×

NMB BANK
NIC ASIA

विकासमा ढिलासुस्ती

बोलीमा ‘फास्ट’ काम सुस्त : प्रधानमन्त्रीले शिलान्यास गरेको ७ महिनासम्म काम अलपत्र

भदौ २०, २०७६

NTC
Sarbottam
Premier Steels
Marvel

बुटवल – ठूलो तामझामका साथ बुटवल–नारायणगढ सडक विस्तार गर्ने कार्य शिलान्यास भएको झण्डै ७ महिना पुग्न लाग्दा समेत निर्माण शुरू हुन सकेको छैन । 

Sagarmatha Cement
Muktinath Bank

‘फास्ट ट्रयाक’मा काम गरिने भन्दै गएको चैत ८ गते प्रधानमन्त्री केपी शर्मा ओलीले सडक विस्तार कार्यको बुटवलमा शिलान्यास गरेका थिए ।


Advertisment
RMC TANSEN
IME BANK INNEWS
shivam ISLAND

‘एक्सप्रेस हाइवे’को रूपमा विकास गर्ने गरी शिलान्यास गरिएको सडक ७ महिना पुग्नलाग्दा समेत कामको सुरसार नहुँदा आयोजना समयमै सम्पन्न हुनेमा आंशका शुरू भइसकेको छ । 


Advertisment
Nabil box
Kumari

सडक शिलान्यास भएपछि स्थानीय उद्योगी, व्यवसायी र सर्वसाधारण उत्साहित भएका थिए तर हालसम्म पनि काम शुरू नहुँदा निराश भएका छन् । 

Vianet communication
Laxmi Bank

साढे ३ वर्षमा सम्पन्न गर्ने गरी सम्झौता भएको आयोजनामा यतिधेरै समय काम नहुँदा निर्धारित मितिमै सकिएला भन्नेमा ढुक्क हुने ठाउँ देखिँदैन ।

ठेकेदारले अझै पनि कार्यस्थलमा निर्माण सामग्री र उपकरण ल्याइसकेको छैन । निर्माणका उपकरण पाकिस्तानबाट नेपाल ल्याउने प्रक्रिया बल्ल शुरू भएको आयोजना बताउँछ । निर्माण सामग्री आउन अझै १ महिना लाग्ने बताइएको छ । 

सडक विभाग आयोजना निर्देशनालयका उपआयोजना निर्देशक सागर पौडेलले दशैंतिहारपछि मात्र भौतिक निर्माणको काम शुरू हुने बताए । ‘हामी अन्य कामको प्रक्रियामा छौं,’ पौडेलले भने, ‘ठूला आयोजना शिलान्यास भएको भोलिपल्टैबाट डोजरले खन्न शुरू गर्न सकिँदैन,’ उनले भने, ‘रूख कटानको लागि वन मन्त्रालयमा प्रक्रिया अगाडि बढेको छ । सडकको दायाँबायाँ रहेका विद्युतीय पोल हटाउन विद्युत् प्राधिकरणसँग छलफल भइरहेको छ । भौतिक निर्माण काम मनसुन बसेपछि सम्भवतः दशैंतिहारपछि शुरू होला ।’

सडक निर्माणको पूर्व तयारी पूरा नहुँदै शिलान्यास गर्न मात्रै हतार भएको देखिएको छ । आयोजना हालसम्म सडक निर्माण पूर्वका तयारीमै अल्झिएको छ । ११४ किलोमिटर सडक २ भागमा विभाजन गरी काम गर्ने भनिएको छ । गैडाकोटदेखि दाउन्ने र दाउन्नेदेखि बुटवलसम्म कामलाई २ भागमा विभाजन गरिएको छ । एउटै प्याकेजमा काम गर्दा निर्माण कार्य ढिलो हुने भन्दै २ वटा खण्ड बनाएको छ तर काम शुरू गर्न नै ढिलाइ भइरहेको छ ।

पूर्वी खण्डको कार्यालय नवलपुर जिल्लाको रजहरमा छ भने पश्चिमी खण्डको कार्यालय पश्चिम नवलपरासीको भूमहीमा छ । सडक गण्डकी र ५ नम्बर प्रदेशको मुख्य राजमार्गमा पर्ने महत्त्वपूर्ण सडक हो ।

रूख गणना गर्न नै लाग्यो साढे ४ महिना

सडक विस्तार गर्ने क्षेत्रमा बस्ती र घना जंगल पनि छ । सडक विस्तार गर्दा काट्नुपर्ने रूख गणना गर्न नै आयोजनाले साढे ४ महिना लगाइदियो । गएको बैशाखबाट रुख गणना थालिएको थियो ।

आयोजनाका डेपुटी टीम लिडर इन्जिनियर अयोध्याप्रसाद श्रेष्ठले सडक विस्तार गर्ने क्षेत्रका रूख गणना गर्न नै झण्डै साढे ४ महिना खर्चिनुपरेको बताए । इन्जिनियर श्रेष्ठले भने, ‘हामी बल्ल रूख गणना गरेर सकेका छौं । यहाँ झण्डै ५४ हजार रूख कटान गर्नुपर्ने अवस्थामा देखिए । अब वन विभागबाट स्वीकृत आएपछि रूख काट्न शुरू गर्छाैं । रूख कटान सकेपछि हामीहरू विद्युत्का पोल हटाउँछौं ।’ 

