×

NMB BANK
NIC ASIA

कला संवाद

विक्रम परियार : अँध्यारो कोठाबाट उज्यालो भविष्य देखेका गायक

कात्तिक २३, २०७६

NTC
Sarbottam
Premier Steels
Marvel

काठमाडौं- 'चौतारीको बर'बाट दर्शकमाझ परिचित भएका गायक विक्रम परियारलाई लोकान्तरकर्मीले सोधेको थियो- तपाईंका संघर्ष लेखौं कि भनेर भेट्न आएको ।

Sagarmatha Cement
Muktinath Bank

उनले यसको जवाफ भावुक हुँदै दिएका थिए, 'सर, मैले जिन्दगीमा यति धेरै दु:ख र अभाव भोगेको छु कि जुन सुनाउँदा पनि मेरा आँखामा आँसु थामिँदैनन् ।'


Advertisment
RMC TANSEN
IME BANK INNEWS
shivam ISLAND

अनि सोचेँ- संघर्षका दिनबारे पछि कुरा गरौंला ।


Advertisment
Nabil box
Kumari

*****

Vianet communication
Laxmi Bank

स्याङ्जा गल्याङ नगरपालिका देवीस्थान-७ मा विक्रम मध्यम परिवारमा जन्मिए । स्याङ्जा लोकगीतको उर्वर भूमि । स्याङ्जाले धेरै राम्रा लोकगायक/गायिकाहरू जन्माएको छ । त्यसैको प्रभाव विक्रममा पनि पर्‍यो । रेडियो तथा क्यासेटका चक्का किनेर उनले आफूलाई मनपर्ने कुलेन्द्र विश्वकर्मा, राजु परियार, शर्मिला गुरुङलगायतका गीतहरू खोजीखोजी सुन्न थाले ।  त्यसपछि लोकगीतप्रति उनको चासो ह्वात्तै बढ्न थाल्यो ।

स्कूल कलेजमा पनि गीत गाउन थाले । भन्छन्, 'शिक्षक तथा कक्षाका साथीहरूले राम्रो गाउँछौ भनेर एप्रिसियसन गर्न थालेपछि मलाई पनि प्रोफेसनल भएरै अब सांगीतिक बजारमा छिर्नुपर्छ भन्ने लाग्यो ।'

कक्षामा गाउँदा शिक्षक र साथीहरूले राम्रो छ भन्थे । उनी खुशी हुन्थे, दंग पर्थे । तर आफ्नो स्वर धेरैमाझ चिनाउनु थियो उनलाई । यसैबीच उनले चिनिन सकिने बाटो पाए- इमेज लोक कलाकार ।

गायन रियालिटी शो आफूलाई चिनाउने उत्कृष्ट माध्यम लागेको हो ?  उनले जवाफ दिए, ' मेरो अनुहार र स्वरलाई चिनाउन एउटा राम्रो पक्ष भनेको रियालिटी शो नै हो भन्ने लाग्यो । एल्बम निकालेर बजारमा चिनिनका लागि त्यतिधेरै पैसा पनि थिएन ।'

इमेज लोक कलाकार नामक गायन रियालिटी शोमा उनी शीर्ष १२ सम्म अटाए । गाउँका पाखामा गाउने, स्कूल तथा कलेजका कक्षाहरूमा गाउने विक्रम टेलिभिजनका स्क्रीनमा देखिए । उनलाई चिन्नेको संख्या दैनानुदिन बढ्दै गयो ।

उनले इमेज लोक कलाकारमा गाएको एउटा गीतलाई धेरैले मन पराए ।

विगतका दिन कोट्याउँछन् उनी- 'सुनकोशी पूर्व पर्‍यो कि' भन्ने गीत रियालिटी शोमा गाएको थिएँ । उक्त गीतलाई त्यतिबेला धेरैले रुचाएका थिए । सामाजिक सञ्जालहरूमा १२ हजार भन्दा बढी शेयर भएका थिए ।

त्यसपछि उनलाई लोक दोहोरी क्षेत्रमा राम्रो स्वर भएको कलाकार आयो है भनेर सोही क्षेत्रमा कलाकार तथा आमदर्शकले नोटिस गर्न थाले ।

