पूर्व पदाधिकारीका नाममा शरणार्थी नेतालाई गृहको गाडी, सल्लाहकारलाई २ सय ४० लिटर इन्धन

नारायण अर्याल
नारायण अर्याल

पत्रकार अर्याल लोकान्तरका लागि समसामयिक घटनाक्रम र प्रशासनिक मामिलामा रिपोर्टिङ गर्छन् ।

काठमाडौं – पूर्व राष्ट्रपतिदेखि पूर्व प्रधानमन्त्रीसम्मका विशिष्ट व्यक्तिले गृह मन्त्रालयको गाडी चढिरहेको पाइएको छ । गृहका ७ वटा गाडी पूर्व विशिष्टहरूले प्रयोग गरिरहेका छन् ।

पूर्व पदाधिकारीका नाममा सांसद र शरणार्थी नेताले पनि गृहको गाडी चढ्दै आएका छन् । 


Advertisement

गृह मन्त्रालयले लोकान्तर डटकमलाई उपलब्ध गराएको विवरणमा पूर्व पदाधिकारीको नाममा ७ वटा गाडी सञ्चालनमा रहेको देखिन्छ । 

केही पूर्व प्रधानमन्त्री र पूर्व गृहमन्त्रीहरूले लिएका गाडी भने चर्को विरोधपछि फिर्ता गरिसकेका छन् । गृहमन्त्री बनेर आउने नयाँ गाडी किन्ने र आफैं लैजाने गलत प्रवृत्ति मौलाएको थियो । नागरिक स्तरमा विरोध भएपछि उनीहरूले गाडी फिर्ता गरेका थिए । अहिले गृह मन्त्रालयका ७ वटा गाडी पूर्व पदाधिकारीको नाममा प्रयोग भइरहेका छन् ।

नेपालमा आउने विदेशी पाहुना, प्रदेश प्रमुख, प्रदेशका मुख्यमन्त्री तथा प्रदेशका आन्तरिक मामिला तथा कानूनमन्त्री काठमाडौं आएको समयमा उनीहरूको प्रयोजनका लागि गृहले गाडी छुट्याएको छ ।

भुटानी शरणार्थीसम्मलाई गृहको गाडी

पूर्व राष्ट्रपति र ३ जना पूर्व प्रधानमन्त्रीले गृहका गाडी प्रयोग गरिरहेका छन् । 

गृहले पूर्व प्रधामनन्त्री झलनाथ खनाललाई बा२झ ८६ नम्बरको स्कोर्पिओ जीप उपलब्ध गराएको छ । मन्त्रिपरिषद्का पूर्वअध्यक्ष खिलराज रेग्मीले बा२झ ११३ नम्बरको स्कोर्पिओ जीप लिएका छन् । 

बा१झ ८१२२ नम्बरको इसुजु जीप नेपालमा रहेका भुटानी शरणार्थीका नेता टेकनाथ रिजालले चढ्दै आएका छन् । बा१झ ६४९८ नम्बरको इजुसु जीप पूर्व प्रधानमन्त्री लोकेन्द्रबहादुर चन्दले चढ्दै आएका छन् । 
शरणार्थी नेता रिजाल कुन अर्थमा पूर्व पदाधिकारी भन्ने कुरा भने गृहले खुलाएको छैन । 

२०७५ चैत महिनासम्म नेपाली कांग्रेसका सांसद अमरेशकुमार सिंहले गृह मन्त्रालयको गाडी चढ्दै आएका थिए । बा२झ ८५ नम्बरको स्कोर्पिओ जीप अमरेशले चढ्दै आएको गृह मन्त्रालयले उपलब्ध गराएको विवरणमा उल्लेख छ । 

पूर्व राष्ट्रपति डा. रामवरण यादवले गृह मन्त्रालयका २ वटा गाडी प्रयोग गर्दै आइरहेका छन् । बा१झ १०६५ नम्बरको निशान र बा२झ ३७८५ नम्बरको टाटा पीकअप पूर्व राष्ट्रपतिको प्रयोजनमा छुट्याइएको छ ।
पूर्व प्रधानमन्त्री एवं हाल सदनमा प्रमुख प्रतिपक्षी दलका नेता शेरबहादुर देउवाले संसद सचिवालयबाट गाडी र इन्धन सुविधा लिइरहेका छन् । 

सुरक्षा सल्लाहकारलाई २ सय ४० लिटर इन्धन !

