भारतको संसद्को शीतकालीन सत्रको दोस्रो दिन पनि विपक्षी दलहरूले हंगामा मच्चाएका छन् । 

हंगामा मच्चाउने क्रममा विपक्षी दलका सांसदहरू वेलमा आउँदा सभामुख ओम बिडलाले उनीहरूले कडा चेतावनी दिए । ‘पहिला पहिला वेल घेर्ने परम्परा थियो होला तर अब यो चल्दैन,’ उनले भने । 

वेलमा आएका सांसदहरूलाई उनले भने, ‘यस्तो चलन पहिले थियो होला तर अब यसलाई सहन सकिन्न । यस्तो गरिरहनुभयो भने कारवाही समेत गर्न सकिन्छ ।’

मंगलवार लोकसभामा किसानहरूको विषयमा चर्चा शुरू गर्दा सांसदहरूले होहल्ला गरे । अनि सभामुख बिडलाले चर्चा गर्न दिनुस् भनी चेतावनी दिए पनि सांसदहरूले नाराबाजी गरिरहे ।

वेल घेर्न गएका सांसदहरूले तानाशाही बन्द गर भन्दै नारा लगाए । अनि हामीलाई न्याय चाहियो र जवाफ देऊ, जवाफ देऊ भनेर समेत उनीहरूले नारा लगाए । 

अनेकौं सांसदहरूले लोकसभामा जवाहरलाल नेहरु विश्वविद्यालयको विषय पनि उठाए र होस्टेलको शुल्क बढाइएकोलाई फिर्ता लिन माग राखे । 

विपक्षी दलहरूले सदनमा जम्मु–कश्मीरको मुद्दा उठाइरहेका छन् । अनि गान्धी परिवारका तर्फबाट एसपीजी सुरक्षा फिर्ता लिने विषय पनि उठाइएको छ । 

सोमवार पनि विपक्षी दलहरूले अर्थतन्त्र र बेरोजगारीको विषयमा सरकारलाई घेरेका थिए । 

एजेन्सी