मंसिर ५, २०८०
११ दिनदेखि सुरुङमा फसेका ४१ मजदुरलाई पाइपबाट खाना पठाइएको छ । गएराति ६ इन्चको पाइपबाट पहिलोपटक खिचडी पठाइएको भारतीय सञ्चार माध्यमहरूले जनाएका छन् । भारतको उत्तरी हिमाली राज्य उत्तराखण्डमा निर्माणाध...
काठमाडौं – जेनी हेन्स नामक महिलालाई उनका पिता रिचर्ड हेन्सले लामो समयसम्म बारम्बार बलात्कार गरेको घटना सार्वजनिक भएपछि अस्ट्रेलिया स्तब्ध भएको छ ।
जेनी बच्ची नै हुँदा पिताले लगातार बलात्कार गरेका र यातना दिएका थिए । अस्ट्रेलिया प्रहरीका अनुसार, देशको इतिहासमा यो सबभन्दा भयानक बाल उत्पीडनको मामिला हो ।
यस्तो आघात झेल्नका लागि जेनीको दिमागले असाधारण तरिका विकसित गर्नुपरेको थियो । पीडाबाट आफूलाई अलग्याउन उनले नयाँ पहिचान बनाउन शुरू गरिन् ।
उनीमाथिको उत्पीडन भयानक र नियमित भएकाले जेनीले कम्तीमा २५ सय फरक फरक व्यक्तिको पहिचान बनाउनुपरेको बताइन् ।
गत मार्च महिनामा भएको ऐतिहासिक सुनुवाइमा जेनीले पिताविरुद्ध गवाही दिएकी थिइन् । त्यतिखेर उनले आफ्ना व्यक्तित्वहरूको सहायताले आदलतमा प्रमाण प्रस्तुत गरेकी थिइन् । उनका विभिन्न पहिचानमा चार वर्षकी बालिका सिम्फनी पनि थिइन् ।
अस्ट्रेलियामा मात्र नभई संसारमै पहिलोपटक मल्टीपल पर्सनालिटी डिसअर्डर वा डिसोसिएटिभ आइडेन्टिटी डिसअर्डरको शिकार महिलाले फरक फरक पहिचानका साथ गवाही दिएको र अभियुक्तलाई सजाय दिइएको छ ।
जेनीले भनिन्, ‘हामीहरू डराएका छैनौं । हामीमाथि उनले के के सम्म गरेका थिए, त्यो बताउनका लागि हामीले लामो समयसम्म प्रतीक्षा गरेका थियौं र उनीहरूले अब हामीलाई चुप लगाउन सक्दैनन् ।’
सेप्टेम्बर ६ मा ७४ वर्षीय रिचर्ड हेन्सलाई सिड्नीको अदालतले ४५ वर्षको जेल सजाय दिइएको छ ।
हेन्सको परिवार लन्डनबाट सन् १९७४ मा अस्ट्रेलिया पुगेका थिए । जेनी चार वर्षकी हुँदा पिताले उत्पीडन गर्न थालेका थिए । सिड्नी पुगेपछि उनले हरेक दिन क्रूरतापूर्वक उत्पीडन गर्थे ।
जेनीले पीडित महिलामाथि पर्ने असरका बारेमा अदालतमा मे महिनामा बताइन्, ‘मेरा पिताले जानीबुझी मेरो उत्पीडन गर्थे । उनी हरेक मिनटको आनन्द उठाउँथे ।’
उत्पीडनकी शिकार महिलाले आफ्नो पहिचान नखुलाउने अधिकार राख्छिन् तर जेनीले पिताको पहिचान उजागर गर्नलाई आफ्नो पहिचान समेत खोलिन् ।
जेनीले भनिन्, ‘मैले उनलाई यो सब बन्द गर्नका लागि प्रार्थना गरेकी थिएँ । म रोएको उनले सुने । उनले मेरा पीडा देखे । मैले अनुभव गरेको आतंक पनि उनले देखे । उनले मेरा रगत देखे । मलाई पुगेको शारीरिक क्षति पनि देखे ।
तर भोलिपल्ट फेरि उनले यो सबै कुकृत्य दोहोर्याउँथे ।’
