×

NMB BANK
NIC ASIA

जनकपुरधाम – जनकपुरधामको प्रसिद्ध शक्तीपिठ राजदेवी मन्दिरमा यसवर्ष १४ हजार ६ सय ३३ वटा बोकाको बलि प्रदान गरिएको छ । बोका बलिको व्यवस्थापन गर्दै आएको महावीर युवा कमिटीका अध्यक्ष सन्तोषकुमार साहका अनुसार महाअष्टमीको राति ८ बजेदेखि शुरू भएको बलि प्रदान सोमवार बिहान साढे ३ बजेसम्म गरिएको थियो । 

Sagarmatha Cement
Muktinath Bank

बलि प्रदानका लागि मन्दिरमा ४ वटा ठेहाको व्यवस्थापन गरिएको थियो । प्रति १ मिनेटमा औसत ३३ वटा बोकाको बलि प्रदान गरिएको थियो । आधा–आधा घण्टामा प्रत्येक ठेहामा बोका काट्ने मानिस परिवर्तन गर्ने गरिन्थ्यो । स्थानीय महावीर युवा कमिटी र राम युवा कमिटीले उक्त कार्यका लागि व्यवस्थापन गर्दै आएका छन् । बोका बलि व्यवस्थापनका लागि जनकपुरका १ हजारभन्दा बढी युवा स्वयंसेवकको रूपमा परिचालित भएको साहले बताए ।


Advertisment
RMC TANSEN
IME BANK INNEWS
shivam ISLAND

पछिल्लो १० वर्षमा बोका बलिको संख्या बढ्दै गएको भएपनि यस वर्ष केही कमी आएको छ । २०६५ सालमा ११ हजार १ सय ३४, २०६६ सालमा १३ हजार ७ सय ९०, २०६७ सालमा १३ हजार ५ सय ५२, २०६८ सालमा १२ हजार ५ सय ६९, २०६९ सालमा १४ हजार ७ सय ५४, २०७० सालमा १४ हजार ७ सय २१ बोकाको बलि प्रदान गरिएको थियो । 


Advertisment
Nabil box
Kumari

त्यसैगरी २०७१ सालमा १५ हजार ४ सय ६१, २०७२ सालमा १३ हजार ८ सय १, २०७३ सालमा १४ हजार ६ सय १७, २०७४ सालमा १२ हजार ४ सय ४७, २०७५ सालमा १४ हजार ९ सय ९७ र २०७६ सालमा १४ हजार ६ सय ३३ वटा बोकाको बलि प्रदान गरिएको छ ।

Vianet communication
Laxmi Bank

बोका बलि प्रदान गर्नु भनेको हिंसा भएकाले बलि प्रथा अन्त्य गर्नुपर्ने बहसको विषय भएपनि संख्या भने घटेको छैन । राजदेवी मन्दिरमा मात्र एक रातमा मात्र १४ हजारभन्दा बढीको संख्यामा बोकाको बलि प्रदान हुँदै आएको छ । 

‘बोका बलि प्रदान अन्त्य हुनुपर्छ भन्ने आफ्नो मान्यता पनि छ,’ महावीर युवा कमिटीका संस्थापक अध्यक्ष अरुण कुमार साहले भने, ‘म आफैं पनि शाकाहारी हो, तर भाकल गरेर मानिसहरू आस्थाका आधारमा बोका बलि प्रदान गर्न आउने गरेकाले रोक्न पनि नसकिने अवस्था छ ।’ 

दुई दशकअघि ४ सयदेखि ५ सयको संख्यामा मात्र बोकाको बलि प्रदान हुन्थ्यो, तर अहिले यति ठूलो संख्यामा बलि प्रदान हुनुको कारण अब फेसन समेत बनेको छ । भाकल नभएपनि घरमा खसी(बोका)को मासु खानु नै छ भने राजदेवी मन्दिरमा बलि प्रदान गरेर नै खाने भन्ने चलन बढ्दै गएका कारण संख्या बढेको राम युवा कमिटीका अध्यक्ष उपेन्द्र ठाकुर बताउँछन् । 

राजदेवी मन्दिरमा बोका बलि प्रदान गर्नका लागि जनकपुर शहरबाट मात्र नभएर धनुषा, महोत्तरी, सर्लाही, सिरहा जिल्लाका ग्रामिण क्षेत्रबाहेक छिमेकी मुलुक भारतको बिहारका कतिपय गाउँबाट समेत मानिसहरू आउने गरेका छन् ।

बोका बलिका लागि आयोजक युवा कमिटीले प्रतिबोका २ सय रुपैयाँ असुल गर्ने गरेका छन् । ‘पहिले–पहिले बोकाको टाउको भने पूजारीले नै राख्ने गथ्र्यो, महावीर युवा कमिटीका पूर्वअध्यक्ष धर्मेन्द्र साहले भने, ‘तर हामीले २ सय रुपैयाँ लिएर टाउको समेत फिर्ता गरिदिने गरेका छौं ।’ यसवर्ष २९ लाख २६ हजार ६ सय रुपैयाँ बोकाबाट मात्र राजस्व असूल गरिएको छ । 

‘१० प्रतिशत रकम राजदेवी मन्दिरको जिर्णोधार कोषमा जम्मा हुने गर्छ भने केही रकम बोका बलिका लागि काम गर्ने कर्मचारीलाई गुठी संस्थानले खर्च गर्छ,’ महावीर युवा कमिटीका अध्यक्ष सन्तोष साहले भने, ‘बाँकी बचेको रकम राम युवा कमिटी र महावीर युवा कमिटीमा आधा–आधा बाँडेर लिने गरिएको छ ।’

ती युवा क्लबहरूले दशैंको व्यवस्थापन तथा सजावटका लागि विभिन्न व्यापारीदेखि स्थानीय नागरिकबाट समेत चन्दा असुल गर्ने गर्छन् । यसबाहेक मेला समेत ठेक्कामा लगाएर आम्दानी गर्ने गर्छन् ।

महाष्टमीका दिन भएको उक्त बलि प्रदान हेर्न नेपाल सरकारका भौतिक पूर्वाधार मन्त्री रघुवीर महासेठ, राजपा नेपालको अध्यक्ष मण्डलका सदस्य तथा धनुषा निर्वाचन क्षेत्र नम्बर ३ का सांसद राजेन्द्र महतो, जनकपुरधाम उपमहानगरपालिकाका प्रमुख लालकिशोर साह सहित विभिन्न पार्टीका नेताहरू, समाजका अगुवाहरू पुगेका थिए । 

महाष्टमीका दिन बिहान राजदेवी मन्दिरमा अलड़दु तथा नरिवलको प्रसाद चढाउन मात्रै डेढ लाखभन्दा बढीको संख्यामा भक्तजनहरू आएको महावीर युवा कमिटीका अध्यक्ष साहले बताए ।  

hAMROPATRO BELOW NEWS
TATA Below
कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x