कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
असोज २०, २०७६
काठमाडौं – मन्त्रिपरिषद्का पूर्व अध्यक्ष खिलराज रेग्मीले राष्ट्रिय चिन्तन र चासोलाई सर्वोपरि राख्दै जनताका निराशा र संशयलाई हटाएर अघि बढ्नु आजको आवश्यकता एवं चुनौती रहेको बताएका छन् ।
नेपालीहरूको महान चाड विजया दशमीको अवसरमा शुभकामना सन्देश जारी गर्दै रेग्मीले धैर्य, संयम र अनुशासित भएर अघि बढ्नुपर्ने पनि बताएका छन् ।
'केही समययताका घटनाक्रमले आत्मकेन्द्रित विषयगत आकांक्षा र महत्त्वाकांक्षाले गर्दा पार्टी लगायत समग्र गतिविधि शिथिल र सुस्त बन्न पुगेको सन्देश प्रवाहित हुन पुगेको छ र टिप्पणी तथा आलोचनाका श्रृंखला चलिरहेछन्,' पूर्व अध्यक्ष रेग्मीद्वारा जारी शुभकामना सन्देशमा भनिएको छ, 'राष्ट्रिय चिन्तन र चासोलाई सर्वोपरि राख्दै जनताका निराशा र संशयलाई हटाउँदै अघि बढ्नु आजको आवश्यकता र चुनौती रहेको छ । धैर्य, संयम, अनुशासन र खुसी आजको दिनको सन्देश पनि हो ।'
रेग्मीले विजया दशमीका अवसरमा सम्पूर्णमा सुख, शान्ति र समृद्धिको कामना गरेका छन् ।
'सबै दिदीबहिनी तथा दाजुभाइहरूमा विजयादशमी २०७६ को सुखद् उपलक्ष्यमा सुख, शान्ति, सुस्वास्थ्य र निरन्तर प्रगति एवं समृद्धिको हार्दिक मंगलमय शुभकामना व्यक्त गर्दछु,' रेग्मीद्वारा जारी शुभकामना सन्देशमा भनिएको छ ।
पूर्व प्रधानन्यायाधीश समेत रहेका रेग्मीको नेतृत्वमा नै संविधान सभाको दोस्रो निर्वाचन भएको हो । सोही निर्वाचनबाट चुनिएको संविधान सभाले नेपालको संविधान जारी गरेको हो ।
हेर्नुहोस्, पूर्व अध्यक्ष रेग्मीको सन्देश :
शुभ–कामना सन्देश
नेपाली समाज वहुजातीय, वहुभाषिक, वहुधार्मिक, वहुसांस्कृतिक विशेषतायुक्त समाज हो । विषेश सांस्कृतिक पर्व र चाडको रुपमा हर्षोल्लासपूर्वक मनाइदै आएको चाड हो बडादशैं । यो महान्पर्व विजयादशमीको सुखद् अवसरमा संपूर्ण दिदीवहिनी तथा दाजूभाईहरुमा हार्दिक मंगलमय शुभकामना व्यक्त गर्दछु ।
विविधता भित्र एकता नेपाली समाजको विशिष्टता र पहिचान पनि हो । आर्थिक र सामाजिक रुपान्तरण गरी सुखी र खुशी राष्ट्र निर्माण हाम्रो मूल लक्ष्य र नेपाली मात्रको चाहना पनि हो । विभिन्न राजनैतिक संघर्ष र आन्दोलनहरु मार्फत अभिव्यक्त भावना र अपेक्षा पनि यही रही आएको हो ।
परिवर्तनका विभिन्न चरणकै क्रममा भन्नै पर्ने हुन्छ — कठिन चुनौती र जटिल परिस्थितिका वीच दोश्रो संविधान सभाको निर्वाचन पश्चात् संविधान निर्माण संभव भयो । अनि राष्ट्र निर्माणको नयाँ चरण प्रारम्भ भयो । तर यो चरणको कार्यभार तव मात्रै पूरा हुनेछ जव विपन्न वर्गका सामान्य नागरिकले आफ्नो जीवनको अवस्था फेरिएको र मानवोचित जीवन यापन गर्ने अवसर सुलभ भएको अनुभूत गर्न सकुन् । परिवर्तन वा समाज रुपान्तरणको कार्यभारलाई छिटो पूरा गर्दै जाने र निमूखा जनताले अनुभूत गर्ने तथा उनीहरुको पहूँच विकास प्रकृयामा पुर्याउनु आजको आवश्यकता हो । अनि मात्र राष्ट्र निर्माणको नयाँ चरणमा प्रवेश गरेको अवस्थामा हामी पुग्ने छौं ।
वस्तुतः स्थायित्वमा गतिशीलता आजको आवश्यकता बनेको छ । इतिहासले सधै एकै प्रकृतिको अवसर दिदैन । अवसर निष्प्रभावी वा विमुखको अवस्थामा परिणत भयो भने राष्ट्र निर्माणको आधार सधै अनिश्चय र दिशाहीन अवस्थामा रहन पुग्दछ । जिम्मा लिने ले नै जिम्मेवारी निभाउने हो र सवैको सहभागीताबाट नै हाम्रो राष्ट्रिय उद्देश्य पूरा हुने हुन्छ । परन्तु हामी कस्तो गन्तव्य तय गरी अगाडी वढ्दै छौं त्यसको समीक्षात्मक सिंहावललोकन गर्न जरुरी हुन्छ । समाजलाई डोर्याउने नेतृत्व वर्ग र समाजका अगुवाहरुले नै हो — उदाहरणीय र अनुकरणीय बनेर (रोल मोडेल) । परन्तु केही समय यताका घटनाक्रमले आत्मकेन्द्रित विषयगत आकांक्षा र महत्वाकांक्षाले गर्दा पार्टी लगायत समग्र गतिविधि शिथिल र सुस्त वन्न पुगेको संदेश प्रवाहित हुनपुगेको छ र टिप्पणी र आलोचनाका श्रृखला चली रहेछन्, एक पछि अर्को मौका परिरहदा । त्यसैले राष्ट्रिय चिन्तन र चासोलाई सर्वोपरि राख्दै जनताका निराशा र संशयलाई हटाउदै अघि वढ्नु आजको आवश्यकता र चुनौती रहेको छ । धैर्य, संयम, अनुशासन र खुसी आजको दिनको सन्देश पनि हो ।
अन्तमा पुनः सवै दिदीबहिनी तथा दाजूभाईहरुमा विजयादशमी २०७६ को सुखद उपलक्ष्यमा सुख, शान्ति, सुस्वास्थ्य र निरन्तर प्रगति एवं समृद्धिको हार्दिक मंगलमय शुभकामना व्यक्त गर्दछु ।
धन्यवाद ।
२०७६ असोज १९ आइतबार, काठमाण्डौं ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...