अस्तव्यस्त र धुलाम्मे सडकका कारण सुस्तायो नगरकोट [भिडियोसहित]

सुरेन्द्र श्रेष्ठ
सुरेन्द्र श्रेष्ठ

श्रेष्ठ लोकान्तरका मल्टिमिडिया संवाददाता हुन् ।

सरकारले भ्रमण वर्ष २०२० मनाउने तयारी गरिरहँदा काठमाडौंबाट नजिकको पर्यटकीय स्थल नगरकोट जाने बाटो भने नाजुक अवस्थामा छ । 

भक्तपुरको भत्केकोपाटीदेखि नगरकोटसम्म करीब १० किमी बाटो पार गर्न यात्रुले अत्यधिक धूलो खानुपरेको छ । 


Advertisement

सन् २०१४ मा आरामाली इन्फ्रा पावर लिमिटेड र शैलुङ कन्सट्रक्सन कम्पनी प्रालिले २ वर्षभित्र काम सक्ने गरी सम्झौता गरेका थिए ।


Advertisement

तीन पटकसम्म म्याद थप गर्दा पनि सामान्य ग्राबेल गर्नेबाहेक कुनै काम हुन सकेको छैन । 

शैलुङ कन्स्ट्रक्सनका प्रमुख शारदा अधिकारी नेकपाका अध्यक्ष पुष्पकमल दाहाल 'प्रचण्ड'का घरबेटी हुन् । 

नगरकोट आउजाउ गर्ने मुख्य सडक नै वर्षौं अलपत्र हुँदा पर्यटन व्यवसायमै असर परेको नगरकोटका होटल व्यवसायी बताउँछन् । 

एक्जिम बैंक इन्डियाको ३१ करोड ५२ लाख ९२ हजार २ सय २० रुपैयाँ ऋण सहायतामा करीब १६ किलोमिटर लामो बाटो विस्तार गर्ने सम्झौता भएको थियो । 

साविक साढे ३ मिटरको सडकलाई बढाएर सात मिटर तथा घुम्तीमा ११ मिटरसम्म फराकिलो बनाउने, कालोपत्रे गर्ने र नाली-ढलको व्यवस्थापन गर्ने गरी सम्झौता भएको थियो । 

सडकको कालोपत्रे नभएकाले बाटो धुलाम्मे हुने गर्छ । गाडीको पछाडि अर्को गाडी धूलोकै जान नसक्ने अवस्था छ । 

बाटोको यही अवस्था हुने हो नगरकोटमा पर्यटकको आगमन नहुने निश्चित छ । यसले नेपालको भ्रमण वर्ष कति सफल होला ? 

सरकारले मर्मत गर्नका लागि ठेकेदार कम्पनीलाई दबाब दिनुपर्ने देखिन्छ ।

हेर्नुहोस्, भिडियो :

कमेन्ट गर्नुहोस्