×

NMB BANK
NIC ASIA

मन्त्रिमण्डल पुनर्गठनको अन्तिम तयारी: प्रदीप ज्ञवाली र गोकुल बाँस्कोटाबाहेक सबै 'रेड जोन'मा !

असोज २७, २०७६

NTC
Sarbottam
Premier Steels
Marvel

काठमाडौं – प्रधानमन्त्री केपी शर्मा ओली मन्त्रिमण्डल पुनर्गठन गर्ने अन्तिम गृहकार्यमा जुटेका छन् ।

Sagarmatha Cement
Muktinath Bank

नेकपा अध्यक्ष समेत रहेका ओलीले यसक्रममा पार्टीका अर्का अध्यक्ष पुष्पकमल दाहाल 'प्रचण्ड' तथा आफूनिकट शीर्ष नेताहरूसँग पटक–पटक छलफल गरिसकेको प्रधानमन्त्रीनिकट उच्च स्रोतले लोकान्तरलाई जानकारी दियो ।


Advertisment
RMC TANSEN
IME BANK INNEWS
shivam ISLAND

चिनियाँ राष्ट्रपति शी चिनफिङको भ्रमणका कारण केहीदिन सेलाएको मन्त्रिमण्डल पुनर्गठनको तयारीले शी फर्किएलगत्तै गति लिएको छ ।


Advertisment
Nabil box
Kumari

ओलीले यस सम्बन्धमा अध्यक्ष पुष्पकमल दाहाल प्रचण्डसँग सोमवार पनि कुराकानी गरेका छन् । ओली–प्रचण्ड भेटमा मन्त्रिमण्डल पुनर्गठनका विषयमा गम्भीर छलफल भएको थियो ।

Vianet communication
Laxmi Bank

स्रोतका अनुसार नेकपा शीर्ष नेताहरूबीच २ विकल्पमा छलफल भइरहेको छ, त्यसमध्ये एक हो हालका सबै मन्त्रीलाई राजीनामा गराएर नयाँ ल्याउने । तर प्रधानमन्त्री ओली दुई मन्त्रीलाई कुनै पनि हालतमा हटाउन तयार छैनन् ।

परराष्ट्र मन्त्री प्रदीप ज्ञवाली र सञ्चार तथा सूचना प्रविधि मन्त्री गोकुल बाँस्कोटाबाहेक अन्यको कामप्रति आफू सन्तुष्ट नरहेको भनेर प्रधानमन्त्री ओलीले भन्ने गरेको स्रोतले बतायो ।

'छलफल र सल्लाहका क्रममा उहाँ (प्रधानमन्त्री ओली) ले म दुईजनालाई कुनै पनि हालतमा हटाउन्न अरूको विषयमा म पनि सन्तुष्ट छैन भन्ने गर्नुभएको छ,' ओलीको भनाइ उद्धृत गर्दै स्रोतले लोकान्तरसँग भन्यो ।

'सरकार र पार्टीको पक्षमा दृढतापूर्वक उभिनेलाई त मैले साथ लिएर अगाडि जानैपर्छ नि भन्ने प्रधानमन्त्रीको अडान छ,' स्रोतले भन्यो, 'तर, उहाँलाई अन्य केही मन्त्रीलाई समेत जिम्मेवारी हेरफेर गरेर भनेपनि राख्नुपर्छ भन्ने सुझाव छ।'

बाँस्कोटा सरकारको आलोचना गर्नेमाथि कडा रूपमा प्रस्तुत हुने गरेका छन् । उनको अभिव्यक्ति हमेशा सरकारको रक्षा गर्नेमा केन्द्रित रहने गरेको छ ।

प्रधानमन्त्री ओलीका विश्वास पात्र मानिने परराष्ट्र मन्त्री प्रदीप ज्ञवाली भने चिनियाँ राष्ट्रपति शीको भ्रमणपछि निकै बलियो बनेका छन् । शीको भ्रमणलाई ओली सरकारको निकै महत्त्वपूर्ण उपलब्धि मानिएको छ ।

शीलाई नेपाल भ्रमण गराउन ज्ञवालीले परराष्ट्र मन्त्रीका रूपमा खेलेको भूमिकाबाट ओली निकै प्रसन्न भएका हुन् ।

यी दुईबाहेक अन्य मन्त्रीहरू कोही पनि पूर्णरूपमा सुरक्षित नरहेको दाबी स्रोतको छ । सरकार र पार्टीमाथि चौतर्फी आक्रमण हुँदा पनि अन्य मन्त्रीहरू चुप रहेको र कामपनि सन्तोषजनक नगरेको भनेर प्रधानमन्त्री ओली असन्तुष्ट छन् ।

नेकपाभित्र दोस्रो विकल्पका रूपमा केही मन्त्रीलाई राजीनामा गराउने विषयमा पनि छलफल भइरहेको छ ।

यो विकल्पमा जाँदा असन्तुष्टि व्यवस्थापन गर्न चुनौती हुने देखेर छलफल थप लम्बिएको स्रोतले बतायो । यस्तो गर्दा कसलाई राख्ने कसलाई फाल्ने भन्ने विषयमा सहमति जुट्न निकै कठिन देखिएको छ ।

प्रचण्डसँग सबैभन्दा बढी छलफल !

मन्त्रिमण्डल पुनर्गठनका सम्बन्धमा ओलीले सबैभन्दा बढी छलफल अध्यक्ष प्रचण्डसँग गरेका छन् ।

प्रचण्डसँगको छलफलमा पनि प्रधानमन्त्री ओलीले दुई जनाबाहेक अरूका विषयमा आफूले केही नभन्ने बताउने गरेको स्रोतले बतायो ।

'जेसुकै आरोप लागोस्, जस्तोसुकै परिस्थिति आओस्, दुई जनाबाहेक अरूका सबालमा म केही भन्दिनँ,' प्रधानमन्त्रीले नेताहरूसँग भन्ने गरेका छन् ।

सबै मन्त्रीलाई राजीनामा गराउने विकल्पमा जाँदा पनि ज्ञवाली र बाँस्कोटालाई फेरि मन्त्री बनाउने प्रधानमन्त्रीको अडान छ ।

प्रधानमन्त्री ओली असंलग्न राष्ट्रहरूको १८औं सम्मेलनमा भाग लिन कात्तिक ७ गते अजरबैजान जाँदैछन्, त्यसअघि नै मन्त्रिमण्डल पुनर्गठन गरिसक्ने गरी छलफल अघि बढेको स्रोतको दाबी छ ।

यो पनि पढ्नुहोस् - 

राजनीतिले कोल्टे फेर्ने प्रचण्ड अभिव्यक्ति : गम्भीर संकेत कि राजनीतिक जुवा ?

hAMROPATRO BELOW NEWS
TATA Below
कात्तिक २०, २०८०

नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...

कात्तिक १८, २०८०

नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् ।  विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...

मंसिर २४, २०८०

 नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...

मंसिर १६, २०८०

नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...

कात्तिक २२, २०८०

दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...

मंसिर ८, २०८०

‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x