संघीय मामिला तथा सामान्य प्रशासन मन्त्री लालबाबु पण्डित अनुपस्थित भएपछि प्रतिनिधि सभाअन्तर्गत राज्य व्यवस्था समितिको बैठक स्थगित भएको छ ।

संघीय निजामती सेवाको गठन, सञ्चालन र सेवाका शर्तहरूको व्यवस्था गर्न बनेको विधेयकमाथि छलफलको कार्यसूची रहेको बैठक विभागीय मन्त्रीको अनुपस्थितिका कारण स्थगित भएको हो ।

मंगलवार साँझ बसेको मन्त्रिपरिषद् बैठकमा प्रधानमन्त्री केपी शर्मा ओलीले आज (बुधवार) मन्त्रिपरिषद् हेरफेर हुने संकेत गर्दै औपचारिक कार्यक्रमहरूमा सहभागी नहुन मन्त्रीहरूलाई निर्देशन दिएका थिए ।

आजको मन्त्रिपरिषद् हेरफेरमा लालबाबु पण्डित पनि मन्त्रीबाट हट्ने चर्चा छ । पण्डितका अलावा गोकर्ण विष्ट, मातृका यादव, चक्रपाणि खनाल, थममाया थापाको नाम पनि हट्ने सूचीमा रहेको चर्चा छ ।