गृह मन्त्रालयले उपलब्ध गराएको विवरणमा सुरक्षा सल्लाहकारले २ सय ४० लिटर डिजेल र ५० लिटर पेट्रोल सुविधा लिने गरेको देखिन्छ । सल्लाहकारले समेत १ सय ४० लिटर इन्धन सुविधा लिइरहेका छन् ।

गृह मन्त्रालयले सचिवको लागि १ सय ४० लिटर डिजेल र ५० लिटर पेट्रोलको कोटा छुट्याइएको छ । सहसचिवका लागि १ सय ५ लिटर पेट्रोल तथा उपसचिवका लागि ६० लिटर डिजेल उपलब्ध गराउने गरिएको गृह मन्त्रालयले जनाएको छ ।

अर्थ मन्त्रालयले सबै मन्त्रालय र सरकारी कार्यालयका लागि जारी गरेको कार्य सञ्चालन निर्देशिका अनुसार भने सचिवले १ सय र सहसचिवले ७० लिटर इन्धन पाउनुपर्ने हो । शाखा अधिकृत र अन्य कर्मचारीको लागि मासिक ८ लिटर पेट्रोल उपलब्ध गराउने गरिएको छ । 

मन्त्रालयमा रहेका ७६ मध्ये ६५ गाडी मात्र चालू अवस्थामा छन् । मन्त्रालयमा रहेका ७४ मध्ये ७२ वटा मोटसाइकल चालू अवस्थामा छन् ।

हेर्नुहोस्, यसअघिका ३१ भाग :

भाग- ३१ : राजधानीमा पानी बाँड्न नसक्ने केयूकेएलमा गाडी नै गाडी, कर्मचारीलाई मासिक १६० लिटर इन्धन !

भाग- ३० : निरन्तर घाटामा गएको निगमका १३ हाकिमलाई असीमित इन्धन सुविधा, एउटै नम्बरका २ गाडी !

भाग- २९ : सुदूर प्रदेशका मन्त्रीको ध्यान मोजमस्तीमा : धमाधम गाडी खरिद, विकासलाई बेवास्ता !

भाग- २८ : मुख्यमन्त्री कार्यालयमा ब्रह्मलुट : एक हातमा करार नियुक्ति, अर्को हातमा सवारी साधनको 'चाबी' !

भाग- २७ : विद्युत् प्राधिकरणका गाडीमा गडबडी, पुलका गाडी पनि रातो प्लेटमा !

भाग- २६ : सवारी सुविधामा बेमेल : महानिर्देशकलाई २१ लाखको गाडी, मातहत कर्मचारीलाई ७५ लाखको !

भाग- २५ : इन्धनमा आयल निगमका कर्मचारीको हालीमुहाली, निगमकै गाडीमा मन्त्रीको रजाइँ !

भाग- २४ : राष्ट्रपतिदेखि प्रधानमन्त्रीसम्मलाई परराष्ट्रका ‘बुलेटप्रूफ’ गाडी, बिग्रेको गाडी प्रदेश सरकारलाई !

भाग- २३ : सर्वाेच्च न्यायमूर्तिको ‘गैरकानूनी परम्परा’ : नयाँ गाडी किन्दै, घर लैजाँदै !