अझै पनि उनी इमेज लोक कलाकारमा आफूले गरेको यात्रालाई 'टर्निङ प्वोइन्ट'को रूपमा लिन्छन् ।

'यूट्युबका कारणले विदेशमा हुनेहरूले मेरो गलालाई मन पराएको पाएँ । यो नै मेरो जीवनको टर्निङ प्वोइन्ट बन्न पुग्यो,' यात्रा सुनाउँछन् उनी, 'म गीतसंगीतमा लाग्नका लागि इमेज लोक कलाकारले ठूलो महत्त्व राख्छ । यसलाई मैले सबैभन्दा ठूलो खुड्किलोको रूपमा लिन्छु ।'

*****

विक्रमको काठमाडौं आउनुको मुख्य उद्देश्य थियो- मास्टर्स पढ्ने । उनले गल्याङमा मेजर इंलिसमा ब्याचलर सकेका थिए । तर उनको मन अध्ययनमा मात्रै सीमित रहेन । गीतसंगीतको हुरीले उनलाई उडायो ।

इमेज लोक कलाकारबाट बाहिर निस्केपछि उनले जिन्दगी बुझे । नियति र अभावलाई नजिकबाट नियाले ।

काठमाडौंको अभाव, दु:ख र पीडालाई चिर्न भनेर उनले केही समय लालदरबार दोहोरी साँझमा पनि काम गरे । तर उनको जीवनस्तर त्यति सुध्रिएन । तर पनि विक्रम आफूलाई मनपर्ने क्षेत्र संगीतबाट टाढा हुन सकेनन् ।

हुर्केको छोरो । परिवारको मायाबाट टाढिएर गायक बन्ने सपना पालेर राजधानीमा संघर्षरत छ । घरबाट मागेर काठमाडौंमा गुजारा गर्ने अवस्था पनि छैन ।

उनी घरिघरी दोहोर्‍याइरहन्छन्, 'काठमाडौंमा मैले गरेको दु:ख सम्झिने हो भने आँसु बग्छ ।'

यसबीचमा उनले काठमाडौंको चिसो सहे । भोक सहे । अभा­व झेले । वास्तवमा जिन्दगी बुझे ।

अभावका दिनहरूबारे उनी खुल्छन्, 'काठमाडौंको चिसो कसरी सहेको छु मलाई थाहा छ । दिउँसै बत्ती बाल्नुपर्ने अन्धकार कोठामा कसरी रात बिताएको छु त्यो मलाई थाहा छ । त्यही कोठामा गीतसंगीतमै घोल्तिएर  गीतसंगीतमै उज्यालो भविष्य देखेर धेरै रात सुतेको छु ।'

उनी बिना हिच्किचाहट दु:खका दिन सुनाउँछन्, 'कति रात त भोकै सुतेको छु । पाउरोटीको भरमा छाक टारेको दिन त कति छन् कति ।'

त्यस्तो अभावका बीचमा पनि संगीत नै सोचिरहनुभएको थियो त ? आफूलाई मन परेको क्षेत्रमा जति पनि दु:ख सहन सकिने भन्दै प्रश्नको उत्तर दिँदै भने, 'दु:ख त गर्छु । टाढा त जान्नँ म । गीतसंगीतमै रमाउन चाहन्छु,' 'मलाई मनपर्ने क्षेत्र पनि हो । मन परेको कुरा गर्न दु:ख र हण्डर त सहनुपर्छ । म त्यसका लागि जहिल्यै पनि तयार छु ।'

सांगीतिक ब्रेक

इमेज लोक कलाकारबाट बाहिर निस्किएको केही समयपछि उनी  शिव हमालसँग नजिकिए । त्यसबीचमा गीतकार केशव पौडेलसँग पनि उनको चिनाजान भयो ।

अनि उनले एकदिन केशवलाई 'दाइ' एउटा गीत गरौं भने ।

केशवले उनको प्रस्ताव सहजै स्वीकार गरे ।

त्यसपछि केशवले गीतको शब्द लेखे । शिव हमालले संगीत भरे ।

गीत बन्यो :

