मनपरी भाडा असुल्दा उपभोक्ता मारमा

काठमाडौँ - यातायात व्यवसायीले मनपरि भाडा असुल्दा उपभोक्ता मारमा परेका छन् । धादिङबेँसी–टारीबँेसीसम्मको यात्रुले रु २ सय भाडा तिर्ने गरेका छन् ।

महँगो भाडा घटाउन माग गर्दा यात्रुले उल्टै हप्काइ खानुपरेको छ । धेरै पटक भाडा बढी भयो भनेर गुनासो गर्दा बसबाट निकालेको ज्यामरुङकी यमकुमारी इटनीले सुनाइन् ।


Advertisement

यहाँको नागरिक समाजका प्रतिनिधिले यातायात क्षेत्रको बेथिति अन्त्य गर्न जिल्ला प्रशासन कार्यालयसँग माग गर्दै आएका छन् । धादिङबेँसीस्थित विभिन्न यातायात समितिले अपाङ्गता भएका, ज्येष्ठ नागरिक र विद्यार्थीलाई सहुलियत नदिएको यात्रुको गुनासो छ ।

उनीहरुले सहुलियतको टिकट सकिएको जवाफ दिने गरेका छन् । 'भाडा असुल्न पन्छाउने गरेको पाइएको छ,' अधिकारकर्मी राजु रेग्मी बताउँछन् ।

प्रति व्यक्ति रु १ सय ८५ भाडादर भएको काठमाडौँका लागि अपाङ्गता भएका यात्रुबाट रु १ सय ५० लिने गरेको पाइन्छ । एउटा बसमा एउटा यात्रुलाई छुट दिएपछि अरुलाई नदिने नियम उनीहरुले बनाएका छन् । कालोपत्रे गरिएको सडकको भाडादर घटाउन आग्रह गर्दा यात्रुलाई दुव्र्यवहार गर्ने गरिएको छ ।

विसं २०७६ असार १ देखि लागू हुने गरी २०७६ जेठ ३० गते यातायात व्यवस्था विभागले कोलोपत्रे सडकमा प्रतिकिलोमिटर दुई रुपैयाँ ५१ पैसा भाडादर निर्धारण गरिएको थियो ।

धादिङबेँसीदेखि टारीबँेसीसम्म प्रतिकिलोमिटर रु सात रुपैयाँ ५० पैसा भाडा लिने गरेको यात्रुको गुनासो छ ।

 

कमेन्ट गर्नुहोस्