उनले भनिन्, ‘पिताले मेरो दिमाग भुटेका थिए । मेरो दिमाग पनि उनले पढ्न सक्छन् जस्तो लाग्थ्यो । उनले मलाई धम्क्याउँदै उत्पीडनका बारेमा कसैसँग कुरा गरेमा वा सोचेमा आमा, भाइ र बहिनीलाई मारिदिने धम्की दिएका थिए ।’
जेनी थप्छिन्, ‘पिताले मेरो आन्तरिक जीवनमा आक्रमण गरेका थिए । म आफ्नो दिमागमा पनि सुरक्षित अनुभव गर्दिनथिएँ । मलाई त्यतिखेर के भएको थियो भन्ने कुरा पनि म जाँच्न सक्दिनँ र म आफ्नो निष्कर्ष पनि बताउन सक्दिनथिएँ ।’
सेप्टेम्बर ६ मा जेनीका पितालाई ४५ वर्षको सजाय सुनाइएको थियो । त्यसदिन उनी पिताभन्दा केही मिटर पर बसेकी थिइन् । रिचर्ड हेन्सको स्वास्थ्य ठीक छैन तर उनले परोलमा बाहिर निस्कनुअघि कम्तीमा ३३ वर्ष जेल बिताउनुपर्नेछ ।
सजाय सुनाउने न्यायाधीश सारा हग्गेटले हेन्सको मृत्यु जेलभित्रै हुन सक्ने बताएकी छन् । साराले भनिन्, ‘रिचर्डको अपराध गम्भीर रूपमा विकृत र चिन्ताजनक छ । त्यो घृणित र भयानक पनि छ ।’
उनका अनुसार, जेनीले जति हानि बेहोर्नुपरेको थियो त्यसको भरपाई कुनै पनि सजायले हुन असम्भव छ ।
बीबीसीबाट
११ दिनदेखि सुरुङमा फसेका ४१ मजदुरलाई पाइपबाट खाना पठाइएको छ । गएराति ६ इन्चको पाइपबाट पहिलोपटक खिचडी पठाइएको भारतीय सञ्चार माध्यमहरूले जनाएका छन् । भारतको उत्तरी हिमाली राज्य उत्तराखण्डमा निर्माणाध...
आफ्नै साथीले छुरा प्रहार गर्दा पोर्चुगलमा एक नेपाली युवकको मृत्यु भएको छ । छुरा प्रहारबाट गम्भीर घाइते भएका कुश्मा नपा–१३, खौला, पर्वतका ३६ वर्षीय धनबहादुर क्षेत्रीको उपचारका क्रममा निधन मृत्यु भएको हो ।&n...
पाकिस्तानको क्वेटामा सुरक्षाकर्मीको एउटा समूहमाथि शुक्रबार आक्रमण हुँदा कम्तीमा १४ सैनिकको मृत्यु भएको छ । घटनाबारे बलुचिस्तान प्रान्तका एक वरिष्ठ सरकारी अधिकारी सइद अहमद उमरानीले एएफपीसँग भने, “तटीय ...
सोउल– उत्तर कोरियाले दूतावास बन्द गर्ने हालैको शृङ्खला आफ्नो बाह्य सम्बन्ध सुधार गर्नका लागि ‘नियमित मामिला’ भएको स्पष्ट पारेको छ । दक्षिण कोरियाले आर्थिक सङ्कटका कारण दूतावास बन्द गरेको दाबी गर...
अमेरिका र बेलायतका सेनाले बिहीवार यमनको हुथी नियन्त्रित कैयौं क्षेत्रहरूमा हवाई हमला शुरू गरेका छन् । लाल सागर (रेड सी) हुँदै सामान ओसारपोसार गर्ने कमर्सियल जहाजमाथि पटक-पटकको ड्रोन हमला तत्काल रोक्न...
सिरियाको पूर्वी प्रान्त देइर अल–जोरमा मध्यरातपछि अमेरिकी हवाई आक्रमणमा परी कम्तीमा नौ जना लडाकू मारिएका छन् । सिरियन अब्जरभेटरी फर ह्युमन राइट्सका अनुसार अमेरिकी लडाकु विमानले देइर अल–जो...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...