असोज ३, २०८०
त्यो शिक्षकले पढायो, नेता बन्न सिकायो र त आज देशको बागडोर चलाइरहेका छौ । त्यो शिक्षकले पढायो, कर्मचारी बन्न सिकायो र त आज देशको प्रशासन चलाइरहेका छौ । त्यो शिक्षकले पढायो, डाक्टर बन्न सिकायो र त आज हजारौ...
अन्तर्राष्ट्रिय नेपाली साहित्य समाज (अनेसास) ले आफ्नो सम्पर्क-सञ्जाललाई संसारैभर फैलाएको छ, फैलाउँदो छ । पेशा, लगानी, रोजगारी वा पढाइ जे-जस्तो प्रयोजनका लागि भए पनि देश छोडेर परदेश गएका नेपाली (र नेपालीभाषीहरू) फुर्सदको सीमित समयको उपयोग गर्दै राष्ट्रिय वाङ्मयमा योगदान पुग्ने थरी-थरीका कार्य गर्छन् । रुचि अनुसारका संघ, समूह र जमात बनाई तिनलाई कृयाशील तुल्याउन आ-आफ्ना श्रम,साधन लगाउँछन् । भेला, मेलाहरूको आयोजना गरी तिनबाट नेपाली मन औ नेपालीपनको अभिव्यक्ति गराउँछन् । देश-काल-परिस्थितिले अर्को मुलुकको राहदानी प्रयोग गर्नुपरे तापनि नेपालीभाषीहरू हाँसी-हाँसी आफ्नो जन्मथलो, मूलथलोका मौलिकता चिनारी गराउँदै हिंड्न रमाएका हुन्छन् ; देखिन्छन् ।
साहित्यिक जमघट र प्रकाशनहरूले यसै परिचय पक्षलाई अनुभूत गराउँछन् । यसमा अन्य कतिपय संस्था र संगठनमा झैं दलगत,जातिगत साँगुरा सोचहरूले डेरा जमाउन पाएका हुँदैनन् । साहित्यको फराकिलो फाँटमा सबैतिरका सिर्जनशीलता अटाउने हुनाले होला, साहित्यिक संस्थालाई यस्ता कुराले त्यतिसाह्रो असर पार्दो रहेनछ । साहित्यको संसार त्यसै पनि उन्मुक्त, उज्यालो , हितकारी र मनकारी ।
‘प्रवासका जूनहरू’ २५ वटा मीठ पद्य रचनाको सँगालोलाई यसै परिवेशमा हेर्न सकिन्छ । र, यसमा समेटिएका महेश्वर शर्माका उद्गार तथा अभिव्यक्तिलाई स्वदेशप्रति परदेशका बासिन्दा हुन पुगेका नेपालीहरूको आस्था र मायाको झलक दिने प्रतिनिधि पात्रका भावनाको पुञ्ज मानिदिए फरक पर्दैन । पुरानो बस्ती, भानुभक्त संझना , झण्डा बोकेर , घर फर्किन्छु आमा, देश र दशैं जस्ता शीर्षकमुनि छचल्किएका भावोद्गार यस प्रसङ्का दृष्टान्त हुन् । स्याङ्जा (पाखुरे) मा जन्मेका र भगवान् बुध्दको मावली गाउँ देवदहमा हुर्केका शर्माको कर्मथलो यतिखेर अष्ट्रेलियाको न्यू साउथ वेल्स (NSW) प्रदेश भएको छ । शर्मा सिड्नी शरहरका सामान्य बासिन्दाहरूको साहित्य सेवामा खट्न रुचाउने युवक हुन् । साहित्यक रुचिमा रमाउने शर्मालाई यसबीच साथी, दौंतरीहरूले अर्को जिम्मेवारी पनि लिन प्रेरित गरेछन्---अनेसास NSW च्याप्टरको अध्यक्ष भएर । उनी पनि देशप्रेमी, साहित्यप्रेमीहरू भेला गराएर भानु जयन्ती मनाउन पाउँदा, महाकवि देवकोटाका रचना वाचन गराउँदा खुबै रमाउँछन् । त्यसलाई विशेष काम गरें भन्ने उनलाई लाग्दैन ।
नेपाली जन-जिब्रोले सहज समातेको भाषामा तोतेबोली नै सही बोल्न जान्ने, हौसिनेहरूलाई थप हौसला दिने माध्यम बन्न सकेकोमा नै शर्मालाई गर्व छ । त्यसैगरी, साहित्य र संस्कृतिका विधामा सुपरिचित व्यक्तित्वहरूलाई अनेसासको आँगनमा डाकेर स-सम्मान प्रोत्साहनका शब्दहरू बोल्न लगाएर सुन्ने अवसर पाउँदा शर्माको टोलीलाई ठूलो सन्तोष हुँदो रहेछ । जीवननिर्वाहको लागि नित्य कडा परिश्रममा जुट्नु पर्ने शर्मा र समवयी तन्नेरीका हातगोडाले त्यसै पनि आरामको लागि साह्रै सीमित समय पाएका हुन्छन् । त्यसबाट पनि उबार्न सकिएको समय उबारेर, स्रोत र साधन एकत्र गरेर नेपाली मन र नेपालीपनका अभिव्यक्ति बटुल्ने, अवसर निकाल्नु सर्वथा तारिफयोग्य उपलब्धि हो ।
शर्माले घर-गृहस्थी र इलमबाट जोगाएको समय आफ्नो रुचिको व्यसनमा लगाएका हुन् । संयोग हो, उनको रुचि साहित्य सिर्जना भएको हुनाले त्यसबाट प्राप्त हुने सन्तुष्टि उनको भयो; तर प्रतिफल त कवितामा पोखिने भावसित नजिकिन चाहने सबैले पाउने भए, पाएका छन् । रसीला कविताभित्र खँदिला सन्देश फेला पारेका छन् । शरद याममा पढ्न रमाइलो हुने ‘दशैं’ शीर्षकको कविता यस्तो छ :---
त्यो शिक्षकले पढायो, नेता बन्न सिकायो र त आज देशको बागडोर चलाइरहेका छौ । त्यो शिक्षकले पढायो, कर्मचारी बन्न सिकायो र त आज देशको प्रशासन चलाइरहेका छौ । त्यो शिक्षकले पढायो, डाक्टर बन्न सिकायो र त आज हजारौ...
वरिष्ठ पत्रकार तथा साहित्यकार आचार्य कमल रिजालद्वारा लिखित उपन्यास ‘सुकर्म’को अंग्रेजी संस्करण ‘डीप क्वेस्ट' प्रकाशित भएको छ । २०६९ सालमा नेपालीमा प्रकाशित उक्त उपन्यासको अंग्रेजी संस्करणलाई स...
गोपाललाई सानैदेखि धूमपानको लत बसेको थियो, शायद संगतको प्रभाव भनेको यही हुनुपर्छ । घरमा बाबुदाजुहरू हुक्का तान्थे । त्यति बेलाको चलन के भने सबैभन्दा सानोले तमाखु भर्नुपर्ने । त्यतिसम्म त ठीकै थियो, सल्काएर समे...
लेखक एवं पत्रकार अखण्ड भण्डारीको उपन्यास ‘बोरा’ विमोचन भएको छ । अन्नपूर्ण पोस्ट दैनिकका प्रधान सम्पादक भण्डारीको ‘बोरा’ उपन्यास शुक्रवार काठमाडौंमा आयोजित कार्यक्रममा विमोचन गरिए...
पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...
गुणराज ढकाल सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गर...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...