कात्तिक २०, २०८०
इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...
काठमाडौं– नेपालको लागि टीभीएस टू–ह्वीलर्सको एक मात्र आधिकारिक वितरक जगदम्बा मोटर्स प्रा.लि.ले स्वास्थ्यका लागि रमाइलो “टीभीएस दशैंको दौड” कार्यक्रम सम्पन्न गरेको छ । ‘स्वास्थ्यका लागि दौड’ भन्ने मुल नारा सहित शनिवार (आज) दौड प्रतियोगिता आयोजना गरिएको हो ।
टिभिएसको उपभोक्ता प्रवद्र्धन गर्ने उद्देश्यले उक्त दौड प्रतियोगिता आयोजना गरिएको कम्पनीले जनाएको छ । दौडका लागि कम्पनीले टीभीएस शोरुममा नगइकनै वा टीभीएस बाइक नकिनी पनि सहभागी बन्न पाइने गजबको अफर प्रस्तुत गरेको थियो ।
देशका विभिन्न भागहरुमा यस प्रकारको दौड संचालन गर्ने लक्ष्य बोकेको जगदम्बा मोटर्सले आज काठमाडौंमा पहिलो पटक यो “टीभीएस दशैंको दौड” अन्तर्गतको म्याराथन दौडको आयोजना गरेको हो ।
विहान ८ बजेदेखि शुरूभएको दौडमा नेपाल सरकारका खेलकुदमन्त्री जगत बहादुर बिश्वकर्मा, चर्चित नायक निखिल उप्रेती, प्रदिप खड्का, म्यारथन धावक वैकुण्ठ मानन्धर र महिला म्याराथन धावक मिरा राई सहभागी थिए ।
कार्यक्रममा बोल्दै मन्त्री बिश्वकर्माले निजी संस्थाहरुले खेलकुद र स्वास्थ्यको क्षेत्रमा गरेको कार्य प्रशंसनीय भएको बताए । खेलकुद स्वास्थ्यको लागि महत्वपूर्ण भएको उल्लेख गर्दै उनले मौसमले पनि साथ दिने भएकाले नेपालमा खेलकुदको क्षेत्रमा उल्लेखनीय भुमिका खेल्न सकिने बताए ।
समाज विभिन्न रोगले ग्रसित भएको अवस्थामा स्वस्थ रहनको लागि खेलकुद महत्वपुर्ण हुने उनको भनाई छ ।
त्यस्तै कार्यक्रममा बोल्दै नायक निखिल उप्रेतीले बाइकको कम्पनीले गुड्नुपर्छ नभनेर स्वास्थ्यको लागि दौडिनुपर्छ भनेकोमा खुसी लागेको बताए । त्यस्तै म्याराथन धावक वैकुण्ठ मानन्धरले दौडमा महिलाहरुको उल्लेखनीय उपस्थिति रहेको भन्दै खुसी व्यक्त गरे ।
कार्यक्रम महिला म्याराथन धावक मिरा राईले पनि महिलाहरुको उपस्थिति देखेर आफुलाई खुसी लागेको बताइन् । कायैक्रममा बोल्दै उनले आगामी दिनमा महिलाहरुलाई लक्षित गरेर दौड प्रतियोगिता राख्न उनले आग्रह गरिन् ।
रमाइलो दौडको विषयमा प्रकाश पार्दै कम्पनीका उपाध्यक्ष दीपक अग्रवालले दशैंको चहलपहलले छोइसकेको र त्यसलाई अझ रमाइलो बनाउन ग्राहकहरु समक्ष ल्याएको “टीभीएस दशैंको दौड” प्रति उपभोक्ताहरुले उत्साहजनक रुची दर्शाएकोमा प्रभावित भएको बताए ।
‘यसै योजना मातहतको एक रमाइलो दौडलाई हामीले स्वास्थ्यका लागि रमाइलो दौड भन्ने नाराका साथ आयोजना गरेका हौँ,’ उनले भने ।
दौडमा ६०० जना प्रतियोगी सहभागी भएका थिए । सहभागी प्रतियोगीहरु मध्येका एक बालकले पनि उक्त दुरी पार गरेका छन् । ५ वर्षका नेविस रौनियारले उक्त दुरी अन्य प्रतिस्पर्धी झैँ पार गरेका हुन् ।
रमाइलो दौड नक्साल बालमन्दिरबाट शुरूभई सिटी सेन्टर, पुतलीसडक, भृकुटी मण्डप, भद्रकाली, माइतीघर, थापाथली, त्रिपुरेश्वर, सुन्धारा, दरबारमार्ग, नागपोखरी हुँदै टीभीएस शोरुम नक्सालमा पुगी समापन भएको थियो ।
सबै उमेर सबै समुहका व्यक्तिहरुले भाग लिन सक्ने गरि खुलाइएको रमाइलो दौडमा सहभागी हुन साना बालक देखि वृद्धसम्मको उपस्थिती रहेको थियो ।
दौडमा नेपाल आर्मी क्लवका हरी रिमाल प्रथम, नेपाल आर्मीकै दिपक अधिकारी द्वितीय र नेपाल आर्मीकै गजेन्द्र राईले तृतीय स्थान हाँसिल गरे । दौडमा प्रथम भएका रिमालले ६ किलोमिटर दुरी २६ मिनेट २९ सेकेन्ड ८१ मिलिसेकेण्डमा पार गरेका थिए । त्यस्तै द्वितीय भएका अधिकारीले पनि उक्त दुरी २६ मिनेट ३० सेकेण्ड ८५ मिलिसेकेण्डमा पार गरे । त्यस्तै तृतीय स्थान हुन सफल राईले उक्त दुरी २६ मिनेट ३५ सेकेण्ड ८५ मिलिसेकेण्डमा पार गरेका थिए।
विजेताहरुलाई क्रमशः प्रथम हुनेले रु ५० हजार, द्वितीयलाई रु २५ हजार र तृतीय हुनेलाई रु १५ हजार बराबरको चेकसहित कप प्रदान गरिएको थियो ।
काठमाडौंमा मात्र नभएर जगदम्बा मोटर्स प्रालीले आगामी शनिवार देशका ७० ठाउँमा मिनि म्याराथुन दौडको कार्यक्रम गर्दैछ ।तस्विर : सुरेन्द्र श्रेष्ठ
इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...
फाइनलअघि १० खेलमा १० जीत, व्यक्तिगततर्फ सर्वाधिक रन (विराट कोहली- ७६५), अनि सर्वाधिक विकेट (मोहम्मद शमी- २४) को बलमा तेस्रोपटक विश्वकप विजेता बन्ने भारतको सपना सपनामै सीमित रहन पुगेको छ । अहमदावादस्थित नर...
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...
राष्ट्रिय खेलकुद परिषद्का पूर्व सदस्य सचिव युवराज लामाले खेलकुद मेडल जित्नको लागि मात्रै नभएर राष्ट्र र राष्ट्रियताको लागि पनि हुनुपर्ने बताएका छन् । जापान गोजुरियो कराँते डो. मिसन संघ नेपाल केन्द्रीय समितिले ...
आईसिसी एकदिवसीय क्रिकेट विश्वकप फेरि एक पटक अष्ट्रेलियाले जितेको छ । यससँगै घरेली मैदानमा उपाधि जित्ने भारतको सपना चकनाचुर बनेको छ । अष्ट्रेलियाले आज अहमदाबादमा भएको फाइनलमा भारतलाई छ विकेटले पर...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...