रकमबाट अभियान सञ्चालन गर्दै आएको अध्यक्ष भट्ट सुनाउँछिन् । जन्मदिन, विवाह उत्सवका अवसरमा दिइने उपहार स्वरुपका रकम तथा विभिन्न सामग्री पनि उनको लागि सहयोग स्रोत हो ।

‘आमा रिसाउनुभयो’

‘खान पुगोस्, दिन पुगोस्’ भाव सहितको भट्टको परोपकारी कर्मलाई उनका परिवारले पटक्कै चाहेका छैनन् । घरकी जेठी त्यो पनि पढे–लेखेकी छोरीले राम्रो जागिर र घरजम गर्न छाडेर उमेर घर्किन लागेपनि माग्ने काम गरेको भन्दै परिवार नै रिसाएको उनले सुनाइन् । 

भावुक हुँदै उनले भनिन्, ‘हेर्नु न, जो कोही अभिभावकको सन्तानलाई उच्च शिक्षा हासिल गराइसकेपछि राम्रो जागिर गरुन्, समयमै घरजम गरुन्, आवश्यकता परिपूर्ति गरुन् भन्ने आमचाहना रहन्छ नै तर उहाँहरूको रुची र मेरो रुची नमिलेपछि आमा १ वर्षदेखि रिसाउनुभएको छ ।’

फाउन्डेसनको पूरै व्यवस्थापनको जिम्मेवारी समेत लिएकी उनी समाजशास्त्र र राजनीति शास्त्रमा स्नातकोत्तर गरेकी छिन् भने मनोविमर्श सम्बन्धी १ वर्षे अध्ययन समेत पूरा गरेकी छिन् ।

परिवारको चाहना र आफ्नो चाहना नमिलेपनि उनी आफ्नो उद्देश्यमा अडिग रहेको सुनाउँछिन् । व्यक्तिगत घर बनाउने सपना नदेखेको बताउने उनी त्यही फाउन्डेसनलाई आफ्नो घर र अभियान बनाएकी छिन् भने उद्धार भई आउनेलाई परिवारको सदस्यको रुपमा स्वीकारेको दावी गर्छिन् ।

hAMROPATRO BELOW NEWS
TATA Below
मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

मंसिर ३०, २०८०

बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् ।  काठम...

कात्तिक १९, २०८०

समय : आइतवार बिहान ७ बजे  स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्‍याएको ठाउँ)  ‘मेरी आमालाई किन यस्तो भयो ? मलाई पनि बाँच्न मन छैन,...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x