'गुन्द्रुक मीठो साग तामा मीठो बाँसको

आज मलाई खाँचो पर्‍यो बैंश जोवन साथको'

गीत बजारमा आएपछि आफूलाई दर्शकले चिन्न थालेको विक्रमको भनाइ छ ।

भन्छन्, 'यो २०७४ सालमा निस्किएको थियो । यसले मलाई चिनाउन ठूलो भूमिका खेल्यो । यही गीत सुनेर लोकगीतका क्षेत्रमा परिचित दाइदिदीहरूले पनि तिम्रो स्वर राम्रो छ भन्नुभयो ।'

चौतारीको बर

विक्रम परियारको स्वर, बसन्त थापाको संगीत तथा नकुल ढकालले लेखेको गीत हो- चौतारीको बर । महिलातर्फ भने यस गीतलाई सुमित्रा तामाङले गाएकी छन् ।

आधा दर्जन बढी गीत गाएपछि विक्रमको स्वरमा 'चौतारीको बर' बजारमा निस्किएको हो ।

उनले एउटा राम्रो गीत गाएर चिनिनुपर्छ भन्ने सोचिरहेका थिए । त्यसैबीच उनले स्रष्टा एवं गायक बसन्त थापासँग चिनचान भएका कारण भनेछन्- दाइ अब हामी काम गरौं न !

बसन्तले पनि 'हुन्छ' भनेछन् ।

विक्रम भन्छन्, 'उहाँले पनि समय आएको छ तिम्रो । ल एउटा गीत गरौं भन्नुभयो । अनि गीतको काम भयो ।'

तर उनले भिडियोमा आफूले रिस्क लिन नचाहेको पनि बताए । उनलाई आफ्नो अनुहार बिक्दैन कि भन्ने शंका लागेको थियो रे । भन्छन्, 'म विशुद्ध नयाँ कलाकार । मेरो अनुहार बिक्दैन कि कतै भन्ने सोचेँ । रिस्क चाहिनँ ।' तर आगामी दिनमा भने गीतसँगै भिडियोमा पनि आफू देखिनेबारे उनले सोच गरेका छन् रे !  

गीतसंगीतमा लागेपछि 'चौतारीको बर'ले आफूलाई सबैभन्दा खुशी दिएको उनले बताए । मन्द मुस्कानसहित सफलता सुनाउँछन् उनी, 'यो गीतले मेहनतअनुसार लोकप्रियता हासिल पनि गर्‍यो । म निकै खुशी छु ।'

'चौतारी बर' लाई यूट्युबमा लगभग ९० लाख पटक हेरिएको छ । यूट्युबमा यति धेरैपटक लोक गीतका भिडियो हेरिनुलाई उनले सुखद् ठान्छन् ।

उनको गीत यूट्युबमा मात्र होइन, टिकटकमा पनि व्यापक हिट भयो । १ लाखभन्दा बढी प्रयोगकर्ताले गीतको विभिन्न टुक्काहरूलाई लिएर भिडियो बनाएको उनी सुनाउँछन् ।

'चौतारीको बर' बजारमा आएपछि स्टेजहरूमा पनि माग बढेको उनले बताए । भन्छन्, 'यस गीत बजारमा आएपछि म कार्यक्रमकै लागि कतार पुगेँ । स्टेजहरूमा पनि राम्रै माग हुन थालेको छ ।'

hAMROPATRO BELOW NEWS
TATA Below
पुस २, २०८०

‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् ।  अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...

फागुन ८, २०८०

लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् ।  उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...

कात्तिक १९, २०८०

साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् ।  थुप्रै देशमा पुगेर आफ्नो स्वर गुञ्जाइस...

पुस २७, २०८०

ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् ।  विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...

कात्तिक २७, २०८०

गायक श्रीधर अधिकारीको नयाँ लोकदोहोरी गीत सार्वजनिक भएको छ ।  तिहारको अवसर पारेर सार्वजनिक ‘बाडुल्की ला होला...’बोलको गीतमा उनलाई शान्तिश्री परियारले गायनमा साथ दिएकी छन् । ​ बा...

पुस १६, २०८०

युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् । आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे ।  ‘हावा चिसो चिसो’, ‘पानी परेको...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x