भाग- २२ : सेवासुविधा निर्देशिका नै मान्दैनन् सिंहदरबारका कर्मचारी, सवारीसाधन प्रयोगमा छाडा

भाग- २१ : महानगरमा महाबेथिति : सरकारी गाडीलाई रातो प्लेटमा निजीझैं चरम दुरुपयोग

भाग- २० : संसद सचिवालयले बाँड्छ ३१ पदाधिकारीलाई इन्धन, देउवादेखि नेम्वाङसम्मले लिन्छन् सुविधा

भाग- १९ : उद्योगमन्त्री यादवलाई तीनवटा गाडी, मन्त्रालयको गाडीमा शाखा अधिकृतसम्मको रजाइँ !

भाग- १८ : योजना आयोगमा उपाध्यक्षलाई दुई गाडी, सदस्य समेतलाई मासिक १८० लिटर इन्धन

भाग- १७ : मन्त्रीका स्वकीय सचिवसम्मलाई विभागको गाडी, सचिवलाई दिइएको जगेडा गाडी नै झण्डै एक करोडको !

भाग- १६ :‘आदर्शवादी’ अर्थमन्त्रीको निजी सचिवालय : तीन कर्मचारीलाई महंगा-महंगा पाँच गाडी !

भाग- १५ : सिँचाइ नपाएर लाखौं हेक्टर खेतीयोग्य जमिन बाँझै, करोडका गाडी किनेर बाँड्छ सिँचाइ विभाग

भाग- १४ : कृषि मन्त्रालयमा लूट : मन्त्री र राज्यमन्त्रीकै प्रयोजनमा ११ गाडी, ४ मोटरसाइकल !

भाग- १३ : सिंहदरबारभित्रै चरम बेथिति, उपसचिवले पनि लिन्छन् मन्त्रीसरह इन्धन !

भाग- १२ : सरकारी सम्पत्तिमा खिया : वन विभागका ६० प्रतिशतभन्दा बढी गाडी कुहिएर उम्रियो झार !

भाग- ११ : प्रधानमन्त्रीकै वरिपरि अपारदर्शी कर्मचारी, २२ दिन कुराएर सूचना दिन कन्जुस्याइँ

भाग- १० : विद्युत् प्राधिकरणको गाडीमा मन्त्रीको रजाइँ, सचिवालयका २ सहित ४ गाडी मन्त्रीको प्रयोजनमा

भाग- ९ : सरकारी गाडीमा मन्त्रीका सल्लाहकारको रजाइँ- कसैलाई प्राडो, कसैलाई पजेरो !

भाग- ८ : उपराष्ट्रपतिकै प्रयोजनमा १० गाडी, फरक ब्राण्ड र समयमा किनिएका गाडीको मूल्य उही !​

भाग- ७ : मानव अधिकार आयोगमा गाडीको लश्कर, अध्यक्षभन्दा सदस्य चढ्छन् महंगो र नयाँ गाडी

भाग- ६ : सञ्चार मन्त्रालयका पाँच गाडी ‘पूल’मा, क–कसले लिन्छन् सवारी सुविधा ?

भाग- ५ : भूमि व्यवस्था मन्त्रीको सचिवालयलाई नै दुई गाडी, पाँचवटा बिग्रिएर प्रयोगविहीन !

भाग- ४ : यातायात मन्त्रालयका सचिवलाई सेतो र रातो प्लेटका दुई गाडी, एउटैको मूल्य करोडभन्दा बढी !

भाग- ३ : शहरी विकासमा मन्त्रीका आसेपासेको रजगज, सचिवलाई दिउँसो र बेलुका बेग्लाबेग्लै गाडी !

भाग- २ : महिला मन्त्रीलाई काठमाडौंभित्र र बाहिरलाई छुट्टाछुट्टै गाडी, उपसचिवलाई मन्त्रीसरह इन्धन !

भाग- १ : खेलकुद मन्त्रालयका सचिवलाई दुई विलासी गाडी, कार्यालय सहयोगीसम्मलाई सवारी सुविधा [विवरणसहित]

कमेन्ट गर्नुहोस्