कात्तिक २२, २०८०
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
भदौ ५, २०७६
जनकपुरधाम – राष्ट्रिय जनता पार्टी (राजपा) नेपालले २ नम्बर प्रदेश राजधानीको प्रस्तावबारे निर्णय गरेको छ ।
बुधवार साँझ बसेको संसदीय दलको बैठकले प्रदेशको स्थायी राजधानी जनकपुरधाम राख्ने निर्णय गरेको छ । तर जनकपुरधामको चार किल्ला पनि तोकिएको राजपाका प्रमुख सचेतक परमेश्वर साहले बताए ।
फागुन महिनामा गरिने मिथिला माध्यमिकी परिक्रमाको सबै क्षेत्र र धनुषा पूरै जिल्लाका भूभागलाई राजधानीको रुपमा प्रस्ताव गर्ने राजपा संसदीय दलको बैठकबाट निर्णय गरिएको प्रमुख सचेतक साहले बताए । ‘मात्र जनकपुर भनेर हुन्न जनकपुरको सीमा पनि हामीले तोकेका छौं,’ उनले भने, ‘अन्य क्षेत्रको पनि विकास हुन सकोस् भन्ने सोचेर राजधानीको नाम जनकपुर नै रहने तर त्यसको सीमा पनि परिभाषित गरिएको छ ।’
१५ दिनेसम्म चल्ने माध्यमिकी परिक्रमाका क्रममा नेपाल र भारतको समेत भूभागमा परिक्रमा गर्ने गरिन्छ । त्यसअन्तर्गत महोत्तरी जिल्लाको मटिहानी नगरपालिका, जलेश्वर नगरपालिका र भंगहा नगरपालिकासँगै धनुषाका समेत विभिन्न स्थानीय तह पर्ने गर्छन् ।
राजपाको प्रस्ताव अनुसार नै प्रदेश सभाबाट निर्णय भएमा प्रदेश राजधानी धनुषा जिल्लाको पूरै भूभाग र मिथिला माध्यमिकी परिक्रमा अन्तर्गत महोत्तरीका भूभाग समेत राजधानी अन्तर्गत पर्नेछ ।
हालको अस्थायी राजधानी जनकपुरधाम धनुषाको सदरमुकाम समेत हो । जनकपुरधाम उपमहानगरपालिका अन्तर्गत २५ वटा वडा छन् । साविकमा नगरपालिका मात्र हुँदा १६ वटा वडा थिए ।
राजपाले प्रदेशको नाम ‘मधेश प्रदेश’ नै राख्ने समेत निर्णय भएको प्रमुख सचेतक साहले बताए । राजपाले प्रदेशको नाम र राजधानीबारे निर्णय गरेपनि सत्तारुढ समाजवादी पार्टी नेपालको बिहीवार बस्ने संसदीय दलको बैठकबाट निर्णय हुने जनाइएको छ । दुवै दलले गरेको निर्णय अनुसार सरकारको तर्फबाट संयुक्त रुपमा एकै प्रस्ताव प्रदेश सभामा दर्ता गर्ने तयारी गरिएको उनले बताए ।
प्रतिपक्षी पार्टीका संसदीय दलका बैठक पनि बस्दैछन् । प्रतिपक्षी दल नेपाली कांग्रेस पनि संसदीय दलको बैठक बस्दैछन् । मंगलवार प्रदेशको नाम र राजधानीका विषयमा कांग्रेस संसदीय दलको बैठक बसेको थियो । त्यसमा केही सांसदले बोल्न बाँकी नै रहेको कारण बिहीवार बस्ने बैठकबाट निर्णय हुने कांग्रेस संसदीय दलका नेता रामसरोज यादवले बताए ।
नेकपा संसदीय दलको बैठक बसेर समेत पार्टीले आधिकारिक निर्णय गर्नेछ । भदौ ३ गते नेकपाका अध्यक्ष पुष्पकमल दाहाल ‘प्रचण्ड’ र पूर्व प्रधानमन्त्री माधवकुमार नेपाल जनकपुर आउँदा उनको उपस्थितिमै नेकपाको संसदीय दलको बैठक बसेको थियो तर बैठकमा नाम र राजधानीबारे निर्णय हुन सकेन ।
बिहीवार बस्ने बैठकबाट नाम र राजधानीबारे निर्णय हुने नेकपा सांसद रामचन्द्र मण्डलले बताए ।
प्रदेश सभामा राजनीतिक दल वा प्रदेशसभा सदस्यले आफ्नो प्रस्ताव दर्ता गराउने म्याद बिहीवार ५ बजेसम्म रहेको छ ।
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...