कात्तिक २०, २०८०
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
धनगढी – बर्सेनि डुबान समस्या झेल्दै आएका कैलालीको दक्षिण पूर्वी क्षेत्रका स्थानीय मनोवैज्ञानिक त्रासमा रहेका छन् ।
मुलुकका पूर्वी जिल्लामा बाढीले निकै धनजन क्षतिसहित बितण्डा मचाइरहँदा यता पनि कतिखेर के हुने हो भन्दै स्थानीयवासी मनोवैज्ञानिक त्रास व्यक्त गर्दै आएका हुन् ।
कैलालीमा मुख्यतः कर्णाली, मोहना, कन्द्रा, पथरैया, काँडा, खुटीया, घुरहा, कटैनी नदीमा आउने बाढीले बर्सेनि स्थानीयवासी डुबानको समस्या झेल्दै आएका छन् । चालू वर्षमा डुबानको समस्या अझै नआएपनि नदी हेरेरै बस्नुपर्ने अवस्था रहेको बताउँछन् भजनी नगरपालिका–२ मोहनपुरका स्थानीय गंगा चौधरी । गत वर्ष लगातार १ हप्ता डुबानमा परेको स्मरण गर्दै उनले बर्खाभर त्रास रहिरहने बताए।
भजनी नगरपालिकाको वडा नम्बर २, ३, ५, र ८ प्रभावित हुँदै आएको छ । जसमध्ये वडा नम्बर ८ को सोनाहाफाँटा, जनकपुुर, गोरचौरा, खैरा, काँढा ढिक अति नै जोखिमपूर्ण क्षेत्र हो । जहाँको बस्तीमा मोहना, कन्द्रा, पथरैया र काँढा गरी ४ नदीले एकैसाथ डुबान गर्दै आएको छ ।
भजनी नगरपालिका–८ सोनाहाफाँटाका स्थानीय जय ढुंगानाले नदीमा अझै बाढी नआएपनि मुलुकको पूर्वी जिल्लामा बाढीले पुर्याएको क्षतिले त्रास फैलिएको बताए । ‘पानी पर्ने बित्तिकै त्रसित हुन्छौं । नदीको पानीको बहाव हेरेरै बस्नुपर्ने विडम्बना छ । वर्षातभर यस्तै हो । उताको बाढीले गर्दा अगुल्टोले हानेको कुकुर बिजुली देखेर तर्सिन्छ भनेझै भएको छ,’ उनले भने ।
थोरै वर्षात्मा पनि जलमग्न हुुने दक्षिणी क्षेत्रमा डुबानको उच्च सम्भावना रहेपनि पूर्व तयारीको कार्य भने कुनै पनि निकायबाट नभएको स्थानीयको गुनासो छ । प्रभावित क्षेत्रमा स्वास्थ्य सम्बन्धी सचेतीकरण, बच्ने तरिका, यन्त्र उपकरण प्रयोग तथा वितरणमा हालसम्म कुनै पनि निकायले ध्यान नदिएको स्थानीय गंगा चौधरीले दुखेसो सुनाए ।
‘दुःखको कुरा, यहाँका सरकारी निकायहरू जब धनजनको क्षति हुन्छ, तब मात्रै उद्धारमा खटिने र चाउचाउ, बिस्कुट बाँड्ने प्रवृत्ति छ । बाढी नआउँदासम्म कानमा तेल हालेर बस्ने प्रवृत्ति छ,’ चौधरीले अगाडि थपे ।
पूर्व तयारीमा सरकारी निकायको उदासिनताबाट निराश भएका स्थानीय आफ्नै सक्रियतामा पुराना डुंगा मर्मत सम्भारमा जुटेका छन् । सोनाहाफाँटाका स्थानीय जय ढुंगानाले पुराना २ वटा काठको डुंगा मर्मत गरेको जानकारी दिए ।
तर भजनी नगरपालिकाका नगर प्रमुख शेरबहादुर चौधरीले आवश्यक सबै पूर्व तयारी भइसकेको दाबी गरे । जिल्ला प्रशासन कार्यालय कैलालीले समेत उच्च सतर्कता अपनाउन अपिल गरेको छ । साथै उद्धारको लागि तयारीमा अवस्थामा रहन सुरक्षाका तीनै अगंलाई निर्देशन दिइसकेको प्रमुख जिल्ला अधिकारी यज्ञराज बोहराले बताए । बाढीको पूर्व सूचना प्रणाली पनि तयारी अवस्था राखिएको उनको भनाई छ ।
सुदूरपश्चिम प्रदेश सरकारले सबै निकायलाई तयारी अवस्थामा रहन निर्देशन दिएको छ । सरकारको प्रदेश विपद् व्यवस्थापन परिषद्को हालैको बैठकले सो निर्देशन दिएको हो ।
गत वर्ष जिल्लाको टीकापुर नगरपालिका, लम्की चुहा नगरपालिका, भजनी नगरपालिका, जानकी गाउँपालिकाको पूरै क्षेत्र डुबानमा परेको थियो । भजनी नगरपालिकामा मात्रै १ हजार बढी घरपरिवार विस्थापित भएका थिए । विस्थापितहरू हुलाकी राजमार्गमा आश्रय लिन बाध्य भएका थिए ।
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...