काठमाडौं – यस वर्ष नेपाल सहित विश्वका विभिन्न भागमा डेंगुका कारण भयावह स्थिति देखिएको छ । 

बढ्दो तापक्रम र बचाउको पर्याप्त उपायको अभावका कारण डेंगु बढेको विशेषज्ञहरूको भनाइ छ । 

वैज्ञानिकहरूको एक समूहले लामखुट्टेजनित रोगमध्ये एक डेंगुबाट बच्नका लागि डेंगुप्रतिरोधी लामखुट्टे जन्माउनका लागि अनुसन्धान गरिरहेका छन् । यसका लागि नौवटा देशमा परीक्षण गरिएको छ र त्यसको परिणाम पनि राम्रो आएको छ । 

लामखुट्टेजन्य रोगसँग डील गर्नका लागि वैज्ञानिकहरू वर्ल्ड मस्क्विटो प्रोग्रामअन्तर्गत काम गरिरहेका छन् । डेंगु फैलाउने भाले र पोथी लामखुट्टेलाई जंगलबाट छाड्नुअघि रोगप्रतिरोधक ब्याक्टेरिया भोल्बाचियाले संक्रमित गराइएको छ । केही हप्तामा मात्र ती भालेपोथीबाट जन्मेका शिशु लामखुट्टे भोल्बाचिया ब्याक्टेरियाका साथ जन्मिन्छन् र रोगप्रतिरोधकका रूपमा काम गर्छन् । यसले डेंगु मात्र नभई चिकनगुनिया र येल्लो फिभर जस्ता रोगबाट पनि बचाउनेछ । 

अस्ट्रेलिया र दक्षिणी भियतनाममा यो परीक्षण सफल भएको छ । 

विश्व स्वास्थ्य संगठनको प्रतिवेदन अनुसार, यस वर्ष दक्षिणपूर्वी एसियामा डेंगुका ६ लाख ७० हजार घटना सार्वजनिक भए । त्यसमा १८ जनाको मृत्यु भयो । विशेषज्ञहरूका अनुसार, यस वर्षको स्थिति अत्यन्तै खराब थियो । 

डेंगुको मुख्य कारण उच्च तापक्रम हो । संसारभरि जुलाईको महिना अत्यन्तै तातो रह्यो । 

वैज्ञानिकहरूले सन् १९२० मा भोल्बाचिया ब्याक्टेरिया हार्वर्ड विश्वविद्यालयको नालीमा भेटिएका लामखुट्टेमा भेटेका थिए । सिंगापुर र मलेसियामा अहिले पुरुष लामखुट्टेमा भोल्बाचिया ब्याक्टेरिया उपयोग गरिएको छ ।

एजेन्सी