विप्लवको दाबी : ‘भोजपुर घटनामा हाम्रो तर्फबाट गोली चलेको छैन’

फाइल फोटो

काठमाडौं – नेत्रविक्रम चन्द ‘विप्लव’ नेतृत्वको नेकपाले भोजपुरमा आफ्नो तर्फबाट गोली नचलेको दाबी गरेको छ । 

विप्लव नेतृत्वको उच्च स्रोतले लोकान्तरलाई आफ्नो तर्फबाट गोली नचलेको र युद्ध चाहने केही युद्धपिपासुहरूले घटना घटाएको पार्टीको हालसम्मको बुझाइ रहेको जनाएको हो ।


Advertisement

बुधवार बिहान भोजपुरमा भएको भिडन्तमा जिल्ला इन्चार्ज नीरकुमार राईसहित प्रहरी जवान सञ्जीव राईको मृत्यु भएको प्रहरी दाबी छ । घटनलगत्तै लोकान्तरसँग कुरा गर्दै प्रहरी महानिरीक्षक सचिवालयका एसपी रमेश थापाले २ जनाको मृत्यु भएको पुष्टि गरेका थिए ।

‘हाम्रो तर्फबाट गोली चलाउने कुनै नीति छैन,’ विप्लव नेतृत्वको उच्च स्रोतले लोकान्तरसँग भन्यो, ‘अहिले यहाँ युद्ध चाहनेहरूको भयंकर ठूलो योजना चलिरहेको छ, जसरी प्रहरीको ज्यान गएको भन्ने सञ्चारमाध्यममा आएको छ, त्यसको स्वतन्त्र पुष्टि हुनुपर्छ । हाम्रो तर्फबाट गोली चलेको छैन ।’  

भोजपुरमा भएको घटनालाई भिडन्त भन्न नमिल्ने विप्लव उच्च स्रोतको दाबी छ । ‘यसलाई भिडन्त भन्दैन । प्रहरीले घेराबन्दी गरेपछि हाम्रा नेता–कार्यकर्ताले आत्मरक्षाका लागि गोली चलाएको हुन सक्ने भएपनि त्यो सम्भावना देखिँदैन । प्रहरीमाथि आक्रमण गरेर आफ्नो जीवन सुरक्षा गर्ने भन्ने सर्कुलेसन हाम्रो पार्टीले कसैलाई पनि दिएको छैन,’ स्रोतले लोकान्तरसँग भन्यो । 

सादा पोशाकमा गएर गोली चलाउनु पनि प्रहरीको कारवाहीको ‘मोडालिटी’भित्र नपर्ने जिकिर विप्लव नेतृत्वको नेकपाको छ ।

कमेन्ट गर्नुहोस्