हुन्डाइ भेन्यूको टेस्ट ड्राइभ : चालक भन्छन्- गज्जब छ

काठमाडौं- लक्ष्मी इन्टरकन्टिनेन्टलले हुन्डाईको नयाँ मोडल 'हुन्डाई भेन्यू'को शनिवार मिडिया टेस्ट ड्राइभ गरेको छ ।

राजधानीको गोकर्ण रिसोर्टमा पत्रकार तथा व्यवसायीहरूले हुन्डाईको भेन्यू मोडलका ३ वटा गाडीको टेष्ट ड्राइभ गरेका हुन् ।


Advertisement

‘कप्पा डुअल भीटीभीटीको मलाई गज्जब लाग्यो । किनकी यसभन्दा अगाडि मैले आई १० चलाइराखेको थिएँ । नेपाली बजारको अवस्थालाई हेर्दा ग्राउण्ड क्लियरेन्स पनि गज्जब लाग्यो,’ टेष्ट ड्राइभ गरेका सोभित थपलियाले भने ।

उनले थपे, 'नेपालको अफ रोडका लागि यो गाडी उपयुक्त लाग्यो मलाई । अब मैले पुरानो गाडी एक्चेन्ज गरेर यही गाडी किन्ने सोच बनाएको छु ।’

नेपालमा भित्रिएका १.२ पेट्रोल इन्जिजिन कप्पा डुअल भीटीभीटी, १.४ लिटर डिजल इन्जिन यू २ सीआरडीआई र १.० टर्बो पेट्रोल इन्जिन कप्पा डुअल भीटीभीटी छन् ।

यी गाडी नेपालमा भदौ ५ गते  सार्वजनिक गरिएको थियो । बिहीवार राजधानीमा एक कार्यक्रम आयोजना गरी कम्पनीले उक्त मोडेल सार्वजनिक गरेको थियो ।

हुन्डाइको ३ मोडलका गाडी

विभिन्न ३ वटा इन्जिन अप्सनमा उपलब्ध भेन्यूले नेपाली बजारमा बलियो उपस्थिति जनाउने कम्पनीले विश्वास लिएको हुन्डाइका थापाथली म्यानेजर दिवाकर रेग्मीले बताए ।

विभिन्न मोडलमध्ये १.२ पेट्रोल इन्जिजिन कप्पा डुअल भीटीभीटी टेक्नोलोजीमा उपलब्ध छ । जसको पावर ८.३ पीएस र ६००० आरपीएम पावर छ । 

त्यस्तै १.४ लिटर डिजल इन्जिन यू २ सीआरडीआईको पावर ९० पीएस र ४००० आरपीएम छ । त्यस्तै १.० टर्बो पेट्रोल इन्जिन कप्पा डुअल भीटीभीटी टेक्नोलोजीको पावर भने १२० पीएस र ६००० आरपीएममा उपलब्ध छ ।

कति छ मूल्य ?

हुन्डाई ग्राण्ड आई १० नियोस भारतमा सार्वजनिक, मूल्य ५ लाख भारु, नेपालमा २ महिनापछि पाइनेछ ।

हुन्डाई भेन्यूले ७ स्पीड डीसीटीमा उपलब्ध समेत गराउने कम्पनीले जानकारी दिएको छ । 

हुन्डाई भेन्यू स्मार्ट इलेक्ट्रिक सन रुफ, आकर्षक क्रोमयुक्त फ्रन्ट ग्रिल तथा स्पोर्टी रुफ रेलले सु–सज्जित छ ।

जसको आर १६ डाइमन्ड कट एलोइ पांग्रा तथा हिल एसिस्ट कन्ट्रोलले नौलो र उत्साहजनक सवारी अनुभव दिने कम्पनीले दाबी गरेको छ ।

भेन्यूमा बत्तीहरूको जडान सुन्दर तथा आधुनिक रूपमा गरिएको छ । जसमा कर्नरिङ लाइट, प्रोजेक्टर फग लाइट तथा क्रिस्टल इफेक्ट सहितको लेड लाइट समेत छ ।

भेन्यूमा नवीनतम विशेषतामा रियोस्टयाट सहितको एड्भान्स सुपरभिजन क्लसटर, ड्राइभर रेर भ्यू मिरिर, भेहिकल स्टेबिलिटी म्यानेजमेन्ट तथा इलेक्ट्रोनिक स्टेबिलिटी कन्ट्रोल राखिएको छ । साथै मोडलमा वायरलेस फोन चार्जर, क्रेज कन्ट्रोल, टेलेमेटिक्स सहितको २०.३२ सेन्टिमिटरको एचडी डिस्प्ले, एअर प्युरिफायर तथा रियर ए सिभेन्ट छ ।

भेन्यूको नयाँ मोडलका लागि कम्पनीले नेपाली बजारका लागि ३४ लाख ९६ हजार रुपैयाँदेखि ५६ लाख ९६ हजार रुपैयाँसम्म मूल्य तोकेको छ । साथै कम्पनीले दशैंको अवसरमा १ लाख ३० हजार रुपैयाँसम्मको छुट दिने समेत बताएको छ । साथै अन्य आकर्षक उपहारको समेत व्यवस्था गरेको कम्पनीले जानकारी दिएको छ ।

 

 


 

कमेन्ट गर्नुहोस्