प्रसादमा साइनाइड विष मिसाएर १० जनालाई मार्ने व्यक्ति पक्राउ

काठमाडौं – भारतमा एक व्यक्तिले प्रसादमा साइनाइड विष राखेर १० जनाको हत्या गर्ने व्यक्तिलाई प्रहरीले पक्राउ गरेको छ । विष खुवाएर उनले पीडितको नगद, सुन र चाँदी लुट्ने गरेका थिए । 

वेल्लंकी सिम्हाद्री नामक ती व्यक्तिलाई प्रहरीले मंगलवार पक्राउ गरेको हो । उनले आन्ध्र प्रदेशमा फेब्रुअरी २०१८ देखि अक्टोबर २०१९ सम्म उक्त हत्या गरेका थिए । 


Advertisement

प्रहरीको दस्तावेजअनुसार, सिम्हाद्रीले पीडितहरूलाई प्रसादमा साइनाइड हालेर दिने गरेका थिए । साइनाइडको उपयोग धातुहरू सफा गर्ने रसायनका रूपमा गरिन्छ र बढी डोज परेमा प्राणघातक हुन्छ । उनले पीडितहरूलाई साइनाइड एक परम्परागत औषधि हो भन्दै दिने गरेको बताइएको छ ।

नौजना पीडितबाट सिम्हाद्रीले सामानहरू चोरेको प्रहरीको दस्तावेजमा उल्लेख छ । 

अक्टोबर १७ मा शिक्षक काती नागराजु एलुरुमा बेहोश अवस्थामा फेला परेको प्रहरीले जनायो । त्यसको अघिल्लो साँझ उनले पत्नीलाई आफू बैंक जान्छु भनेको तर घर नफर्केको प्रहरीको भनाइ छ ।

सिम्हाद्रीलाई सीसीटीभीमा नागराजुसँग कुरा गरेको देखिएको प्रहरीले जनायो । उनलाई मंगलवार पक्राउ गरेपछि उनले १० वटा हत्या सकारेका थिए । 

सिम्हाद्रीलाई पक्राउ गरिएपनि कुनै अभियोग लगाइएको छैन र पुर्पक्षको मिति पनि तोकिएको छैन । उनले हत्या गरेको ठहर भएमा कि त मृत्युदण्ड कि त आजन्म कारावासको सजाय दिइनेछ ।

सीएनएनबाट
 

कमेन्ट गर्नुहोस्