२०१८ सालमा राजा महेन्द्रले शिलान्यास गरेको सडक ५७ वर्षपछि बस्तीमा ४ र जंगलमा ‘सिक्स लेन’ ४ लेनमा विस्तार गर्न शुरू गरिएको थियो । यो सडक २८ किलोमिटर ‘सिक्स लेन’ बन्नेछ भने बाँकी ‘फोर लेन’ ।

हाल सडक २ लेनको छ । पूर्वपश्चिम राजमार्गको १ हजार २७ किलोमिटर सडकखण्ड मध्येमा पर्छ । सडक एसियाली विकास बैंकको ऋण सहयोगमा बन्न लागेको हो । सडकको ठेक्का चाइना स्टेट कन्सट्रक्सनले पाएको छ । 

नारायणगढ–दाउन्ने ६५ किलोमिटर र दोस्रो प्याकेज दाउन्ने–बुटवल ४९ किलोमिटरमा बन्नेछ । सडक निर्माणको पहल नेकपा महासचिव तथा पूर्व अर्थमन्त्री विष्णु पौडेलको पहलमा भएको हो । सरकारले पूर्वपश्चिम राजमार्गलाई ४ लेनमा विस्तार गर्ने बताएको छ । बढ्दो सवारीसाधनको चापसँगै सडक पनि साघुरो हुँदै गएको थियो ।

१५ अर्ब रूपैयाँ लागत

सडक आयोजनाको कूल लागत १५ अर्ब रूपैयाँ रहेको छ । जसमध्ये एडीबीले ८५ प्रतिशत रकम ऋण उपलब्ध गराउने छ । बाँकी थप रकम नेपाल सरकारकै हुनेछ । एडीबीले नेपाल सरकारलाई १.५ प्रतिशत ब्याजदरमा ऋण उपलब्ध गराएको आयोजनाको भनाइ छ । 

निर्माण सम्पन्न भएपछि पनि ४ वर्षसम्म सडकको मर्मत सम्भारको काम चाइना स्टेट कन्सट्रक्सनले नै गर्नुपर्ने सम्झौतामा उल्लेख छ । 

समयमै सम्पन्न हुनेमा आशंका

सडक पनि देशका अन्य महत्त्वपूर्ण आयोजना निर्माणमा भएको ढिलाइजस्तै समयमा सम्पन्न नहुने देखिन्छ । शिलान्यास भएको मितिले साढे ३ वर्षमा सम्पन्न गर्ने सम्झौतामा उल्लेख छ । २०८० साउन २२ गतेसम्म निर्माण सकिसक्नुपर्ने सम्झौतामा उल्लेख छ । आयोजनाको ठेक्का गत वर्ष पुस ४ गते भएको थियो । 

सडक नवलपरासीको दाउन्नेको पहाडमा ३ लेनको हुनेछ । बर्दघाटको प्रतिक्षालयदेखि दुम्कीबाससम्म १४ किलोमिटरको सडक अप्ठ्यारो ठाउँ भएकाले त्यहाँ ३ लेनको हुने पौडेलले बताए । पहाड चढ्ने गाडीले २ लेन प्रयोग गर्छन् । झर्ने गाडीले १ लेन प्रयोग गरेर झर्छन् । ४ लेन बनाउँदा लागत पनि बढी लाग्ने र बनाउन पनि जोखिम भएकाले ३ लेनको बनाइने आयोजनाको भनाइ छ ।

२१ वटा पुल पनि बन्ने

सडक खण्ड विस्तारसँगै २१ वटा नयाँ पुल पनि बन्ने भएका छन् । हाल पुल भएको ठाउँमा दायाँबायाँ गरी २१ वटा साना ठूला पुल पनि बनाउनुपर्ने छ । जसले यात्रुलाई मात्रै सहज हुने छैन, राजमार्ग क्षेत्रमा शहरी सौन्दर्य पनि बढ्नेछ । यसअनुसार बस्ती क्षेत्रमा सडक २७ मिटरसम्म फराकिलो हुनेछ । अन्य क्षेत्रमा भने २२ मिटर ओगट्ने छ । सडकका दायाँबायाँ १.५/१.५ मिटरको सोल्जर पनि बनाइने छ ।

सडकले ३ जिल्ला छुनेछ । रूपन्देही, पश्चिम नवलपरासी र नवलपुरमा पर्छ । नेपालका तत्कालीन राजा महेन्द्र वीर विक्रम शाह २०१८ सालमा नवलपरासीको गैंडाकोटमा उनले ‘महेन्द्र राजमार्ग’ शिलान्यास गरेका थिए ।

hAMROPATRO BELOW NEWS
TATA Below
कात्तिक १५, २०८०

बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...

कात्तिक २७, २०८०

उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् ।  पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...

कात्तिक २२, २०८०

पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...

कात्तिक १७, २०८०

 काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ ।  सामाजिक सञ्जालबाट ‘कल गर्ल’ उपल...

कात्तिक २१, २०८०

भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...

कात्तिक २१, २०८०

पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x